#sengson

[sorqpmusicmin]

Visit Original Link

Salmong Tugunan (Linggo ng Palaspas)

(Tugon) Diyos ko, Diyos ko, bakit naman ako’y Iyong pinabayaan?

I. Bawat taong makakita’y, umiiling, nanunukso, Palibak na nagtatawa’t sinasabi ang ganito: “Nagtiwala siya sa Diyos, ngunit hindi siya pansin, Kung talagang minamahal, bakit hindi intindihin?”  (Tugon) II. May pangkat ng mga buhong na sa aki’y pumaligid. Para akong nasa gitna niyong asong mababangis, Mga kamay ko at paa’y butas sa pakong matulis Ang buto ng katawan ko'y mabibilang sa masid.  (Tugon) III. Pinaghati-hati nila ang damit ko sa katawan, Ang hinubad na tunika’y dinaan sa sapalaran. H’wag mo akong ulilahin, h’wag talikdan, Panginoon, O aking Tagapagligtas, bilisan Mo ang pagtulong.  (Tugon)

[sorqpmusicmin]

Papuri sa Diyos (Revised) - Fr. Nicolas M. Sengson, SVD

Papuri sa Diyos sa kaitaasan!

At sa lupa'y kapayapaan

Sa mga taong kinalulugdan niya

Pinupuri ka namin, dirangal ka namin

Sinasamba ka namin, ipinagbubunyi ka namin

Pinasasalamatan ka namin

Dahil sa dakila mong angking kapurihan

Panginoong Diyos, Hari ng Langit

Diyos Amang makapangyarihan sa lahat

Panginoong Hesukristo Bugtong na Anak,

Panginoong Diyos Kordero ng Diyos, Anak ng Ama

Ikaw na nag-aalis ng mga  kasalanan ng sanlibutan

Maawa ka sa amin

Ikaw na nag-aalis ng mga kasalanan ng sanlibutan

Tanggapin mo ang aming kahilingan

Ikaw na naluluklok sa kanan ng Ama

Maawa ka sa amin

Sapagkat ikaw lamang ang banal

Ikaw lamang ang Panginoon

Ikaw lamang o Hesukristo

At ang kataas-taasan

Kasama ng Espiritu Santo

Sa kadakilaan ng Diyos Ama

Amen! Amen! Amen!

[sorqpmusicmin]

Visit Original Link

Tugon: Ama, sa mga kamay Mo, habilin ko ang buhay ko

1. Sa iyo, O Poon, ako'y lumalapit Upang ingatan mo, nang hindi malupig; Sa mga kamay mo habilin ko'y buhay ko Tagapagligtas kong tapat at totoo

2. Lahat kong kaaway ay humahalakhak, Pati kapitbahay ako'y hinahamak; Dating kakilala ay nagsisiilag Kung masalubong ko ay nagsisiiwas. Nilimot na akong tulad ng namatay, 'Di na pinapansin, parang yagit lamang

3. Subalit, O Poon, ang aking tiwala ay nasasaiyo, O Diyos na dakila! Sa iyong kalinga, umaasa ako, Laban sa kaaway ay ipagtatanggol mo; At sa umuusig na sinumang tao.

4. Itong iyong lingkod, sana ay lingapin, Ingatan mo ako't iyong pagpalain; Iligtas mo ako at iyong sagipin, Tanda ng pag-ibig na 'di nagmamaliw! O magpakatatag ang mga nilikha, Lahat ng sa Poon ay nagtitiwala.

[sorqpmusicmin]

Awit sa Kristong Hari (Sengson)

Papuri at karangalan ay aming iniaalay sa Hari ng Sanlibutan! Mga bata'y nag-aawitan sa 'Yo, Osana! Mabuhay!

Hari ka nga ng Israel, sa angkan ni David galing ngayong ika'y dumarating, ngalan ng Amang butihin taglay mo'y hatid sa amin.

Papuri at karangalan ay aming iniaalay sa Hari ng Sanlibutan! Mga bata'y nag-aawitan sa 'Yo, Osana! Mabuhay!

Ang mga anghel sa langit magpupuring walang patid. Dito naman sa daigdig kami ay nakikisanib sa kanilang inaawit.

Papuri at karangalan ay aming iniaalay sa Hari ng Sanlibutan! Mga bata'y nag-aawitan sa 'Yo, Osana! Mabuhay!

[sorqpmusicmin]

Visit Original Link

Magalak ang Buong Sambayanan! (Sengson) vocal

Magalak nang lubos ang buong sambayanan! Sa kal’walhatian lahat tayo’y magdiwang sa ningning ni Hesukristo!

Sumagip sa sansinukob, Siya’y muling nabuhay! Tunay na Manunubos! Tunay na Manunubos!

[sorqpmusicmin]

Visit Original Link

Magalak ang Buong Sambayanan! (Sengson) instrumental

Magalak nang lubos ang buong sambayanan! Sa kal’walhatian lahat tayo’y magdiwang sa ningning ni Hesukristo!

Sumagip sa sansinukob, Siya’y muling nabuhay! Tunay na Manunubos! Tunay na Manunubos!

[sorqpmusicmin]

Visit Original Link

Osana ang Aming Awit (Sengson) vocal midi

Osana ang aming awit, Dakilang Anak ni David. Sa ngalan ng Diyos sa langit, Pagpapala ang pagsapit ng pagtubos sa daigdig. Osana! (Osana!)  Osana! (Osana!) Osana! (Osana!)  Osana! (Osana!) Osana!

[sorqpmusicmin]

Visit Original Link

Osana ang Aming Awit (Sengson) instrumental

Osana ang aming awit, Dakilang Anak ni David. Sa ngalan ng Diyos sa langit, Pagpapala ang pagsapit ng pagtubos sa daigdig. Osana! (Osana!)  Osana! (Osana!) Osana! (Osana!)  Osana! (Osana!) Osana!