#30.mar.25

[lsd-l]

[nana2009]

Your yandere Davekat stuff is so awful it made me involuntarily tear up and get nauseous last night when I was browsing it. As another yandere Homestuck content creator, I hope to instill the same feelings in someone some day. Keep up the good work, man.

ooh myyy i'm so happy for that! hehe :3

hope you continue your yandere content too, anon!! (∩˃o˂∩)♡

1 year old doot doot 4 u!

[lsd-l]

النهاردة كان يوم عيد غريب جداً ..

بابا بيحرص من ساعة ما وعيت على الدنيا إننا ننزل نصلي العيد كل سنة، لكن آخر 4 سنين وأنا في مصر ولا مرة نزلت بصراحة كنت بستنى أنا وبنت خالتي الناس والجيران تروح تصلي والناس في البيت تدخل تنام عشان الشارع يفضى ونهرب أنا وهي ساعة الصلاة من البيت من غير ماحد يحس ونروح مكان يبعد عن البيت تلت أربع دقايق كدة على النيل مباشرةً ونولع سجاير بالبيجامة وده كان بيضرب الأدرينالين عندنا في العالي عشان كنا في حتة كلها فلاحين -فلاحين الفكر وفلاحين حرفياً- وفي نفس الوقت كنا بناخدها جري ونشرب أسرع سيجارتين في العالم قبل ما حد من البيت يصحى ويكتشف إننا مش في البيت وكمان المكان اللي على النيل ده كان ممنوع تماماً نروحه عشان هو كان مقر الحشاشين ومتبادلي المخدرات لكن إحنا كنا بنستنى اللحظة دي من السنة للسنة عشان كان بيبقى كله فاضي علشان صلاة العيد، المهم السنادي بقى بعد مرور أربع سنين بدون صلاة عيد نزلنا جري علشان نلحق ونزلنا متأخر علشان كنا بنعك بالصبغة في شعر أختي عقبال ماغسلناه ونشفناه وفردناه وطلع لونه تحفة جداً وده أخد مننا وقت كتير ونزلنا من البيت قبل معاد الصلاة ب 5 دقايق فا بابا طلع يجري بالعربية بسرعة فشخ ومتعصب وأنا وأختي قاعدين ورا فطسانين ضحك معرفش ليه وبعدين وصلنا المكان اللي هنصلي فيه كان زحمة فشخ وكله مصريين بس و ده فرحني جداً حسيت إني كنت في مصر فيما عدا ريحة الشوارع لأن ريحة شوارع مصر مش بتتكرر تاني، وروحنا جري لحقنا الحمدلله ووإحنا بنصلي كان في عيال صغيرة بتتشقلب قدامنا وبتقول كلام يضحك وبتفرقع بومب فا إحنا كنا خلاص مش قادرين نمسك نفسنا من الضحك وبعد ماخلصنا إتنمرنا على كل الخلق وبدل ما نزلنا نصلي ونرجع بحسنات نزلنا خلصنا ذنوب رمضان كلها، وكان في عيال بتوزع حلويات وأختي راحت بلطجت على واحد وأخدت كل الحلويات اللي في الطبق اللي هو ماسكه والواد فضل قاعد كدة مصدوم ومتنح وكان هيعيط بس طلعنا نجري خبطنا في ناس كانو صحاب ماما حيزبونات زرقاوات ماشوفتهومش من 4 سنين فا قعدنا نصطنع الضحكات والسلامات والكلام الفاضي ده وبعدين مشينا كملنا تنمر على الناس وروحنا البيت فجاة إتنكسوا كلهمممم، أخويا الصغر درجة حرارته رفعت وجاله فايروس كحة وسخونية وصوته راح تماماً وبعدها أختي وماما حصلهم نفس الكلام بالظبط وبعدها أنا بطني وجعتني فشخ والموضوع غريب جداً بصراحة وتقريباً ده ذنب الناس اللي إتنمرنا عليهم ومقضيين اليوم كله في السرير وسط الأدوية والمناديل واليوم عدى بسرعة جداً لأننا نمنا متأخر جداً والسهرة اللي كانت بعد ماروحنا البيت كانت عسل فشخ وعدلت مودي اللي كان خربان اليوم كله ونمت وصحيت 5 ونص المغرب ودلوقتي الساعة 10 معرفش إزاي وهقوم أشرب قهوة علشان أكمل باقي السهرة .

[lsd-l]

لو الحياة تقدر تفهّمني إيه ذنبي ..