سبحان الله .. النهاردة دوست بالغلط و أنا في العربية و مش واخد بالي على زرار الـ check in و الفيس بوك لوحده جابلي "قهوة الفلاح" .. و أصحابي كتبولي بتعمل إيه هناك و أخدت بالي بعدها بساعتين و مسحتها .. أقوم و أنا راجع و بعد كذا ساعة .. يجيلي تليفون من صديقي العزيز الموسيقار تامر كروان و يقولي دة أنا هاعدي على قعوة الفلاح في شارع القصر العيني و هقابل صديقي المخرج علي إدريس ماتيجي تقعد شوية .. فأقوم أعدي عليهم و نقعد أحلى ساعتين نحكي و نضحك و بالمناسة إحنا الثلاثة أصلاً كل واحد صديق للثاني بس أول مرة نتلم مع بعض إحنا الثلاثة .. و علي إدريس كمان أنا وهو إشتغلنا سوا كذا مرّة و من زمان .. إشتغلت معاه في التلفزيون مسلسل "تفاحة آدم" و في السينما فيلم "أصحاب ولا بيزنس" و فيلم "التجربة الدنيماركية" .. و بعيد عن كل دة علي إدريس كإنسان زي السكر و مش عارف لية مش بيمثل لغاية دلوقتي .. أنا و تامر كروان ميتين من الضحك و هو بيحكي عن أي حاجة لإنة بيمثلها مش بيحكيها 😄 .. هو عيبة الوحيد إنة مجنون طاولة و أنا ماليش فيها فلو قابلتة وهو قاعد على القهوة دي "واللي هي قاعدتة من يجي ٢٠ سنة" ولو كان بيلعب طاولة .. ممكن مايخدش باله أصلاً إن فيه حد قاعد معاه من كثر تركيزة في الطاولة .. Nice to meet you guys - - - - #خالد_حماد #تامر_كروان #علي_إدريس #tamer_karawan #ali_edris #khaled_hammad #халед_хаммад (at قهوة الفلاح - El Fallah Coffee)