Discover Top Posts Tagged with #bhandaria

ઢસાના ભંડારીયા ગામે મહાસંમેલનમાં આવી રહેલા કરણી સેનાના પ્રમુખની અટકાયત

દેવરાજ બુધેલીયા ઢસામાં ગઈ કાલે બનેલ ઘટનાના સંદર્ભે ભંડારીયા ખાતે મહાસંમેલન માં હાજરી આપવા આવી રહેલા કરણી સેનાના પ્રમુખ રાજ શેખાવતની બરવાળા પોલીસે અટકાયત કરી બોટાદના ઢસા ગામે ગઈકાલે દુકાનની આડે કાર પાર્કિંગના મામલે બનેલ ઘટનાના સંદર્ભે ભંડારીયા ગામે ક્ષત્રિય રાજપૂત સમાજ દ્વારા મહાસંમેલનનું આયોજન કરવામાં આવ્યું હતું આ સંમેલનમાં હાજરી આપવા માટે કરણી સેનાના પ્રમુખ રાજ શેખાવત અમદાવાદથી નીકળ્યા હતા ત્યારે બરવાળા પહોંચતા પોલીસ કાફલાએ રાજ શેખાવતની અટકાયત કરી નજર કેદ કરવામાં આવ્યા હતા.આ સમાચાર વહેતા થતા કરણી સેનાના પ્રમુખ રાજ શેખાવતના સમર્થકો બરવાળા પોલીસ સ્ટેશન પર એકત્રિત થયા હતા પોલીસ મથક પર પુરતો પોલીસ બંદોબસ્ત નિહાળવા મળતો હતો ત્યાર બાદ રાજ શેખાવતને પોલીસ વાહનોના કાફલા વચ્ચે વેરાવળ ભાલ ખાતે લઇ જવામાં આવ્યા હોવાનું જાણવા મળેલ છે Read the full article

#Barwala #Bhandaria #Dhasa #police

ભંડારીયા ગામના શહીદ જવાનના સન્માન સાથે અંતિમ સંસ્કાર.

ફરજ દરમ્યાન વિરગતી પામેલ શહીદ શક્તિસિંહ ગોહિલ નો પાર્થિવદેહ વતન લવાયો, ગામમાં શોકનો માહોલ, અશ્રુભીની આંખે લોકો અંતિમયાત્રા માં જોડાયા, ગાર્ડ ઓફ ઓનર અને રાષ્ટ્રીય સન્માન સાથે કરાયા અંતિમ સંસ્કાર, ગામે સ્વયંભૂ બંધ પાળી પાઠવી શ્રદ્ધાંજલિ.

સલીમ બરફવાળા ભાવનગરના ભંડારીયા ના વતની અને આસામ બોર્ડર પર દેશના સીમાડા ની રક્ષા કરતા શક્તિસિંહ ગોહિલ કે જેઓ વિરગતી પામ્યા હતા .આ જવાનનો પાર્થિવદેહ આજે તેમના વતનભંડારીયા ખાતે લવાયો હતો અને પુરા રાષ્ટ્રીય સન્માન સાથે તેમની અંતિમવિધિ કરવામાં આવી હતી.આ તકે અનેક રાજકીય મહાનુભવો પણ અંતિમયાત્રા માં જોડાયા હતા જ્યારે ગામે સ્વયંભૂ બંધ પાળી તેમના પનોતા પુત્રને શ્રદ્ધાંજલિ પાઠવી હતી..દેશના સીમાડા ની રક્ષા કરતા કરતા વિરગતી પામેલા ભાવનગરના ભંડારીયાના શહિદ જવાન શક્તિસિંહ ગોહિલનો પાર્થિવદેહ તેમનાવતન ખાતે લવાયો હતો.ગ્રામજનોએ સ્વયંભૂ બંધ પાળી તેમની અંતિમ વિધિની તૈયારી માં જોડાયા હતા. સાથે સાથે અનેક સ્થાનિક રાજકીય મહાનુભવો પણ આ શહીદ ને શ્રદ્ધાંજલિ પાઠવવવા ભંડારીયા પહોંચ્યા હતા.પાર્થિવદેવ આવી પહોંચતા લોકોની આંખો ભરાઈ આવી હતી અને અશ્રુભીની આંખે ભારે હ્યદયે શ્રદ્ધાંજલિ પાઠવી તેમની અંતિમયાત્રા માં જોડાયા હતા.વીર શહીદ જવાન શક્તિસિંહ ગોહિલ ના તેમના વતન ભંડારીયા ખાતે આર્મી જવાનોની સલામી ગાર્ડ ઓફ ઓનર સહિતના રાષ્ટ્રીય સન્માન સાથે અંતિમ સંસ્કાર કરવામાં આવ્યા હતા અને અગ્નિસંસ્કાર સાથે શહીદનો પાર્થિવદેહ થયો પંચમહાભૂત માં વિલીન થયો હતો. Read the full article

