#anthony morrow

[kenyan-bitch]

[billherbert23]

Tributes as Desperate Dan sculptor Tony Morrow passes away aged 66

Tributes have been paid to sculptor Anthony Morrow, creator of Dundee's famous Desperate Dan statue and Murraygate dragon, who has passed aw

Elegiac verses for Anthony Morrow, sculptor

Let Cactusville hing its waashin at hauf-mast

noo the faber o oor fantoosheries has passed.

Renaissance bodies aince produced cartoons

for statues o the heroes o thir toons:

as aince Da Vinci did, sae he wi Dan -

frae Desperate Doodle fashioned Dundee Man.

In days when shamefu bronzes get the shove,

his likenesses his ain haill city luves.

*

(A note on his statue)

The mair an element o yir kulchur huz been regairdit as trivial or unimportant (and/or the nearer it comes tae bein lost aa thigither), the greater its value tae those wha remember it at aa, and the mair ye come tae venerate thae wha memorialise it.

Thae things which hae been lost or demolisht sit jist ayont thon which hae been preservit, baith as ghaists and as memento Lethe. They micht be minified as tho faur awa, or quotit in fragment or hint, lyk a reference tae Dionysius (thon tint ploy) in The Complaynt of Scotlande.

[xoxostephanie11]