'Gikan sa Yuta sa Katahum ug Gasa'
Igang? Alimout sa syudad? Ari nata sa isa sa garbo sa munisipalidad sa Tubod, Lanao Del Norte. Nanglangyaw mi uban akoang mga higala, usa sa amoang nalaagan na lugar ang Tubod, Lanao Del Norte ug wala mi nag duha -duha sa pag bisita sa ilang kada iya nga atraksyon ug isa kini ang Kalilangan Cold Spring. Naa kini nahimutang sa norteng bahin sa Tubod, magsakay ug habal-habal para maka adto sa maong lugar. Ang tubig na grabi ka presko ug ang palibot napuno sa mga lahi-lahi nga mga talamnon ug kahoy na maoy naghatag sa kabugnaw sa palibot nagdugang pud isip atrasksyon ang mala-kristal na tubig diin gikan sa pinaka taas na bukid maong gitawag kini ug tubod gikan sa bukid. Ang walay hunong na pag bulwak sa tubig ang naghatag ug ideya nga makabuhat ang maong lugara sa tulo ka swimming pool na ang tubig gikan pud sa tubod na tubig.
Ang mga istorya na bugnaw daw ang tubig sa kalilangan cold spring, grabi bay! Tugnaw kayo, naa pay mga isda nga gadoul sa imuhang mga tiil ug mag kit-kit saimuhang mga kalyo maoy nagdugang sa pagka relaks na imuhang masinati sa maong lugar. Medyo layo kini sa syudad ang maong lugar, adunay tindahan arun dli na maka adtog layo ang mga dayo. Walay kamahayan na bisag layo ang kalilangan cold spring, magbalikbalik gihapon mi tungod sa presko ug maka relaks na imung masinati sa maong lugar. Maayo kini sa mga dayo nga gusto ug hilom ug natural nga palibot para malimtan ang mga problema. Unsa pay gihulat, lami ang pamati ug maka relaks sa panan-aw ang gusto nimo akong mapasigarbohong I-bunyag ang Kalilangan, Cold Spring.