#trealf

[94faisal]

ألتفت للطريق وما عبر منه زول

في جفوني تزاحم عبرتي والوجل

طلت يالعمر والا قلعتك لا تطول

طاولتنا الليالي بالسهر والملل

إن تعبنا نحب ولا لقينا قبول

ما تسر الاماني ولا يفيد العذل

لكن الله كريم وكل همٍ يزول

ما على الله بعيد ولا جفاك المحل

-بدر بن عبدالمحسن

[94faisal]

”مشيت لك خطوة وكملت لي درب

ما قد قلت ان العواقب وخيمة

حتى البكا والحزن في ناظرك عذب

مثل الهدايا والاغاني القديمة

مثل الهوى عقب المطر كلّ ما هب

صوتك يرد الروح فيني واهيمه

تشبهني اكثر مني بالبعد والقرب

الله وش لون الليالي كريمة “

[94faisal]

” كل ما قيل النهاية بين الاحباب الرحيل قلت احبه حيل “

-طلال الرشيد

[94faisal]

” من لا يحس بقيمتك وأنت موجود

ماهوب ناشد عنك لا صرت غايب

ياقلب ما كل الحبايب "حبايب"

اللي يبيك يجيك لو دونك قيود

يكسر على شانك خشوم الصعايب

واللي يبي فرقاك لو دروبك ورود

ما جاك لو أنك من أدنى القرايب “

-مساعد الرشيدي

[94faisal]

” ماضيق لوشانت نوايا دروبي “

-مساعد الرشيدي

[94faisal]

” يا اهل الهوى خاطري طايب

من الولع والسهر والنوح

ماعاد لي صاحبٍ غايب

ولا عاد لي صاحبٍ بيروح

كان الصبا غرني تايب

كان الوله ضرني مسموح

سهم الهوى مخطي وصايب

ورامي السهم جارح ومجروح

تركت قلب الخطا ذايب

في دربكم والدمع مسفوح

رجعت طفلٍ وانا شايب

باللي بقى لي في الجسد والروح “

بدر بن عبدالمحسن

[94faisal]

” لي صاحبٍ وان ما تخلِّى تخلِّيت

لا بد ما نهدم .. ولا بد نبني “

-بدر بن عبدالمحسن

[94faisal]

” عزاي انك رجاي العذب

لو كل الدروب عثور “

-مساعد الرشيدي