#die-ries

[puregrief]

"مش قادرة أصدق إنه مش هنا بس مش عارفة مصدقش بردو عشان هو مش هنا."

5 فبراير، 2023

[puregrief]

"أنا حاسة إني بتصفى، حاسة فعلًا إني بتصفى وبخلص حبة بحبة وببطء قاتل بس محسوس كأنه بسرعة كده مش عارفة ازاي أعبّر، يعني انتهائي بطيء لكن الاحساس بالانتهاء سريع وواضح، أنا مش عايزة ولا قادرة أكمل خلاص."

٢١/ابريل/٢٠١٩

[puregrief]

"نفسي أهرب من نفسي، بكره نفسي فشخ وبكره صوري وبكره الإنستا بتاعي وبكره تخيلي عن ازاي الناس شايفاني أو ازاي هيشوفوني لو عملت أي حاجة، وبكره كوني أنا"

٢/يونيو/٢٠١٩

[puregrief]

"أنا سعيدة إني بنتهي."

٢٣/مارس/٢٠١٩

[puregrief]

"مكانش معايا فلوس فقلتله خلي اللاب هروح أجيب وأرجعلك قالي لأ خديه والخير في أمتي وبتاع كان نفسي أقوله أنا مش من أمتك."

٤/أكتوبر/٢٠١٨

[puregrief]

"اتحملت غيابك ورجوعك وتقبلي ليك في الاتنين! الباب الموارب اللي مبيتقفلش مني أنا كارهة المناطق الرمادية... لكام مرة أبعتلك رسالة، وكام مرة أرن، وكام مرة أمسك فيك، وكام مرة أقول كلام حلو ليك وأحبك وأنا بكره نفسي، وقد ايه من الحب أديهولك عشان تكتفي!"

أنا في 2016، يا حبيبتي! :)

[puregrief]

"كنت نسيت إني بحسّ أساسًا."

— أنا من 3 سنين، الله الوكيل من ساعتها مبطلتش إحساس غامر وآلام لا تنتهي!😃

[puregrief]

"نفسي أعمل أي حاجة وأرجع لسنة 2021 قبل ما يعمل العملية حتى لو مكانتش أحسن فترة بس بردو عايزاه هنا وعايزاه يعيش، نفسي كنت أنا اللي أموت، واحشني وقلبي واجعني ومعرفش لو هتعود على الاحساس ده في أي وقت، بعد كل الوقت ده ولسه مش قادرة أستوعب حتى مش أتعود، حاسة إني في كابوس ولسه مصحتش أو هفضل فيه على طول بس مستنية وعلى أمل إنه ينتهي"

أنا من سنة، الشريط سفّ والزنبلك داير على الفاضي.