Kaho bhai mandu(मंदु) kya kehte ho Haal filhal kahan gayab rehte ho Khairiyat bhi sunao apni kya haal hai Kaise mijaz hain, kaisi chaal hai Bada thake hue, murjhaaye hue ho Kaho bau kaahe itna uktaaye hue ho Ho na Ho koi to baat sata rahi hai Tum na batao, shakal bata rahi hai Bolo bhai bolo kis baat ki vehshat hai Batao to kis cheez ki itni dehshat hai Maathe pe ye shikan-e-bebasi kaisi Aankhon mein ye guhar-e-beqasi kaisi Mere hum nivala, hum piyala, dost mere Kahan kho Gaye wo saare khwaab tere hausle'n jo taanke the aankhon mein Umeedein jhoolti thi jo baahon mein Kyun tum saari umeedein haar chuke ho Kis gham pe apna baankpan vaar chuke ho Meri maano ab ruk kar saans le lo Jitni bhi girwi rakh aaye ho saari le lo Bohat hua ye deewanapan tumhara Ye afsurdagi tumhari ye wahm tumhara Kis baat ki hai ye khud se mukhalfat tumhari Kis shai mein wajib hai ye roz marna tumhara Mere Mandu, mere bandhu aao laut aao Giriya-o-zari chhodo aao laut aao Saaz-e-bedaari uthao aao laut aao Kar lo aa kar ayaadat apni aao laut aao Hai mumkin ab bhi bachna tumhara aao laut aao . #poetsofinstagram #writersofinstagram #midnight_rant #midnightrants #urdu #urdupoetry #urdushayari #sher #lovecouplet #writingcommunity #instapoet #mrpoet #instapoetry https://www.instagram.com/p/B8HfePYl1HAPDUu-yH0jGqd09H5_A5AO6VaMQI0/?igshid=1velrs12arb6d