#gadhadabjp

[shankhnadnews]

ગુપ્તચર તંત્રના મતે પેટાચૂંટણીમાં ભાજપને ૪ થી ૬ બેઠકો મળી શકેઃ કાલના પરિણામ પર મીટ

સોશ્યલ મીડિયાના અહેવાલમાં પણ એવુ જ તારણઃ કોંગી માટે ધારી બેઠક સૌથી વધુ આશાસ્પદ મિલન કુવાડિયા ગુજરાત વિધાનસભાની લીંબડી, મોરબી, ધારી, ગઢડા, અબડાસા, કરજણ, કપરાડા અને ડાંગ બેઠકનની પેટાચૂંટણીનું તા. ૩ના રોજ મતદાન થયા બાદ આવતીકાલે સવારથી મત ગણતરી થનાર છે. કાલે બપોર સુધીમાં ચિત્ર સામે આવી જશે. ભાજપ-કોંગ્રેસ બન્નેે પક્ષોે તમામ આઠેય બેઠકો જીતવાનો દાવો કર્યો છે. સરકારના ગુપ્તચર તંત્ર તરીકે ઓળખાતા તંત્ર અને રાજકીય પ્રવાહોના જાણકાર વર્તુળોના તારણ મુજબ ભાજપને ૪ થી ૬ અને કોંગ્રેસને ૧ થી ૩ બેઠકો મળવાની શકયતા છે. કોઈ તરફી કે વિરોધી જુવાળ નીકળે તો આ ગણિત બદલાઈ શકે છે. સોશ્યલ મીડિયામાં પત્રકારોનો પોલ તરીકે ફરતા સમાચારોમાં ભાજપને પાંચ અને કોંગીને ૩ બેઠકો મળે તેવુ તારણ કાઢવામાં આવ્યુ છે. લગભગ તમામ સમીક્ષકોના તારણમાં ધારી બેઠકને ભાજપ માટે સૌથી વધુ કપરી અને કોંગી માટે સૌથી વધુ આશાસ્પદ ગણાવવામાં આવી છે. અબડાસા બેઠક બાબતે વિભિન્ન મત પ્રવર્તે છે. ગુપ્તચર તંત્રના તારણમાં ભાજપને કરજણ અને ધારી બેઠકમાં અતિ કપરા ચઢાણ હોવાનું અને અબડાસામાં જબ્બર લડત હોવાનું દર્શાવાયાનું જાણવા મળે છે. કપરાડામાં ભાજપ મજબૂત સ્થિતિમાં બતાવાય છે. ડાંગમાં કોંગ્રેસ જોરમાં દેખાય છે. કરજણ, લીંબડી, ગઢડા અને મોરબીમાં ભારે લડત થઈ છતા સમીક્ષાનું તારણ આ ચારેય અથવા ચાર પૈકી બે-ત્રણ બેઠકોમાં આખરે ભાજપનો હાથ ઉપરની શકયતા દર્શાવે છે. Read the full article

[shankhnadnews]

ગઢડા ઉમરાળા સીટની પેટા ચૂંટણીમાં ત્રિપાંખીયો જંગ.?

વલ્લભીપુરમાં આપ દ્વારા ચૂંટણી લડવાની તૈયારી અંગે આવતીકાલે સમીક્ષા બેઠક : પ્રદેશ નેતૃત્વ ઉપસ્થિત રહેશે

શંખનાદ કાર્યાલય ગઢડા ઉમરાળા વિસ્તાર સહિત રાજ્યની ૮ બેઠકો પર પેટા ચૂંટણી માટેના ડંકા વાગી ચુક્યા છે ત્યારે હવે આમ આદમી પાર્ટી સક્રિય થઈ છે અને પેટા ચૂંટણીઓમાં ઝંપલાવવા માટેની ભાજપ કોંગ્રેસ સહિત આમ આદમી પાર્ટી દ્વારા પણ આરંભી દેવાઈ છે પ્રવીણ મારૂના રાજીનામાં બાદ ગઢડા ઉમરાળા વિસ્તારમાં પેટા ચુંટણી યોજાનાર હોય અને પેટા ચુંટણીના પડઘમ પણ વાગી ચુક્યા છે ભાજપ અને કોંગ્રેસ દ્વારા ઉમેદવારોની પસંદગીથી લઈને ચુંટણીની તૈયારીઓ શરુ કરી છે તો હવે આમ આદમી પાર્ટી પણ મેદાને આવવા તૈયારી કરી રહ્યું છે. પેટા ચુંટણી લડવાની તૈયારી અંગેની આવતીકાલે વલ્લભીપુરમાં સમીક્ષા યોજાશે જેથી પેટા ચુંટણીનો જંગ ત્રીપાંખિયો જોવા મળે તો નવી નહિ. આમ આદમી પાર્ટી ભાવનગર જીલ્લામાં સક્રિય થઇ રહી છે ત્યારે ગઢડા ઉમરાળા વિધાનસભાની ખાલી પડેલ બેઠક પર પેટા ચુંટણી યોજાવવાની છે જેને ધ્યાને લઈને આવતીકાલે આમ આદમી પાર્ટીની વલ્લભીપુર ખાતે સમીક્ષા બેઠક યોજાવવા જઇ રહી છે ત્યારે પેટા ચુંટણી લડવાની તૈયારીને લઈને સમીક્ષા કરવામાં આવશે આમ આદમી પાર્ટી ચુંટણીમાં ઝંપલાવે તો ત્રીપાંખિયો જંગ જામી સકે છે જોકે ગઢડા ઉમરાળામાં ત્રીજો મોરચો કેટલો સફળ રહે છે તે જોવું રસપ્રદ બની રહેશે. Read the full article

