#anon12016

[hmmmmsca]

ايش تفسيرك للممسوسين والذين يقرأ عليهم ويطلع الجن منهم حضرت رقيه قبل فتره عن جن عاشق دخل في فتاه و طلعوه زي دي الاشياء تخللي ايماني قوي

حتى الديانات الأخرى يقرؤوا كتبهم ويطلعوا الجن -حد اعتقادهم- من مرضاهم هل يجعل ذلك ديانتهم صح ؟ ، هذا تأثير نفسي ما في جني طلع ، ما في جني أصلا ، الأمراض النفسية دي تم دراستها ونعرف إش يصير في الدماغ ويسببها وأشياء تانية كتيرة ، ادخلي تاج #تجارة_الوهم في تويتر ، حساب نايفكو

[hmmmmsca]

يبدو أنك تحتاجين إلى إله .. حتى في ضعفك تحتاجين لمن تستندي عليه .. وهذا واضح في جميع مصطلحاتك في كل مكان، أنتِ تناقضين نفسك .

هههههههههههههههه أقلك إش اسمه دا ؟ استغلال لبؤس الآخرين عشان أسوي دعاية لديني ، من زين إلهك وفوائده الجمة يعني ، آمنت ولا ما آمنت محا يتغير شي غير إنه الإيمان بالإله مو شي في يدي ، قناعة ، وما أقدر أكذب على نفسي وأقول أحتاج أؤمن يلا أؤمن ، واللي أحتاجه شعور إني مقبولة ومحبوبة كما أنا في المجتمع الزفت الذي أعيش فيه ، مو إله

[hmmmmsca]

الملحدين كذا بذّات الملحد المرتد عن الإسلام يحط الحق كله على الإسلام، ترا حتى المسيحي لما يصير ملحد المسيحيين أهله وأصحابه يقلبوا عليه لأن طبيعي لما يشوفون واحد يحبونه قدامه عقله أنحرف لدرجة أنه ينكر أن هناك خالق خلقه وأن الحياة مجرد إنفجار أً إنعكاس وما إلى ذلك .. هذا يعني يجب إيقافه أو تأديبه بإنكاره

يب عارفة إنو حتى المسيحيين ، كل المتدينين راسهم متحجر دماغهم مغسول يحسبوا طفلهم لازم يطلع زيهم ولا " يجب تأديبه " ، طفلة أنا تأدبني ؟ ، المفروض تحترموا رأي غيركم ، أنا لو بنتي طلعت مسلمة أو مسيحية أو عبدة شياطين مستحيل أحسسها بأي شكل إنو قرارها دا يقلل من تقديري وحبي لها ، ومستحيل أغير تعاملي معاها بسببه ، بس طبعا إنو تحسبوا نفسكم صح بشكل شديد التطرف فيبدو لكم أن يأتي شخص منكم ويقول أظن إنكم مو صح يستحق القتل والكره ، مو مثير للسخرية كيف أغلب المتدينين مهما كان دينهم يفكروا بدي الطريقة ؟ ، كلهم يحسبوا نفسهم مرة مرة صح لدرجة ابنهم دمهم يتخلوا عنه ، يطردوه ، يبطلوا يحبوه ، وممكن يقتلوه ، هههههه

[hmmmmsca]

اناقش وحدة مش عارفه شي عنه واتحدى انها تكرر بس انها تدافع عن التطور لمن اجي اقلك ان النظرية سقطت بعد ما عجزوا انه يجاوب ع البروتون وعن الاحافير والبروتون هو اساس كل شي يعني غلط من التمهيد ترجعي تتكلمي عن ايش ؟؟

طيب إنتَ صح ، رضيت ؟ ، كيف تشعر ؟ هل أنتَ سعيد ؟

[hmmmmsca]

انا من الاشخاص المؤمنين بنظرية التطور وكنت احسها لا تنافي العقيدة الي انا عليها لكن انه في اشياء غامضة واسئلة كثيرة كنت اطرحها ، في كتاب حسيت انه قاعد يجاوب على اسئلتي و يشرح نظرية التطور بشكل حلو وانه النظرية لا تعارض ابدا القرآن وبالعكس هي حقيقة

إش اسم الكتاب ؟ التطور حيصير زيه زي الكيميا وزي كروية الأرض الخ أول شي ينكر ينكر بعدين يطلعوا كم شيخ يقولوا إنه لا يناقض الدين بعدين يصير عادي ، في علماء| شيوخ مسلمين يشوفوا إنو تقدر تؤمن بالنظرية وتكون مسلم ، ولهم فهمهم الخاص للأمر ..

