#swahli

[bahralzanj]

copyright David Ballam

[debulakemolihabari]

Vyombo vya habari sheria yajadiliwa

Waandishi habari na wadau wa tasnia nzima ya uandishi wa habari wamejadili rasimu ya sheria ya vyombo vya habari Zanzibar, itakayotoa mwongozo katika fani ya uandishi wa habari.

Washiriki katika mjadala huo, ulioongozwa na Katibu Mtendaji wa Tume ya Utangazaji Bw Chande Omar Omar, wamebainisha mambo mengi yenye utata kwenye rasimu hiyo iliyotungwa na wajumbe wa Baraza la Wawakilishi Zanzibar.

Baadhi ya mapendekezo yaliyotolewa yaligusia vipengele vya utoaji wa leseni kwa vyombo vya habari, pamoja na usajili na utoaji wa vibali kwa waandishi wa habari.

Baadhi ya vipengele vilizua mjadala mkubwa zaidi kama vile kipengele kilichotoa mwongozo wa uajiri wa mwandishi habari kulingana na stashahada yake, baadhi yao wakipendekeza ni lazima mwandishi wa habari ahitimu katika masuala ya uandishi wa habari.

Aidha, wajumbe walibainisha kuwa vipengele vinavyotoa mwongozo wa uundaji wa tume ya Vyombo vya Habari havijazingatia kuwepo kwa taasisi amabazo tayari zinafanya baadhi ya kazi zilizotengewa tume hiyo, kama vile Idara ya Habari na Maelezo Zanzibar.

Debula Kabwagira, ZBC 02/05/14