Discover Top Posts Tagged with #hadiqakiyani

گلوکاری کے میدان میں کامیابی کے بعد اب حدیقہ کیانی کیا کرنے والی ہیں؟

کراچی(جی سی این رپورٹ)پاکستان میوزک انڈسٹری کی مقبول ترین اور عالمی شہرت یافتہ گلوکارہ حدیقہ کیانی ڈراما انڈسٹری میں بطور اداکارہ قدم رکھنے کے لیے تیار ہیں۔ پاکستان کی معروف گلوکارہ و موسیقار حدیقہ کیانی گلوکاری کے میدان میں کامیابی کے بعد اب اداکاری میں قسمت آزمانے کے لیے تیار ہیں۔ حدیقہ کیانی کے ایکٹنگ ڈیبیو سے متعلق اداکارہ فریال محمود نے انسٹاگرام پر ایک پوسٹ کے ذریعے آگاہ کیا۔ فریال محمود نے حدیقہ کیانی کے ساتھ تصاویر شیئر کرتے ہوئے کیپشن میں مداحوں کو یہ حیران کن خبر دی۔ انہوں نے لکھا کہ یہ اب تک کا سب سے بڑا سرپرائز ہے کہ گلوکارہ حدیقہ کیانی ' رقیب سے' نامی ڈرامے میں اپنا ایکٹنگ ڈیبیو کریں گی۔ اپنی پوسٹ میں فریال محمود نے حدیقہ کیانی کی تعریف بھی کی اور لکھا کہ میں ہمیشہ یہی سوچتی تھی کہ آپ کی شخصیت کیسی ہوگی لیکن آپ کو جاننے کے بعد جو میں نے خوشی محسوس کی ہے وہ پہلے کبھی محسوس نہیں کی۔ فریال محمود نے مزید بتایا کہ حدیقہ کیانی اب جلد ایک نئے روپ میں دکھائی دیں گی اور ساتھ ہی لکھا کہ وہ اداکاری کی دنیا میں حکمرانی کرنے آرہی ہیں۔ ادکارہ کی پوسٹ پر مداحوں نے خوشی اور حیرت کا اظہار کیا جبکہ گلوکارہ آئمہ بیگ نے کمنٹ کیا کہ وہ اس حوالے سے کافی پُرجوش ہیں۔ تاہم اب تک حدیقہ کیانی کی جانب سے اداکاری کے میدان میں قدم رکھنے سے متعلق کوئی بیان سامنے نہیں آیا۔ خیال رہے کہ حدیقہ کیانی کے ڈیبیو سے متعلق فریال محمود نے جس ڈرامے کا ذکر کیا ہے اس میں اداکاری کا اعلان گزشتہ ہفتے اداکارہ اقرا عزیز نے بھی کیا تھا۔ اقرا عزیز نے گزشتہ ہفتے انسٹاگرام پر رقیب سے کی اسکرپٹ کی تصویر شیئر کرتے ہوئے اس ڈرامے میں اداکاری کا اعلان کیا تھا۔ اسکرپٹ کی تصویر کے مطابق اس ڈرامے کی کہانی Read the full article

#actress #drama #gcnnews #hadiqakiyani #karachi #model #singer

معروف گلوکارہ حدیقہ کیانی کی آواز میں سورۃ رحمٰن کی خوبصورت تلاوت

کراچی (جی سی این رپورٹ)پاکستان میوزک انڈسٹری کی معروف گلوکارہ حدیقہ کیانی نے اپنی آواز میں سورۂ رحمٰن کی خوبصورت تلاوت کی ہے۔سماجی رابطے کی ویب سائٹ انسٹاگرام پر سورۂ رحمٰن کی اردو ترجمہ کے ساتھ ویڈیو شیئر کرتے ہوئے حدیقہ کیانی نے لکھا کہ وہ ہمیشہ سے اس سورۃ کی تلاوت کی خواہشمند تھیں۔حدیقہ کیانی نے لکھا کہ تلاوت کی گئی سورۂ رحمٰن انہوں نے بچپن میں قاری صاحب کی سکھائی گئی قرأت سے پڑھنے کی کوشش کی ہے۔انہوں نے لکھا کہ ہمیں ہر وقت اللہ سے رابطہ رکھنے اور زندگی کے اصل مقصد کے حوالے سے سوچنے اور غور و فکر کرنے کی ضرورت ہے۔حدیقہ کیانی کا کہنا تھا کہ ہمیں ہمیشہ زندگی کے اصل مقصد سے آگاہ رہنا اور رب العزت کی دی گئی نعمتوں کا شکر ادا کرنا چاہیے۔14 منٹ اور 12 سیکنڈ پر مشتمل حدیقہ کیانی کی آواز میں سورۂ رحمٰن کی آیت نمبر ایک سے 13 تک کی ویڈیو کو صارفین کی جانب سے خوب سراہا جارہا ہے۔ https://www.facebook.com/marani.khan.92/videos/158158999053831/?t=1 Read the full article

#hadiqakiyani #karachi #surahrehman #talawat

حدیقہ کیانی نے وزیراعظم سےکیادرخواست کردی؟

کراچی (جی سی این رپورٹ)معروف گلوکارہ حدیقہ کیانی نے وزیراعظم عمران خان سے بیوٹی سیلونز سے متعلق ایس او پیز بنانے کی درخواست کی ہے۔ملک بھر کے تمام شہروں میں لاک ڈاؤن کے باعث بیوٹی پارلرز بھی بند ہیں جس سے بڑے پیمانے پر خواتین بے روزگار ہوگئی ہیں۔اس صورتحال میں گلوکارہ حدیقہ کیانی کا کہنا ہے کہ لاک ڈاؤن سے 80 فیصد بڑے بیوٹی سیلونز کی خواتین بےروزگار ہو گئی ہیں، حکومت پاکستان سے اپیل ہے کہ بے روزگار خواتین کو بھی فنڈز دیے جائیں۔گلوکارہ نے وزیراعظم عمران خان سے درخواست کی کہ کاروبار کھولنے کے حوالے سے ایسے ایس او پیز بنائے جائیں جو بیوٹی سیلونز کے لیے بھی فائدہ مند ہوں۔واضح رہے کہ وفاقی حکومت نے ملک میں جاری لاک ڈاؤن میں 30 اپریل تک توسیع کردی ہے تاہم کچھ صنعتوں اور کاروباری اداروں کو حفاظتی اقدامات کے ساتھ کھولنے کی اجازت دی ہے تاہم اب تک بیوٹی پارلر کے حوالے سے کوئی احکامات جاری نہیں ہوئے ہیں۔ Read the full article

#hadiqakiyani #irmankhan #pm #request