[hmmmmsca]

صح الشتايم حيلة العاجزين

يب لمن قلي التطور كذبة ، حجته البالغة المتمثلة في رأيه سبب عجزي الكامل عن الرد ، رحت شتمت ، يالي من مهزلة

[hmmmmsca]

لو الشابات والنساء حول العالم صرفوا فلوس الزينة على تطوير نفسهم كان غيروا امور كثيرة في الكون ، لكن مكانك راوح شرقية ولا غربية بديانة او بدون السواد الاعظم منكم نفس الاتفاق في الزينة الغير مبررة بس عشان ما يهرجوا علينا الحمد لله والشكر

أقدر بنفس منطقك أقول لو الرجال صرفوا الفلوس والوقت اللي صرفوه على الفيديو قيمز على نفسهم كان غيرنا العالم ، بافتراض إنو القيمرز رجال غالبا ، أو الكورة ، أو الحروب هههههه ، أو أي شي يعني ، الفكرة إنو منطقك غبي

[hmmmmsca]

كمية المساحيق اللي تستهلكوها في امور غير مبررة ابدا لا واللي يضحك مرة مرة يحطوها للدوام والجامعة والحفلات اما الزوج فنادر جدا جيب تتجملوا ليش ؟ الاجابة عشان نفسنا واجابة طبعا غبيه ومش حقيقه يتجملوا من باب غيرة غالبا وعشان محد يتكلم علينا

يب مرة يضحك ما أتمكيج لزوجي إللي عايشة معاه طول حياتي وعلاقتنا مهي رسمية وأتمكيج لشغلي أو دراستي ، يا للغرابة ، مرة شي عجيب ، ليش ما نتكشخ في البيت ونطلع بالبجامة ؟ ، ليش تلبسي حلو وإنتِ طالعة ؟ ، البسي في البيت حلو وإنت طالعة البسي عادي واطلعي بشبشب ، “ يضحك مرة مرة ” ما يكون زوجك محور كونك ، مرة . بأسخر ترا ..كل واحد يتجمل لأسبابه الخاصة ، وأتجمل عشان نفسي ولا عشان أعجب أحد -وترا إني أبغى أعجب أحد شي أبغاه عشان نفسي في النهاية ، وما فيها شي- ولا عشان أبغى أقهر أحد فأنا حرّة ، ورأيك هذا يا عزيزي يدخل من هنا يطلع من هنا ، على صعيدٍ أنا ، أنا كخيار شخصي ما أحب أتمكيج كتير -عشني أشوف إنه ما يلبقلي- ، وأقصى مكياجي مسكرة ومرطب ، مسكين زوجي الذي محا أتمكيجله ؟ ههههه :محا اتزوج فيس: ، لاحظ كيف تحاول تعمم رأيك السيء عن .. الغير صحيح على كل البنات عشان تحاول بعد ذلك تحتقرهم لأجله ، شي مثير للشفقة ، المكياج زي أي شي اخترعته البشرية من أجل تحسين حياتِها ، تقدر تشوفه اختراع ما “ حسن ” حياتنا من جد ، وتقدر تشوفه اختراع عظيم ، تقدر تشوفه استغلال تجاري وأقدر إذا أشوفهم بيحاولوا يستغلوني ما أشتريه -بأقول دي الجملة عشان النسويات- ، عادي يعني ، في النهاية الناس يشتروا تذكرة بمدري كم عشان يشوفوا ناس بيلحقوا كورة ، مليان في العالم أشياء تقدر تعتبرها سخيفة نسويها ، أما ظنك إنو في غيرة زايدة بين البنات ، فيمكن ، ولو إنو ما أظن دخل المكياج ، عارف إش في شي زايد بين الرجال ؟ القتل ، أغلب إللي يقتلوا وينقتلوا في العالم رجال ،