#mpumbavu

[enockmaregesi]

Mithali 26:4: "Usimjibu mpumbavu sawasawa na upumbavu wake; Usije ukafanana naye." - Mithali 26:5: "Umjibu mpumbavu sawasawa na upumbavu wake; Asije akawa mwenye hekima machoni pake." - Kuna namna mbili za kushughulika na mpumbavu: Ama kukaa kimya (Mithali 26:4) au kumjibu kwa kumuelimisha lakini si kwa kubishana naye (Mithali 26:5). - Ukibishana na mpumbavu utampa hekima asiyostahili. - -Enock Maregesi, mwandishi wa Kolonia Santita #mithali264 #proverbs264 #mithali265 #proverbs265 #mpumbavu #foolish #hekima #wisdom https://www.instagram.com/p/BxrPwCiH0Wn/?igshid=13425akt9btkd

[enockmaregesi]

Mara nyingi mpumbavu ni mtu anayefanya jambo akijua yuko sahihi wakati hayuko sahihi. Ukimsahihisha na asikuelewe jaribu kumsahihisha tena. Akibisha achana naye, kwa kukubaliana na lile analolijua, lakini ukijua amekosea. Kuna namna mbili za kushughulika na mpumbavu: kukaa kimya; au kumjibu kwa kumuelimisha, lakini si kwa kubishana naye. Ukibishana na mpumbavu umemruhusu akufanye mpumbavu. Ukimruhusu mpumbavu akufanye mpumbavu, kwa maana ya kukaa kimya, umemjibu sawasawa na upumbavu wake. Usibishane na mpumbavu kwa sababu mpumbavu ana tabia ya kudharau hekima, na ana tabia ya kuwafanya wenye hekima waonekane wapumbavu kama alivyo yeye. Mpumbavu muelimishe, kama unavyoweza kumuelimisha mjinga. Akibisha, mpumbavu, kaa kimya! Mjinga, akibisha, mfafanulie ili aelewe. Mpumbavu ni yule anayepoteza kile alichopewa na Mungu ambacho ni hekima. Ukibishana na binadamu wa namna hiyo utakosa hekima. Hata hivyo, kama nilivyosema hapo awali, unaweza kubishana na mjinga; lakini naye akiendelea kubisha, achana naye. - -Enock Maregesi, mwandishi wa Kolonia Santita #mpumbavu #foolish #hekima #wisdom https://www.instagram.com/p/BxqX3Itnt3j/?igshid=aoxpof8wvz35

[enockmaregesi]

Ukitaka kufanikiwa katika maisha yako kuwa tayari kuitwa mjinga au mpumbavu. Mungu hutumia watu ‘wajinga’ na ‘wapumbavu’ kufanya mambo makubwa katika maisha yao na ya watu wengine. Katika Biblia, Musa aliitwa mjinga alipokiuka amri ya Farao ya kuendelea kuwafanya watumwa wana wa Israeli nchini Misri; Nuhu aliitwa mpumbavu alipohubiri kwa miaka mia kuhusu gharika, katika kipindi ambacho watu hawakujua mvua ni nini; Daudi aliitwa mjinga alipojitolea kupambana na Goliati bonge la mtu, shujaa wa Gathi; Yusufu aliitwa mjinga alipokataa kulala na mke wa bosi wake, baada ya kuwa ameuzwa na nduguze kama mtumwa nchini Misri; Abrahamu aliitwa mjinga alipoamua kuhama nchi aliyoipenda na kwenda katika nchi ya ahadi, eti kwa sababu Mungu alimwambia kufanya hivyo; Yesu aliitwa mjinga mpaka akasulubiwa aliposema yeye ni Mfalme na Mwana wa Mungu. LAKINI, Musa alitenganisha Bahari ya Shamu na kuwapeleka Waisraeli katika nchi ya ahadi, ambako aliwakomboa kutoka utumwani. Nuhu aliokoa dunia. Daudi alimshinda Goliati. Yusufu aliokoa familia yake kutokana na njaa. Abrahamu alikuwa baba wa imani. Yesu aliyashinda mauti. Wakati mwingine tunatakiwa kufanya mambo makubwa kulingana na jinsi Roho Mtakatifu anavyotutuma, bila kujali watu au dunia itasemaje. Mtu akikuita mjinga au mpumbavu juu ya maisha yako usikasirike, kwa sababu wewe si mjinga wala mpumbavu. Sema hapana kwa ndiyo nyingi, kwa sababu hawapaswi kuingilia mambo yako bila idhini ya Mwenyezi Mungu. Kuingilia mambo ya mtu mwingine bila idhini ya Mwenyezi Mungu ni dhambi, tena dhambi kubwa, ni kuvunja amri kuu ya kwanza ya Mungu. #mjinga #foolish #mpumbavu #stupid #mungu #god https://www.instagram.com/p/BsN3w7vn31c/?utm_source=ig_tumblr_share&igshid=2a9o7t2k2233

[enockmaregesi]

Kufanikiwa

96. Ukitaka kufanikiwa katika maisha yako kuwa tayari kuitwa mjinga au mpumbavu.

Enock Maregesi