Discover Top Posts Tagged with #ferð

Frá Peak district, birmingham, bathog cardiff.

Ég held að ég hafi skilið síðast við ykkur í kringum peak district. Þar var yndislegt að labba um, rólegt, fallegt og hefði örugglega verið æðislegt í túristatímabili. Þarna iðar örugglega allt á sumrin. Ég kom stutt við í Birmingham, kom um kvöldið með lest, fann hostelið og einhvern mat og svo var pantaður lestarmiði af stað næsta morgun. Lestinni minni seinkaði reyndar um 1 klst en komst að lokum frá Birmingham og til Bath Spa. Þar var rigning svo ekki mjög spennandi að labba um þannig að ég fjárfesti í miða í sightseeing túr. Rosa cool saga og frekar fallegt en var samt ekkert blown away. Hostelið var ágætt og þegar ég var búin með hinn sightseeing túrinn þá lét ég mig hverfa til Cardiff. Var eiginlega búin að sjá nóg af Englandi og þurfti smá pásu, svo þegar ég var búin að borða yndislegar kóngarækjur þá fór ég á bókasafnið að lesa. Hvað les maður þegar maður heitir Gíslína Skúladóttir og er í Bretlandi? Held það sé nokkuð ljóst; Harry Potter. Eina hp bókin sem var inni var bók 6 og ég las um 251 bls af þessum 607. Yndislegur dagur og lauk því með meira af góðum mat og svo sturtu. Föstudagurinn fór allur í ferðalög, lest, ferju og svo rútu og komst loks til Waterford um kl 9 um kvöldið. Rosa fínt hostel, flott andrúmsloft og gott fólk þannig að ég ákvað að vera hér 3 nætur og legg svo af stað í smá road trip um Írland með rútum. Cork, Tralee, Limerick, Galway og enda líklegast í Dublin á miðvikudagskvöldið.

#ferð #írland #bretland #ferja

Fór og labbaði hér um peak district í morgun. Fer svo til Birmingham í kvöld. Enn á lífi og góð.

#ferð #update

Hér má sjá það sem sást í newcastle og durham. Maðurinn í lausu lofti og brúin eru í newcastle en hitt er af kastalasvæðinu í durham, þar á meðal eru kirkjugluggar. Rosa flott þarna. Myndin af mér er ég tilbúin í labb með bakpokan og allt sem ég á þessa dagana.

#myndir #ferð #durham #newcastle

Frá Edinborg til Newcastle, Durham og York

Ég fór frá Edinborg um kl 11 á föstudaginn. Fyrsta skipti ein í lest og það var yndislegt. Skoskt náttúra er æðisleg og reglulega hugsaði ég "hvernig er allt svona grænt í janúar?" Kom til Newcastle og labbaði um um með bakpokann minn í næstum 2 klst og þar sem það var í fyrsta skipti þá kkm ég inn á hostelið kl 3 algjörlega uppgefin. Slakaði á til að verða 5 en þá reif ég upp hlýrri fatnaðinn minn og stökk út til að skoða Newcastle. Ákvað að labba niður að ánni sem var það sem mér fannst flottast við Newcastle séð úr lestinni. Það var rétt og ekkert verra í rökkrinu. Ég labbaði yfirgöngubrúnna þar sem er stórkostleg og heitir Gateshead Millenium Bridge. Hef sjaldan verið eins lofthrædd. Hún er alveg traust það er ekki það en hún er svo skrýtin í laginu að manni líður næstum eins og maður sé að labba í lausu lofti. Fór svo upp á hostel aftur og fékk mér lasagne og talaði við nokkrar stelpur frá Dublin. Kvöldið var ekki eins gott, hafði bókað 8 rúma kvennasvefnsal þar sem það var það sem hostelið bauð upp á. Einhvern veginn náði það að klúðrast og ég var sett í herbergi með 4-5 karlmönnum. Var alveg sama, þannig var það í Edinborg en þeir voru ekki mjög tillitssamir. Eftir að hafa vaknað stuttu eftir að ég sofnaði við að kveikt var á ljósunum í langan tíma þá kom inn mjög drukkin maður og fór í kojuna fyrir ofan mig, sofnaði á 0.1 og hraut eins og ég veit ekki hvað. Eftir að hafa legið andvaka ákvað ég að sjá hvort þeirmynduekki færa mig þar sem ég hefði bókað annað en þetta. Svo þeir gerðu og loks um kl 1.30 gat ég farið að sofa. Fór frá Newcastle um 10 og til Durham. Þar var yndislegt að vera. Ég labbaði um kirkjuna, sem er risastór og ótrúlega flott. Eftir aðhafa fengið mér að borða þá labbaði ég um bæinn, meðal annars meðfram ánni sem liggur talsvert neðar en bærinn. Settist niður við hana og skrifaði í einhvern tíma þangað til að tími var komin til að fara aftur að lestarstöðinni. Tók svo lest til York og eftir að hafa leitað mér upplýsinga þá fann ég hostel og fékk flott 4 rúma herbergi sem var hreint og rúmin voru með tjöldum svo þú gast dregið fyrir og verið út af fyrir þig. Þurfti nú ekki á því að halda þar sem ég var ein nema um blánóttina þá fyrstu og ein þá seinni. Skemmti mér ágætlega í York en tók því að mestu leiti rólega. Spjallaði við aðra gesti hér og svona. Fór samt út á sunnudagsmorguninn og fór á Jórvík Víkingasafnið sem var rosa cool. Fullt af "misplaced" þjóðarstolti fannst mer reyndar; ekki vön því að bretar eigni sér víkinga svona og séu svona stoltir af þeim. Talsvert mikið af upplýsingum þarna og mæliég eindregið með heimsóknum þangað ef fólk hefur tækifæri til. Skypeaði svo við mömmu, fór í sturtu og planaði áframhaldandi ferðalag. Ætla núna til Matlock sem er rétt við Peak District National Park og ætla ég mér aðeins að fá að sjá af náttúru þar. Bókaði eina nótt og sé svo til hvort ég bæti annari við þegar ég hef séð hvað er hægt að gera þarna í kring. Kveðja, Gíslína

#ferð #day 7 #lestir #newcastle #edinborg #jorvik #durham #kirkjur #nattura

Kom til edinborgar í gær kl 5 og kom mér nokkuð fljótt á hostelið. Þar hitti ég ástralaska krakka og var með þeim allt kvöldið og skreið svo upp í. Að morgunmat loknum talaði ég snöggt við kanadíska stelpu og svo hitti ég þau áströlsku aftur og fór með þeim út. Ég skildi við þau á rútustöðinni og fór í city tours. Fyrst stoppaði ég í almenningsgarði sem var með 70 prósent plöntutegunda sem þekkt eru. Eyddi klukkutíma þar og hefði getað verið mikið lengur. Fór svo í Edinborgar kastalann og langaði að kaupa allt í gjafabúðunum þar. Allt. En svo fór ekki en ég lærði margt í kastalanum og var þar í 4 klst. Fór svo aftur að hostelinu með en einum leiðsögustrætónu og var sú eina þar þannig ég fékk góða leiðsögn. Kvöldinu var svo eytt í leti og spjall með áströlunum. Á morgun er planið að fara að labba um og sjá eitthvað sem ég heyrði um í dag. svo á ég eina enn nótt bókaða hér og sé fram á að fara á föstudaginn niður til Englands. Btw myndirnar eru úr garðinum.

#ferð #day2 #edinborg #evrópa