#refsanggu

[player1ino]

REFSANGGU LINKS

https://player1ino.tumblr.com/post/611480871989641216/pagtatanto-ni-player1ino

https://player1ino.tumblr.com/post/611480904946302976/sanggunian

[player1ino]

Pagtatanto ni player1ino..

Sa pagsusuri ko ng paboritong palabas nung bata, mayroong mga bago akong nalaman tungkol sa aking sarili. Alam ko noon na paborito ko si Yukito pero hindi ko natanto na siya pala ang naging pangunahing tipo ng lalaki na gusto ko. Pagkatapos kasi ni Yukito, ang sumunod naman ay si Hua Tzi Lei ng Meteor Garden o si Yoo Jihoo ng Boys Over Flowers na parehas rin ng tipo: gwapo, matalino, at banayad. Sila ung tipo ng lalaki na hindi aggresibo at nagagalit/sumisigaw kundi kalmado at kalkulado ang pakikitungo sa mga problema. Sila rin ang tipo ng lalaki na laging nakangiti at busilak ang kalooban.

Hindi ko inisip na ito na pala ang manipestasyon ng sistema ng maskulinidad na naglilimita ng aking paningin sa mga lalaki. Kahit na marami ang mga lalaking tauhan ng CardCaptor Sakura, hindi pa rin natanggal na ito’y sinulat para sa mga bata at dalagang babae. Umiiral ang mga katangian ng mga tauhan at pangyayari sa mismong serye. At dahil dito, sa aking palagay, nagkakaroon ng paghahalintulad na ang mga pangunahing interes ng mga kababaihan ay palaging may kinalaman sa lalaki at ano ang mga bagay na kaya nilang gawing idolo sa paraan ng kanilang pagtalakay sa buhay. Nagiging limitado ang mga paksa na maaaring talakayin o tangkilikin ng mga batang babae kung papalagay lamang sila sa genre ng shoujo.