Honor Thy Father is superb
Nanood kami ng #HonorThyFather kanina. Unang movie na pinanood ngayong taon. Dinayo ang SM Bacoor dahil wala sa SM at Rob Dasma.
Sa buong panonood... Nakatutok kami. Nakatutok ako. Parang ayokong alisin ang mata ko sa big screen.
Dito ako nakakita ng palabas na kahit naglalakad lang ang tauhan, kahit nakailang paroon at parito siya, (na kung sa ibang palabas ay manghihinayang ka sa oras na nasayang na gano'n lang ang ginawa) kahit di siya nagsasalita, kahit wala siyang mahabang sinabi kahit na ilang minutong nag-uumpisa ang palabas, kahit facial expression lang at keber lang siya sa mga nangyayari sa bawat eksena... May sense. Makabuluhan. Bawat detalye malaman. Maganda. Sulit. Dapat panoorin!
John Lloyd Cruz.
At no'ng natapos...tinawan ako ni B dahil patayo na sila, prente pa rin ang upo ko dahil nagbabaka sakali pa akong may kasunod pa.
Dahil marami akong tanong. Pero agad ko ring sinagot sa isip ko. Ako na lang ang nag conclude. Baka ganito, baka ganyan ang sumunod na nangyari.
Gusto ko pa! Gusto ko pa ng ganoong pelikula!
At gustung-gusto ko ang mga kantang pinatugtog sa palabas! Lalo na ang version ng Our Father.
Ang ganda ng #HonorThyFather ! At umaasa akong manalo ito ng mga awards sa sinalihan nitong film festival maliban sa MMFF.