- هنكمل على بوست اكبارح ونشرح بالتفصيل ال isolation transformer وهو مسئول انه يوصل الكهرباء من المصدر الى الجهاز بس ميكنش فيه اتصال مباشر بينهم ودة بيكون لاغراض السلامة او حماية للجهاز - زى ما احنا عارفين ان اى محول عبارة عن primary & secondary وانا لما اوصل المصدر على الملف الابتدائي والجهاز على الملف الثانوي الكهرباء هتوصل من المصدر للجهاز وفى نفس الوقت مش هيكون فيه اتصال مباشر بينهم وبالتالى لو حصل مشكلة فى المصدر دة مش هيأثر على الجهاز بس اللى ممكن يتأثر هو الملف بتاع المحول لكن انا كدة حققت اللى انا عايزه وحميت الجهاز بتاعى - محول العزل بيستخدم عشان يحمى من الصدمات الكهربائية ويحمى الاجهزة بردو من الهزات الكهربية وكمان الملفات بتاعته بيكون ليها عزل خاص عشان يقاوم الجهد العالى ويتحمل اى مشكلة تحصل - نتكلم عن الوسيلة التانية وهى العازل الضوئي وكمان بنقول عليه بالانجليزي optocoupler & opto isolator & photocoupler & optical isolator وهو جهاز الكتروني بيقوم بردو بوظيفة العزل الكهربى بين دايرتين بس مش بيمنع نقل الاشارات يعنى بيعزلهم بس قادر انه يوصل الاشارة الكهربية من دايرة للتانية ودلوقتى بقى فيه عوازل ضوئية تقدر تتحمل فولت الى ١٠ كيلو فولت وتقدر تستحمل ارتفاع الفولت المؤقت voltage transients الى ٢٥ كيلو فولت لكل ميكرو ثانية - غالباً العازل الضوئي بيتكون من ليد ومعاه phototransistor والليد تبعت الضوء لل phototransistor وال phototransistor بيحولها لإشارة كهربية وكدة يكون فيه توصيل للاشارة الكهربية بس مفيش اتصال مباشر بين الليد وال phototransistor وغالباً هو بيستخدم لنقل اشارات ديجيتال لكن بقى فيه techniques بتخلينا نستخدمه مع الاشارات الانالوج وكمان ممكن بدل phototransistor يكون فيه photodiode وكمان ممكن photoresistor بس كلهم بيقوموا بنفس الوظيفة #Micro_Ohm_Electronics https://www.instagram.com/p/B5n9egKHqMB/?igshid=1xa8jk9pr64cm