#bl1188

[fufulittlekitchen]

<美的破壁機BL1188> 炎炎夏日透心涼_草莓藍莓雪芭 (附食譜)

準備踏入8月份，氣溫開始越嚟越高， 望住藍天白雲，實在好想食返杯冰凍嘅甜品。

街外買嘅冰品，通常都加咗好多糖， 想食得健康一啲，唯有自家製， 芙芙今次選用草莓同藍莓整雪芭，酸酸甜甜嘅味道又降溫又解喝。

早前介紹過美的破壁機BL1188，除咗可以煮湯煮豆漿煮粥， 仲可以當作攪拌機咁使用，佢嘅超高速轉動，可以將食物嘅營養好好保留， 今次用嘅水果營養咁豐富，如果用美的破壁機嚟攪打， 就唔駛怕營養流失哂啦。

草莓藍莓雪芭 食譜

材料: 草莓200g、藍莓100g、草莓果醬80g、水60ml、檸檬1/3個

1. 草莓及藍莓洗淨備用，檸檬榨汁備用。

2. 將草莓、藍莓、水、草莓果醬及檸檬汁放入美的破壁機中，將機蓋蓋好。

3. 用2檔攪打10秒，將其倒入一個扁平的碟上。

4. 包好保鮮紙後放入冰格雪藏至少3-4小時。

5. 取出水果雪芭，放室溫待雪芭較軟身時即可享用。

想睇最新食譜及小菜苗週記，歡迎到Facebook like下芙芙little kitchen

草莓味道酸甜，令人開胃，亦蘊含豐富維他命C， 可增強抵抗力預防感冒，而且亦有豐富膳食纖維， 可以幫助消化，預防便秘。

藍莓抗氧化能力強，可有效減慢老化，仲可以增強免疫系統， 而藍莓中嘅花青素仲有助保護腦部神經，係超級食物之一。

放入破壁機用2號力攪打，好快就打碎哂。

放入扁平嘅器皿，可以加快雪芭凍結。

一般雪3-4小時就可以食，芙芙因為太夜整， 變成雪過夜先食，所以雪芭面雪到結霜， 放返室溫待雪芭暖返少少，就會好易刮出嚟。

用呢兩種咁有營養嘅水果整出嚟嘅甜品，食多幾啖都唔怕啦。

占士哥吃這個雪芭時，喜歡加上原味乳酪一起吃， 大家都可以試下呀。

Midea 1.75L 冷熱全能破壁機 (BL1188) HK$ 2,799 (現有優惠推廣)

銷售點： 祟光百貨、千色、實惠、UNY、先施 等各大零售商

產品查詢： 3669-4888

詳細產品資料: https://goo.gl/R9x65K

這產品仲享有30個月保養架! =]

[fufulittlekitchen]

<美的破壁機 BL1188> 嬰兒加固之選_鱈魚蔬菜粥 (附食譜)

