#bybel app

[absent-minded-daydreamer]

Gebed:

Vader, dankie dat U my liefhet. U sien my soos ek werklik is en tog aanvaar U my! Ek bring vandag al my valse etikette en byname na U toe. U weet wat ek genoem is en wat ek oor myself geglo het. Vervang enige valse verhale met u waarheid: dat ek u kind is, en U my baie liefhet. In die Naam van Jesus. Amen.

(YouVersion Bybel app)

[absent-minded-daydreamer]

Gebed:

Vader, dankie dat U u Seun gestuur het sodat ek barmhartigheid en genade kan ervaar eerder as 'n veroordelende vonnis. Dankie dat U my verlede uitvee. Help my asseblief om myself te sien soos U my sien: as heel, geliefd en afgesonder tot u verheerliking. Vorm die manier waarop ek dink en trek my nader aan U. In die Naam van Jesus. Amen.

(YouVersion Bybel app)

[absent-minded-daydreamer]

Gebed:

Vader, net soos U my onvoorwaardelik vergewe, vra U my om ook ander te vergewe. Help my asseblief om dit te doen. Vul my met nederigheid en empatie, en help my om ander te sien soos U hulle sien. Wys my hoe om mense net soos U lief te hê. In die Naam van Jesus. Amen.

(YouVersion Bybel app)

[absent-minded-daydreamer]

Gebed:

Vader, ek bely dat ek nie altyd die mens is wat U my geskep het om te wees nie. Ek laat soms na om U met my hele hart, siel en verstand lief te hê. Ek het nie altyd my naaste lief soos U hulle liefhet nie. Vergewe my asseblief, Vader. Herskep my hart en vernuwe my gedagtes sodat ek nader aan U kan kom. In die Naam van Jesus. Amen.

(YouVersion Bybel app)

[absent-minded-daydreamer]

Gebed:

Jesus, dankie dat U my onvoorwaardelik liefhet. Dankie dat U aarde toe gekom het om ons te red. Ek wil U liefhê soos U my liefhet. Ek weet dit is nie maklik nie. Ek weet dit gaan my iets kos. Ek wil hê U moet eerste in my lewe wees. Wys my dus asseblief hoe om my hart te bewaak, en leer my hoe om meer soos U te word. Amen.

(YouVersion Bybel app)

[absent-minded-daydreamer]

Gebed:

Dankie Vader dat U gekies het om my te vergewe. Ek verdien nie u vergifnis nie, maar ek weet U is goed en liefdevol. Ek wil soos U wees en omdat U my vergewe het, wil ek ander vergewe. Help my om elke dag u gawe van vergifnis te onthou en om my woede te laat vaar teenoor ander wat my verontreg het. In die Naam van Jesus. Amen.

(YouVersion Bybel app)

[absent-minded-daydreamer]

Gebed:

Vader, wanneer ek bang is, sal ek my vertroue in U plaas. Ek sal op U staatmaak, ongeag wat my pad kruis, want U is my bron van krag en veiligheid. U lei my en veg vir my. Wanneer ek tot U nader, het ek niks te vrees nie, want ek weet U is in beheer — en U is al wat ek nodig het. Vandag wil ek dus doelbewus kies om U te vertrou. In die Naam van Jesus. Amen.

(YouVersion Bybel app)

[absent-minded-daydreamer]

Gebed:

Vader, U weet wat ek nodig het. Ek is jammer oor al die kere wat ek voorgegee het dat ek op my eie kan regkom. Vergewe my asseblief. Ek kom vandag na U net soos ek is om al my angs, sorge en kommer aan U te gee. Vervang asseblief my kommer met vrede, angs met hoop en besorgdheid met sekere vertroue. Ek weet ek is by U veilig en U kan al my probleme hanteer. In die Naam van Jesus. Amen.

(YouVersion Bybel app)