5+1 aplicaciones fundamentales pal ipad (escoyeta personal)
mr. reader, un llector de rss que vinculáu a google reader proporciona los titulares y cuerpos de sindicación de conteníos na web. les sos posibilidaes son mui grandes, permitiendo l'unviu de les noticies a redes como facebook, twitter, wordpress, blogspot... o al mesmu corréu electrónicu. ye de pagu, pero paga la pena facer una inversión de 3.99€ por ello.
pocket, internet ensin conexón. val que les operadores de telefonía mos digan que mos dan 500mb, 1gb o 2gb al mes a descarga másima, en realidá esa velocidá acábase en nada y hai que dir a la gueta un sitiu con wifi pa poder facer daqué cosa con internet. pocket igua eso, enantes llamábase "read it later" y lo que fai ye guardar páxines, dende'l safari del mac, el navegador del pc o dende mr. reader pa depués poder lleeles en cualesquier sitiu con o ensin conexón. l'aplicación ye de baldre.
pages y numbers. l'ipad llee de forma nativa documentos ofimáticos nos formatos más estendíos pero editalos ye otra cosa. pages ye un completísimu editor de testu, val hasta pa maquetar y depués poder esportar a formatos como pages, pdf o word. val 7.99€ pero paga la pena mercala. numbers ye una fueya de cálculu mui pero que mui potente, val que nun sía imprescindible pero sí ye una opción a tener en cuenta en dalgunos casos. polo tanto si uses fueyes de cálculo nun puedes renunciar a nun tenelo, como pages tamién esporta a numbers, pdf o excel. 7.99€
media slate, una pizarra. les pantalles del iphone y del ipad son táctiles y dalguna vegada hai que firmar un documentu o facer un garabatu. hai munches pizarres pero toes faen n'ensencia lo mesmo, pintes col deu y depués esportes al album de semeyes o per corréu electrónicu. ye de baldre, coupa pocu sitiu y nun pasa nada por tenela instalada.
flipboard, tu edites la to revista sincronizando les tos cuentes en redes sociales, flickr, o directamente la sindicación de conteníos. el códigu ye poesía y la poesía ye arte, flipboard conxuga dafechu pa convertise na aplicación fundamental pa tener axuntaes toles cuentes y ver que ta pasando nel mundiu. ye de baldre y ye imprescindible tenela instalada, y usala.