根據芙芙一向嘅作風，收到新玩具一定會試盡佢嘅功能，

今次就發現到美的破壁機BL1188嘅醬料功能，原來可以煮出又綿又滑嘅粥仔，

最適合初初加固嘅BB食用。

加固嘅過程中，由於BB減少飲奶，為免阻礙營養吸收，

必須透過不同嘅蔬菜及肉類，提供足夠營養，

除咗要選用新鮮食材，烹調方法都好重要，

點煮先可以將食材營養發揮到最好呢？

美的破壁機喺打碎食材嘅過程中，

超高轉速下可以將蔬果嘅植物營養素、膳食纖維微量元素保留落嚟，

同時可以保留肉類嘅鈣質同微量元素，

當用嚟煮粥時，媽媽可以加入不同新鮮食材，等佢邊煮邊攪打，

就可以釋放食物全部營養，有效提升BB營養吸收。

鱈魚蔬菜粥 食譜

材料 (2餐份量) ：鱈魚80g、粟米粒2.5湯匙、甘筍半條40g、米80g、水600ml

1. 甘筍去皮洗淨，鱈魚洗淨後用檸檬片鋪面10分鐘去腥。

2. 於美的破壁機中加入600ml水，再將米、鱈魚、甘筍及粟米粒放入。

3. 將按鈕鈕向「醬料」，按下中間開始，30分鐘完成烹調，即可享用。

想睇最新食譜及小菜苗週記，歡迎到Facebook like下芙芙little kitchen

鱈魚可以換作其他魚類，三文魚也是好選擇。

呢幅圖嘅鱈魚只有40g，因為小菜苗剛剛試食緊鱈魚，

所以2餐只食呢個份量，大家可以用80g煮成2餐。

如果甘筍太大條，一定要切塊。

鈕向醬料功能，然後一定要按中間一下才會開始烹調。

醬料功能預設烹煮30分鐘，喺烹調接近完成時，

會有終極一攪，食材會被攪打成碎。

用美的破壁機 BL1188煮出嘅粥，睇下幾咁棉滑。

因為小菜苗已經9個月大，要練習咀嚼，

所以芙芙會用破壁機煮兩份粥，再另外加點蔬菜粒，

讓菜苗可以吸收到完整嘅食物營養外，同時繼續練習咬食物。

睇下小菜苗食得幾滋味，好味到嫌阿媽手腳太慢，想自己拎匙放入口呀。

除咗BB小朋友岩食之外，大人都好岩用破壁機嚟煮粥架，

好似占士哥同芙芙咁，都係非常喜歡食又綿又滑嘅粥，

收到破壁機後，芙芙用佢煮過皮蛋瘦肉粥，

質感同粥店嘅好相似，都係十分美味架。

煮完粥後刀片附近及杯底都黏滿粥，好在清洗方法都好簡單，

只需在攪拌杯倒入清水，可以用「點動」鍵清洗，

每次按持續5秒，約3次就可沖散殘留食物啦。

芙芙通常點動清洗後，會再用洗樽的棉擦再清一清內部的杯身，

確保完全乾淨，都算幾方便。

[fufulittlekitchen]

<美的破壁機BL1188> 有營糖水_紫薯椰汁西米露 (附食譜)

好開心終於收到美的破壁機BL1188，一見到破壁機3個字，

第一下係聯想到豆漿，呢個功能當然一定有，

而呢部破壁機最特別嘅地方，

就係集合蔬菜湯、醬料、豆漿、熱湯及攪拌於一身，

如果以上嘅預設模式唔岩用，仲可以揀自定模式去烹調架。

芙芙今次會用美的破壁機熱湯功能，烹調紫薯椰汁西米露，

美的破壁機於1分鐘內可轉高達22000下，達至更細膩破壁，

超高速打碎食物，將食物營養保留落嚟，

用佢嚟煮糖水，都立即變得更有營健康。

嚟睇下破壁機嘅真身，整部機比較高身，主件同攪拌杯可以分開。

由於可以烹調熱湯，容量高達1.4L，而溫度亦會高達攝氏100度，

所以攪拌杯的玻璃都較厚身，很安全。

杯蓋必須蓋好，對準位置才可啟動到主機。

紫薯椰汁西米露 食譜

材料：紫薯3個、水1000ml、椰漿400ml、砂糖適量

1. 燒滾約1000ml水，將西米倒入煮5分鐘後關火，蓋鍋蓋焗20分鐘，盛起沖凍水備用。

2. 紫薯切粗條後，於破壁機中加入1000毫升水，將按扭扭向熱湯模式。

3. 經過25分鐘烹調後，揭開蓋子，將餘下未溶的紫薯塊盛起。

4. 將椰漿、砂糖放入破壁機中，與紫薯水混合，按扭扭向3字，以「3速」攪拌10秒。

5. 將紫薯椰汁糖水倒出，再倒入西米及紫薯塊拌勻，即可享用。

想睇最新食譜及小菜苗週記，歡迎到Facebook like下芙芙little kitchen

主件的烹調鍵以旋鈕方式選擇，扭好再按下中間開關的按鈕，

才會正式開始烹調，攪拌則是一扭過去就會啟動。

紫薯經過25分鐘嘅高溫烹煮後，大部份已經溶化，

剩下嘅少量可以盛起，切成小塊。

蔬菜湯同熱湯功能嘅分別，就係前者有預設攪拌，

後者沒有，所以前者非常合適烹煮西式濃湯。

因為芙芙想糖水中有紫薯塊可以咬下，所以選擇用熱湯功能。

美的破壁機BL1188嘅超高轉速，3秒已經將糖水打到好順滑。

煮西米時記得要多點攪拌，以免黏底。 

煮的時間不需太長，5分鐘就OK，然後靠熱蒸氣焗熟。

扭兩次按鈕就完成一道又美味又有營養嘅糖水啦，幾方便簡單。

[cammyrimalee]

美的破壁機 芒果豆腐蛋糕 平時整蛋糕需要好多工具 有冇諗過只需要一部攪拌機就可以整到凍餅 只需要預備好材料按次序放入機內。 攪拌均勻後，放入雪櫃就可以。 免除好多煩復工具。只要一部破壁機就可以做到好咪凍餅。 A 牛油　　　30g 馬利餅　　60g B 豆腐花　　120克 芒果　　　300克 (約兩個) 砂糖　　　60克 魚膠片　　10克 淡忌廉　　200克 做法 1　牛油隔水座溶。馬利餅壓碎後放入牛油液拌勻 2　餅底鋪在蛋糕模內，放入雪櫃雪30分鍾，備用。 3　芒果去皮去核，起肉，加入豆腐、砂糖，用攪拌機打碎。 4　魚膠片浸軟，座熱水拌融。 5　把淡忌廉倒入芒果豆腐液內攪拌勻。 最後加內魚膠拌勻。 6　拌勻所有材料，倒入模中抹平，置雪櫃冷藏至凝固。 食譜詳情，請瀏覽 : http://crklife.blogspot.com/2018/07/blog-post_13.html 影片食譜詳情，請瀏覽 : #美的破壁機 #破壁機BL1188 #BL1188 #破壁機 #mideahk Midea HK ☆☆☆☆☆☆☆☆ 任何查詢，合作邀稿，活動等等可以聯絡： E-Mail ☆ [email protected] Blog ☆ http://crklife.blogspot.hk FaceBook ☆ www.facebook.com/Cammy.Kitchen.hk YouTube ☆ https://www.youtube.com/channel/UCSDqcVhu_xjhbmbA1V9FxUg

