xixón, bilbo, pau, tolosa, fois, carcasona, castres, borredon, albi, gurs...
xabel diz que llevaba munchu tiempu esperando por esti viaxe, munchu tiempu queriendo conocer el país occitanu, esi que nos entamos del sieglu XX diera un premiu nobel de lliteratura por escribir nuna llingua torgada de tou reconocimientu oficial, cuando tiempu atrás fuera la llingua d'influencia del arcu atlánticu y mediterráneu. Pero tamién poles munches llectures sobro l'albiguismu y el catarismu, o aquelles otres que falaben d'un señor d'avilés al que la corona española encomendó-y espulsar a unos que se facíen llamar hugonotes.
depués, les llectures amosaríen otra realidá muncho más cercana nel tiempu que nun ye otra más que la del exiliu republicanu, los campos de concentración, el colaboracionismu del "pseudoestáu" de la francia de vichy, los trenes a los campos d'esterminiu, la muerte. pero, frente a too ello la organización na llucha, l'esfuerzu decisivu de miles de republicanos y republicanes pa vencer al fascismu internacional na segunda guerra mundial.
en definitiva un viaxe suañáu dende hai munchos años y qu'una vegada fechu insiste na vuelta, y que pa nun aburrir voi dir subiendo en delles entraes.