#a time for consequences

[boardsdonthitback]

Jacky Wu Jing, Tony Jaa

Sha Po Lang 2: A Time For Consequences / Kill Zone 2 (2015)

[boardsdonthitback]

Tony Jaa - Sha Po Lang 2: A Time For Consequences (2015)

[kingphimtv]

Sát phá lang 2 Sát Phá Lang 2 xoay quanh cuộc hành trình giải thoát cho cô con gái nhỏ của một nhân viên cai ngục người Thái, vì chỉ có một mình đơn độc không thể nào chống lại được thế lực bóng tối nên anh phải nhờ vào sự giúp đỡ của một người đồng nghiệp, đó là một cảnh sát chìm.

[unwire-hk]

影評：《殺破狼 2》- 不一樣的殺破狼！

《殺破狼》，這套 10 年前的經典武打片，相信唔少鍾意睇戲的 unwire 讀者都記憶猶新。昨日這套經典武打片終於推出續集《殺破狼 2》，延續前作打打打的元素之外，仲俾咗 Edward 一種不一樣的感覺。究竟係點？昨晚睇完優先場後，就同大家分享一下。

雖說「續集」但 1、2 無乜關係

相信大家睇到經典大片有 2：續集這個標示，第一時間一定會諗：上集的延續、外傳、角色際遇繼續發展等等。為了好好準備，睇《殺破狼 2》前一晚，小編亦特意重溫了《殺破狼》。但睇完《殺破狼 2》後，就覺得有點無謂：因為除了演員有重疊（但角色大兜亂，雖然任達華仍然係警察，但手下變哂，例如：第一集做任達華手下的恭碩良變咗今集古天樂的細佬，仲要職業都唔同哂）、繼續打打打超重陽剛成分之外，整個故事都同第一集無乜連繫。

有人話《殺破狼 2》係《殺破狼》的前傳，但如是前傳，點解唔交待馬軍（一集，甄子丹飾）點解打到個犯變傻？點解唔交待重案組高級督察陳國忠（一集，任達華飾）點解咁針對王寶（一集，洪金寶飾）？所以，小編建議大家唔好俾《殺破狼》呢個名框住自己，因為 1 同 2，故事上真係無乜關係的，大家唔洗係 2 入面，搵番 1 的蹤影。

▲雖然任達華同第一集一樣都係陳 Sir，但班底都唔同哂，換做艾威、蔡瀚億等人，所以同第一集可以講係無乜關係。

故事性超重‧打得有道理

當然，既然《殺破狼 2》孭得《殺破狼》呢個系列的名，正如小編前文提過，照樣有好重的陽剛味道。雖然今集無咗第一集的打得之人甄子丹、洪金寶，綠葉亦無咗智叔等，但 2 的陣營依然強勁，好打之人找來 Tony Jaa 同張晉，而吳京就唔再係第一集的殺手，而係變咗忠字派。而且 3 人的打戲，各有特色：Tony Jaa 夠狼夠狠、吳京夠直接、張晉就夠瀟灑打交好似跳舞咁，片尾仲有場 3 人大亂鬥，真係睇到人好窒息，基本上成套戲都無「廁所位」。

而且，戲中雖然繼續著重「打打打」，但相比第一集，故事性真係重咗好多，唔少打鬥場面都唔係為打而打，而係為劇情舖排而設，好似 Tony Jaa 為救任達華同吳京而以一鬥多甚至犧牲自己、吳京為了 Tony Jaa 女兒就算傷咗入咗醫院都要走番醫療中心救 Tony Jaa 等，令人感到 120 分鐘的電影係一環扣一環，文戲、武戲不斷交織交錯，令人覺得每場打戲都係有需要而打，「打得有道理」。至於眾多打鬥場面，小編推薦大家留意片尾 3 大武打明星大亂鬥，以及中段的「泰國監獄大亂鬥」，尤以後者，吳京係戲入面的表現有種幽默感覺，令人睇到會心微笑。大家入場睇時，不妨留意。