[cammyrimalee]

美的破壁機版 **超簡易蛋白杏仁茶** 香滑潤肺美白一茶搞定 平常出街食糖水，好鍾意食蛋白杏仁茶。 蛋白杏仁茶，白滑細緻。平時我地 要先把杏仁攪拌後放進隔渣袋擠出杏汁，不停的捋呀捏呀扭呀，都好花力同時間去處理。 但是美的破壁機去做杏仁茶就完全簡化製作過程了~ 用美的破壁機BL1188 只需要把放有材料放入去，較好mode就可以放心等待一碗熱糖水。 只需要預先浸好材料，等到食飯時把所有材料放入機內。 食完飯就可以食。非常簡單方便。重唔洗睇火。 材料: 南杏　　100g 北杏　　10g 冰糖　　40g 水　　　1L 做法: 1, 先將南北杏及米洗淨，最少泡水約2小時，筲箕瀝水。 2, 將所有材料放入攪拌杯內 3, 選擇「豆漿」模式，等待 35 分鍾，即可。 *好不喜歡有微粒的可用隔渣袋隔去微粒。 **可依個人喜好加入蛋白，略為攪動一下停止。 註解： 南北杏的比例為10:1，因北杏含毒性，不宜過多。 因為南北杏能促進皮膚內表血液循環，能把有毒物質排出來。 南杏偏於滋潤，北杏能止咳平喘。可化痰止咳及清肺利咽。 食譜詳情，請瀏覽 : http://crklife.blogspot.com/2018/07/blog-post.html 影片食譜詳情，請瀏覽 : #蛋白杏仁茶 #美的破壁機 #破壁機BL1188 #BL1188 #破壁機 #mideahk Midea HK ☆☆☆☆☆☆☆☆ 任何查詢，合作邀稿，活動等等可以聯絡： E-Mail ☆ [email protected] Blog ☆ http://crklife.blogspot.hk FaceBook ☆ www.facebook.com/Cammy.Kitchen.hk YouTube ☆ https://www.youtube.com/channel/UCSDqcVhu_xjhbmbA1V9FxUg

[cammyrimalee]

有冇諗過只係同一部攪拌機就可以做出消暑涼品 就為大家介紹美的破壁機BL1188來整糕點。 呢個甜品唔止易整，營養價值重好高。 南瓜含有澱粉、蛋白質、胡蘿蔔素、B族維生素、維生素C和鈣、磷等成分、保護胃黏膜，幫助消化 。營養豐富。 寒天含有豐富的膳食纖維(含量為80.9%),蛋白質含量高,熱量低,具有排毒養顏、瀉火、潤腸、降血壓、降血糖和防癌作用。 睇到咁係咪都想即番整黎試下 材料: 南瓜　　100g 寒天粉　10g 冰糖　　60g 水　　　500ml 做法: 1, 南瓜去皮，切片備用。 2, 把所有材料放入攪杯內。 3, 利用「蔬菜湯」模式烹調，等待 25 分鐘。 4, 把南瓜液倒入模內，雪 3 小時或以上，即可食用。 如果搵唔到寒天粉可以用以魚膠取代 調製比例如下： 寒天/寒天粉/洋菜/洋菜粉 Agar 調製比例約1g：100ml液體 吉利丁片/明膠/魚膠粉/魚膠片（Gelatin） 調製比例約1g：50ml液體 食譜詳情，請瀏覽 : http://crklife.blogspot.com/2018/06/blog-post_27.html 影片食譜詳情，請瀏覽 : #美的破壁機 #破壁機BL1188 #BL1188 #破壁機 #mideahk Midea HK ☆☆☆☆☆☆☆☆ 任何查詢，合作邀稿，活動等等可以聯絡： E-Mail ☆ [email protected] Blog ☆ http://crklife.blogspot.hk FaceBook ☆ www.facebook.com/Cammy.Kitchen.hk YouTube ☆ https://www.youtube.com/channel/UCSDqcVhu_xjhbmbA1V9FxUg