純粹港嘢：出道十年都無代表作，真係可以被稱被一線歌手？
樂壇不少歌手都或許經歷過紅歌不紅人的階段，例如JC首“說散就散”上年係內地因為電影《前任3》大賣而爆紅，但時至今日依舊有好多內地聽眾唔知邊個係原唱。
一首作品大賣未必可以令到一个歌手晉升一線，但內地樂壇一直有個好迷幻嘅現象，就係有好多所謂的當紅歌手莫講話代表作，甚至出道多年都無一首可以被粉絲以外嘅路人叫得出名的個人作品都無，但係無任何當紅作品嘅情況下依舊可以人氣不減，例如「歸國四子」中嘅鹿晗、吳亦凡、張藝興等等，但其中最具代表性的一位，一定係李宇春。
對於大部份香港人而言，李宇春呢個名字可能比較陌生，就算聽過，知道佢係歌手都唔一定可以記得起佢唱過咩歌，對於呢點，我初到內地工作時以為是文化差異，畢竟香港真係無咩人會睇過佢2005年嘅出道舞台《超級女星》。
後來我發現，李宇春雖然係內地已經被吹捧成為一線歌手，當紅的地位大概等於香港嘅容祖兒，出道十多年間出過好多碟，亦獲獎無數。然而我係身邊問完一輪，發現居然完全無一個內地朋友可以講得出李宇春有咩代表作，甚至連佢到底唱過咩歌都無人知。
「楊冪我至少還能說出她唱過《愛的供養》，李宇春的歌我真的一首都想不起。」內地朋友如是說。然後我嘗試百度查找「李宇春代表作」後，發現有呢個疑問的不只我一個。可以非常肯定，同為歌手，陳小春嘅歌傳播度一定比李宇春高。
無可否認的是，李宇春自05年出道後，憑藉獨特的中性形像，的確累積左一班好忠心嘅粉絲，各方面資源好好的情況下，樂壇地位亦越嚟越高。當然，音樂嘅質量唔可以完全用傳播度去衡量，但一個歌手可以出道十年，人人都識的同時連一首可以令人一提起呢個歌手，就記得的歌曲都無，可以說是內地歌壇非常獨有而神秘的現象了。
純粹思考題：華語地區除左內地外，仲有冇紅人不紅歌的歌手？
TEXT / Diana CHIU