#Bhandaria

ભંડારીયા ગામના આર્મી જવાન આસામમાં શહીદ

આર્મી જવાન મા ભૌમની રક્ષા કરતા આસામમાં વીરગતી પામ્યા, પરિવારજનોમાં શોકનું મોજું, આર્મી જવાનના અંતિમ સંસ્કાર વતનમાં કરવામાં આવશે,

મિલન કુવાડિયા ભંડારીયા ગામના આર્મી જવાન આસામમાં શહીદ થયા છે. ભંડારિયા ગામના યુવાન આસામ બોર્ડર પર ઓપરેશન એરિયામાં ફરજ પર હતા તે દરમિયાન હાર્ટએટેક આવતા વીરગતિ પામ્યા છે. આર્મી જવાનના નશ્વરદેહને ભાવનગર લાવવામાં આવશે. ત્યારબાદ નશ્વરદેહને તેના માદરે વતન ભંડારીયા ખાતે લઈ જવામાં આવશે અને ત્યાં શહીદ આર્મી જવાનના અંતિમ સંસ્કાર કરવામાં આવશે. ભંડારીયાના આ શહીદના સમાચાર મળતા જ તેના પરિવાર પર દુ:ખના ડુંગરો તૂટી પડ્યા છે. તેનો નશ્વરદેહ ભાવનગર ખાતે પુરા સન્માન સાથે લાવવામાં આવશે અને તેમના વતનમાં અંતિમ સંસ્કાર કરવામાં આવશે. ભંડારીયા ગામનો યુવાન આર્મીમાં પોતાની ફરજ બજાવતો હતો. તેની ડ્યૂટી આસામ બોર્ડર પર હતી. ત્યારે ભાવનગરના ભંડારીયાનો યુવાન આસામ ખાતે વીરગતિ પામ્યો હતો. આસામના આસામ બોર્ડર પર ઓપરેશન એરિયામાં ફરજ પર હતા, જ્યાં ભાવનગરના આ યુવાનને હાર્ટ એટેક આવતા વીરગતિને પામ્યા હતા.આ વિશે જાણવા મળી રહ્યું છે કે ભાવનગરના યુવાન આસામના લેખાબલી ખાતે ટેન્ક હવાલદાર ઇએમઇ તરીકે ફરજ બજાવતા હતા. ત્યારે હાર્ટએટેક આવ્યો હતો. આજે પુરા સન્માન સાથે બપોર સુધીમાં તેમના નશ્વર દેહને ભાવનગર ખાતે લાવવામાં આવશે. ત્યારબાદ પોતાના વતનમાં અંતિમ સંસ્કાર આપવામાં આવશે.

બોક્સ.. રક્ષાબંધન પહેલા જ ૪ બહેનોના એકના એક ભાઈનો જીવનદીપ બુજાયો રક્ષાબંધનનો તહેવાર નજીક આવી રહ્યો છે. ત્યારે ૪ બહેનોના એકનો એક ભાઈ શહીદ થતાં પરિવારમાં માતમ છવાઈ ગયો છે. ભંડારીયા ગામનો આર્મી જવાન આસામમાં ટેન્ક હવાલદાર ઈએમઈ તરીકે ફરજ બજાવતા હતા. ત્યારે આસામ બોર્ડર પર ઓપરેશન એરિયામાં ફરજ બજાવતા હતાં. ત્યારે હાર્ટએટેક આવતા શહીદ થયા હતા. કાલે બપોરે આર્મી જવાનના મૃતદેહને ભાવનગર લવાશે અને ત્યાથી તેના માદરે વતન ભંડારીયા લઈ જવા જવાશે અને અંતિમ સંસ્કાર કરવામાં આવશે. Read the full article

#Army #Bhandaria