Apr 25, 2017
خلاص بقنع نفسي أنه خلاص أنه التفكير فيك مبقاش مسموح بقى مبيجبش غير وجع القلب و الحزن، عدى كتير و أنت مش هنا بكامل إرادتك مشيت و بإيدك ترجع وقت ما تحب بس مش عايز ترجع، معقولة تكون بتلومني و قالب التربيزة عليا جوا عقلك شايفني غلطانة و أنا تقريبا الحاجة الوحيدة اللي في حياتك عدلة أو كنت في حياتك بقى...أنا عارفة أنك مش راجع بل و غيابك وجعه بيقل مع الأيام و دي من نعمة ربنا عليا بدل ما كان زماني بموت من الوجع كل يوم، مش عارفة كان ايه لازمة قربك من الأول و عشمي الزيادة فيك بس كل اللي أنا عارفاه أن عوض ربنا كبير و بكرة هعرف أنت ليه مشيت و مكملتش بكرة هيجي الأحسن منك..هو أكيد مش كامل بس على الأقل هيعرف يعاملني كويس...
