Nov 23, 2012
......
Molemo wa go fo,disa leroborobo
Komelelong ke maru ke pula makgobokgobo
Ngwana kohejane ke mosha, ke mosela
Ke marang a letsatsi komoteng ya lefifi
Sekakeng ke metsi lewateng ke letshitshi
Ke mashi moshaweng kgamelong ke lebese
Ke, thapelo ya monna a dumela ka bojothe
Ke lorato la mosetsana le itshelelwa,
Ke kgope
Ke tlhaloganyo ya lesea dilabeng,
ke pope
Ke molodi wa go busetsa letimela sakeng
Ke mashi ke madila ke kgora lekukeng
Ke kgaka mebaleng ke tlhagolela mookana
Ke ngwana yo o tsaletsweng mma mosadi seopana
Ke lebone la ga Jonah mpeng,
Leruarua
Ke toro ya sealogane se apere purapura,
Ke phenyo ya ga Sebego ntweng,
Dithubaruba
Ke maikuelo a mosekisiwa a pateletswa tsheko
Ke kereke,sefela buka-thamaga,
Ke tshepho.