من يومين اتفتح قدامي باب لشراكة بالخبرة مع صديق عاوز يعمل براند Body splash متخصص وعنده خطة ينتشر بيها بشكل كبير في مصر كلها تقريبا في وقت قصير وأنا مقتنع إنه يقدر يعمل الانتشار ده بالفعل، لكن في نفس الوقت متردد اخد الخطوة دي لإني بعمل منتجاتي بدافع الشغف والحب والاستمتاع وقلقان لو الموضوع اتقلب لبيزنس بنطاق واسع إني أفقد هواية بهرب بيها من العالم ودوشته واعزف مع نفسي بالنوتات العطرية علشان أطلع حاجة ترضيني أنا قبل ما ترضي أي حد والموضوع يتحول لشغل تجاري واضطر اعمل حاجات مش راضي عنها، بجانب إني بحب اسم البراند بتاعي ومش عاوز أتخلى عنه وما اظنش هيبقى متاح إنهم يستخدموا الاسم لإنهم هيختاروا مختلف طبعًا، وكمان علشان مش هقدر أخد الريفيوهات بشكل مباشر من الناس اللي بتتعامل معايا -ودي في حد ذاتها متعة بالنسبة لي- ف التردد عمال يزيد هل أعتذر واعرض عليهم المساعدة بشكل ودي ومن غير شراكة ولا أدوس في الموضوع واشوف هيحصل ايه.
على الجانب الآخر ليا كام يوم بتجيلي Reviews عن ال Hair perfume وكلها ما شاء الله تفتح النفس عن قد ايه التجربة مختلفة والتأثير حلو وانهم بقوا يستخدموه مش بس للتعطير لكن كمان لتغذية الشعر وعلاج الهيشان والتقصف، ف اللهم لك الحمد.
فضفضة مع الناس اللي بحبهم ❤️
