#erda tech

[kayesy]

Iba talaga kapag ERDAnian ka! :)

[sentidokomon]

Magsisipagtapos.

Limang taon ko rin itong hinintay. Bakit gano'n? Sinabi ko sa sarili ko noon "Sasayangin mo ang oras mo sa five years na ipapataw nila sa ulo mo?" Heto na ako at matatapos na, (sa katunayan, bukas na ang graduation day ko) 

Limang taon. Maraming pangyayari. Simula first year hanggang fifth year, maraming nagbago sa sarili ko. Nasaksihan ko ang maraming pagkabigo, pag-ibig, tawanan at mga aral (yung literal na aral talaga na sinasabi nila na hindi naman talaga magagamit sa tunay na buhay?) 

Malaking hamon sa buhay ko ang pagtatapos. Naghuhudyat na hindi pala madali ang buhay pagkatapos ng sekondarya. Wari ko'y hindi maganda ang pasok ng bagong buhay ko sa kolehiyo. Labing pitong taong gulang na ako. At napagtanto ko na wala pala akong napala sa mga pagkukumahog kong pumasok dati. Binaliwala ko ang mga bagay-bagay sa simula. Sinayang ko ang mga pagkakataong maging *coughs* Valedictorian. Hahahaha.

Ako si D. Pastrana, magsisipagtapos sa paaralang sekondarya. Lumaban, umiibig at nagpapaalam. Sa aking mga iiwan, mga mag-aaral, mga guro at kawani, mananatili ang aking alaala. Ako'y magbabalik. Hindi maaaring hindi ako magbibigay ng bayad sa handog niyo sa'kin. 

Hayaan na lang. Patapos na rin ang paglalayag ko!