#abitots

[aamarie123]

Isang Taon

Isang taon na..

Isang taon simula ng nawala ka

Isang taon na nung mas pinili mo siya

Isang taon nung  iniwan mo akong mag-isa..

Ang bilis, parang kahapon lang

Ramdam ko pa din kapag binabalikan..

Lahat ng sakit, lahat ng pait.

Lahat ng panahong ayoko ng maulit.

Pero minsan di talaga maiiwasan,

May mga alaala biglang papasok na lang,

Mula sa kung saan hindi ko malaman

Kahit pigilan, luha’y tutulo na lang.

Isang taon ng pagkawalay sayo,

Isang taon na walang IKAW at AKO

Pero bakit ba? Bakit ganito?

Hanggang  ngayon wala pa din pumapalit sayo.

[aamarie123]

Bagong taon na, kamusta ka?

Yung puso mo, okay na ba?

Bagong taon na, hayaan mong batiin kita.

Congrats!  Kinaya mo, tuloy mo lang ah!

[aamarie123]

Isang Segundo

Ang tagal kitang hindi nakita.

Pakiramdam ko ok na, mas ayos na.

Wala akong balita, walang alam

Halos wala na talaga akong pakialam.

Iisang lugar, iisang opisina,

Nakapagtataka na hindi tayo nagkikita.

Siguro kasi mas mabuti na yung ganito,

Sadyang ayaw ni tadhanang pagtagpuin tayo.

Pero bakit parang nanadya na naman siya.

Parang nung pinaghiwalay niya tayong dalawa.

Kapag ayos na, gagawa siya ng paraan,

ibabalik yung ayaw ko ng maramdaman.

Biglaan, hindi sinadya, hindi pinlano.

Papasok ka, papalabas naman ako.

Mata sa mata, nagkatinginan tayo.

Isang segundong sulyap lang, eto na naman ako.

[aamarie123]

tsansa

Ayun ka, nangungulit na naman.

Pilit pumapasok sa naguguluhan kong isipan.

Kahit anong taboy, kahit anong gawin

Ayaw mong patalo, andun ka pa din.

Kahit subukan kong magpaka-busy

at yung tipong matutulog na lang agad pag-uwi.

Pambihira naman, ayaw mo ba talaga akong tantanan?

Hanggang sa pagtulog ikaw pa din ang napapanaginipan.

Nakakapagod. Nakakabaliw.

Kailan ba lahat nang ito ay titigil?

Tama na, ayoko na, suko na.

Tanggap ko namang masaya ka na sa piling nya.

Pero bakit nga ba kailangang maisip pa kita?

Kahit simpleng bagay ikaw yung biglang naaalala.

Ikaw ba, ginugulo din ba kita?

sana naman, kahit paano naman may tsansa.

[aamarie123]

Tag-ulan

Umuulan

Naiisip kita, naaalala kita.

Mga panahong pinagsamahan nating dalawa.

Umuulan

hinahanap kita, Nangungulila sinta.

Muling nagtatanong, bakit nga ba nawala ka?

Umuulan. Umuulan.

Unti-unting bumabaha ang kapaligiran..

Pati yung puso ko nalulunod na naman.

[aamarie123]

Kaya ko

Masaya na ako. Ramdam ko. Nakikita ko. Kuntento na ko, tanggap ko.

Minsan mapapansin ko nlng na ngumingiti ako bigla. Hindi naman yung tipong baliw, pero yung alam mong magaan sa pakiramdam. Tapos tatawa sa mga biro, yung halos naiiyak na. Mga simpleng bagay lang, pero para sakin malaki ang kahulugan. Alam ko sa sarili ko na kinaya ko na.

Pero bakit minsan di pa din maiiwasan. Darating sa mga pagkakataon na biglang babalik lang lahat. Bumabalik yung kirot. Nararamdaman ko yung sakit. Mula sa kawalan biglang na lang sasagi sa isipan. pipilitin kong iwasan, pipiliting wag maapektuhan, pipiliting layuan.

Hanggang sa dadamahin ko na lng ulit. Hanggang sa mawala na lang ulit.

Pero kahit ganunman, KAYA KO.

Hindi na ako iiyak dahil sayo. Hindi ako titigil magmahal dahil sayo. Hindi na mawawala ulit yung mga ngiti ko. :) :) :)

[aamarie123]

Sometimes, my thoughts wander to places they're not supposed to be. And I just can't help it.

amarie

[aamarie123]

kmst?

Kamusta ka?

Ang simple ng tanong, pero bakit ang hirap sabihin sayo?

Halos araw-araw nagkikita tayo, pero kahit isang beses di ko natanong to.

Kamusta? Kamusta ang araw mo? Kamusta ang trabaho?

Nahihirapan ka ba? Madali lang ba? Nag-eenjoy ka ba?

Masaya ka na ba? Masaya kasama sila? Kasama siya?

Kamusta?

Ako? eto, nasa opisina. Naghihintay ng gagawin, tapos bigla ka na naman pumasok sa isip ko. Napatanong na lang ako, KAMUSTA KA NA?