▲Tony Jaa 犧牲自己以一對多為咗救任達華、吳京等人呢一幕，一樣睇到人勁肉緊。

唔再一味打‧Tony Jaa 文戲都掂！

之前大家接觸 Tony Jaa，相信不外乎都係來自《拳霸》、《冬蔭功》系列，而他表現出來，就係超級重陽剛味道的「打手」角色。但係《殺破狼 2》，Tony Jaa 除咗依舊好打之外，仲加插咗唔少同他患病女兒莎的父女情，可算係父親節前俾各位父親最大的「禮物」，因為戲入面 Tony Jaa 拿掐父女情的處理手法做得非常好：真摰而深情，係戲中的一大亮點。睇過《殺破狼 2》，相信大家會對 Tony Jaa 呢位演員有另一番的認識。

▲估唔到 Tony Jaa 做文戲一樣精彩！

▲戲中扮演 Tony Jaa 女兒莎的 Unda，小編睇完不禁大呼：巧打耳呀！

除咗 Tony Jaa 同佢女兒，任達華飾演的陳國忠與他侄子，由吳京飾演的志杰的叔侄情，亦是戲中的一大睇頭，尤其是接近中後段，任達華為救侄子及自己，不惜自斷手骨，然後並肩作戰的一幕，真的賺人熱淚。可以講的係，《殺破狼》如果係俾到大家平面上的視覺享受（打鬥的華麗），《殺破狼 2》俾到大家的感覺，就唔止係視覺享受呢個平面咁簡單，而係人物關係的發展的「直向深度」發展，令整個故事更加立體。

▲呢一幕任達華為救吳京同自己，自斷手骨，真係睇到都覺得痛！！

▲仲有吳京「自虐」一幕，真係睇到人氣都唔敢抖大一啖。

強烈鄭保瑞「黑色」風格‧希望是貫穿全片重點

今次的《殺破狼 2》，由上集葉偉信，改為今集的鄭保瑞執導。有朋友提及過鄭導的作品，有種很強烈的「黑色」風格，而係《殺破狼 2》，無論是場景舖設、燈光表現、角色設定、甚至人物之間的關係，呢種感覺更加係好濃烈，小編尤其對任達華與古天樂係樓梯聊天的一幕印象深刻，各位讀者入場觀看時可以自己感受一下。至於電影的主題，由 Tony Jaa 講出「希望、奇蹟」為題，當然大家都估到最終都係大團圓結局個種「老套」舖排。但老套還老套，點樣老套得來又引人入勝，從《殺破狼 2》呢套電影，就睇到鄭導及幕後團隊的功力。於此小編就不多述，交俾各位 unwire 讀者入場自行感受吧。

▲兩叔侄係泰國監獄入面的對話，都係一大睇頭。

最後，小編不得不說的，是《殺破狼 2》的英文名字「A Time For Consequences」，更能表達出整個故事的感覺，因為成套電影，俾觀眾有種好強烈的「因果」關係，而呢種「因果」關係放入角色之間的互動，就令故事性更加完整，例如：Tony Jaa、女兒與吳京；古天樂與恭碩良；任達華與吳京、古天樂與張晉等等。各種愛恨纏綿交織在一起，令人感到窒息之餘亦感拍案叫絕（尤其是最後 1/3 部分）。所以小編建議大家入場前同睇戲時唔好飲咁多汽水或飲品，唔係忍唔住要去廁所，隨時會錯失精彩劇情哩！（笑~~）

▲古天樂演大奸角，雖然只係「用眼神做戲」，但一樣好正！

▲張晉戲入面打嘅戲份雖然唔多（集中係片尾），但一樣好好睇，夠瀟灑！

  • 不想錯過新科技 ? 請 Follow unwire.hk FB 專頁 http://facebook.com/unwirehk/