[shankhnadnews]

ગઢડા સહિત ૮ બેઠકો પર કોરોનાને લીધે ભાજપ-કોંગ્રેસ સોશિયલ મીડિયાનો સહારો લેશે

બધા પક્ષો પેટાચૂંટણીમાં પ્રચાર કરવાની મથામણમાં, જાહેરસભા-રેલી નહીં પણ વર્ચ્યુઅલ સભાથી મતદારોને રિઝવશે, ચૂંટણીનો માહોલ જામશે નહીં

સલીમ બરફવાળા આગામી દિવસોમાં ગઢડા સહિતની રાજ્યમાં આઠ બેઠકો પર પેટાચૂંટણી યોજાનારી છે જેના પગલે અત્યારથી ભાજપ-કોંગ્રેસે તૈયારી કરી છે.જોકે, ભાજપ-કોંગ્રેસના નેતાઓને અત્યારથી એ વાતની ચિંતા પેઠી છેકે, કોરોનાની મહામારી વચ્ચે પ્રચાર કેવી રીતે કરવો .લોકોમાં ય કોરોનોનો ખોફ છે ત્યારે મતદારો વચ્ચે જઇને પ્રચાર કરવો એ પણ ભાજપ-કોંગ્રેસ સહિત અન્ય રાજકીય પક્ષો માટે પડકારરૂપ બની રહેશે. આ દરમિયાન, ભાજપ-કોંગ્રેસે સોશિયલ મિડીયાના માધ્યમથી વધુને વધુ મતદારો સુધી પહોંચવા પહોંચવા તૈયારીઓ કરી છે. ગુજરાતમાં આઠ વિધાનસભા બેઠકો પર પેટાચૂંટણી યોજાનારી છે.હજુ કેન્દ્રીય ચૂંટણીપંચે ચૂંટણીની તારીખો સત્તાવાર રીતે જાહેર કરી નથી પણ ભાજપ-કોંગ્રેસે ચૂંટણીની તૈયારીઓ કરી લીધી છે. આ બધુય આ વખતે શક્ય જ નથી કેમ કે,કોરોનાના  પગલે જાહેરસભા કે રેલી યોજી શકાશે નહીં. ખુદ ભાજપ-કોંગ્રેસના નેતાએ જ કહી રહ્યાં છે કે, આ વખતે પેટાચૂંટણીનો માહોલ જ જામશે નહીં. લોકોમાં કોરોનાનો એટલો ખોફ છે કે,હજુ બજારોમાં લોકોની ઝાઝી અવરજવર રહી નથી. સૂત્રોના મતે,ભાજપ-કોંગ્રેસે ફેસબુક, વોટ્સએપ અને ટ્વિટર સહિત સોશિયલ મિડીયાના માધ્યમથી વધુને વધુ લોકો સુધી પહોંચવા  રણનીતિ ઘડી કાઢી છે.આ ઉપરાંત જાહેરસભાને બદલે વર્ચ્યુઅલ સભા યોજવા પણ આયોજન કરાયું છે. એક સૃથળે સોશિયલ ડિસટન્સ રાખીને વર્ચ્યુઅલ સભા યોજવામાં આવશે.ભાજપ-કોંગ્રેસના  પ્રદેશ નેતા-સૃથાનિક  આગેવાનોએ કોરોનાની સમજ આપવાના બહાને મતદારો સાથે મુલાકાત કરવાના બહાને માસ્ક-સેનેટાઇઝરનું વિતરણ કરવા પણ યોજના ઘડી છે. Read the full article