"Je rêve qu'un jour, même l'Etat du Mississippi, un Etat où l'injustice et l'oppression créent une chaleur étouffante, sera transformé en une oasis de liberté et de justice" - Martin Luther King بحال لوثر كينج، بزاف ديال الناس شبهو الواحات الصحراوية كجنة في الأرض. الصغر ديالي كولو وانا كنقرى على أن أجمل ما في الصحراء هو الواحة ديالها. حتى فالروسوم لي كنا كنتفرجو فيهم كتكون الواحة فيهم هي أرض السعادة اللانهائية. مكنتش كنفهم علاش الفراعنة (أقوى حضارة فالتاريخ) سكنات حدى نهر النيل من مصر حتا لسودان 🤔🤨 منين كبرت و بديت نسافر مشيت لجهة الراشدية و زرت بزاف ديال الواحات من تنغير حتا أسول و إملشيل، وتما فهمت علاش وخا ملقيتش الجواري و الحور لي غنا عليهم مارشال ف Hala Arabica 😂😋 و لكن الإحساس لي كتحس به منين كتوصل لتما لا يقدر بتمن (خصوصا بعد 2 ساعات مشي على رجليك بالباكطاج الثقيل و الماء القليل و الشمس لي تقدر تقلي بيها بيضة فوق راسك). صبحان الله كتكون كتمشى فلخلا و القفار و كتفقد الأمل تلاقى مع شي بشار حتى شوية كيبان ليك الشجر خارج من حيث تدري و لا تدري. بس 1 : لي بغا الطراجي مرحبا بيه بس 2 : الصور من واحة عين مسكي بس 3 : الصور تخادو فوقت البرد #3in_Meski #Rachidia #PainThenPride #ما_أجملك_يا_بلدي