#jyutjyu

[jefferyeasylife]

今年好少落雨，仲有好多次係人工降雨添！今日朝頭早到而家都一直落，又開始凍，個心情就好似呢隻富川狗狗噉。

[jefferyeasylife]

柳州東門城樓

個城樓就喺柳州市中心嘅城中區曙光東路，係柳州城牆嘅一部分，係明朝洪武十二年（公元1379年）起嘅，清代嗰時又重建。家陣係廣西區重點文物保護單位。

[jefferyeasylife]

平南明珠樓

平南舊時叫做龔州，而家就係貴港市管嘅一個縣。呢個明珠樓就位於平南城內嘅江北公園，個公園喺2017年起好，明珠樓就係個公園嘅標誌性建築。

[jefferyeasylife]

日日落雨只好懷念一下之前嘅好天氣。

[jefferyeasylife]

富川縣

呢度因為係廣西同湖南交界嘅地方，保留咗好多舊屋，啲山水景色都好正！語言方面就主要講西南官話同時又有好多人講粵語勾漏片白話（當地人叫做梧州話），飲食就因為近湖南所以係粵菜同湖南菜結合，總之呢度就係個人少少、樂趣多嘅地方嚟！

[jefferyeasylife]

肇慶古城牆

而家部電話成日提示冇空間，焗住要整理啲相po出嚟記錄一下去過嘅地方。

第一次去肇慶，個市區係幾靚，有現代高樓大廈又有古城牆而且保護得好好，啲燈光都唔錯同埋又唔使錢，幾正。

[jefferyeasylife]

鬱南貓貓

整理啲相嗰時發現喺10月份嗰時見到呢隻咁靚嘅貓貓，嗰時係喺廣東鬱南縣，佢仲要唔怕人擺定甫士任我影。

[jefferyeasylife]

喺廣西首府南寧市有一班默默承傳同發展非物質文化遺產嘅後生仔女，佢哋利用自己平日嘅業餘時間，一齊演粵劇，唱粵劇。仲加入南寧市工人文化宮粵劇團。喺每個禮拜得閒嗰時，着埋戲服，搖身一變就成為咗台上唱做唸打嘅粵劇人。而喺日常生活中，除咗件戲服，佢哋就係平平凡凡嘅後生仔女。為咗探討佢哋點樣透過自身行動，帶動身邊嘅後生仔女進行非物質文化遺產粵劇嘅承傳，所以一班南寧學生哥團隊5個人聯合創作呢條專題紀錄片《粉墨》。