YasMeena @yasmeena27 - Tumblr Blog

لا تعِش وحدك، ولا تمشِ وحدك!

ادع الله أن يؤنسك بمن يألفك وتألفه في خلقه، وأن يطيب روحك بيدٍ حنون فيها من رحمته، ويعاملك بلسانٍ لين فيه من مودته، وأن لا يكتب عليك الوحدة ولا الوحشة، وأن يهبك من يعينك على اختبار الدنيا وتقوى الله ولا يشقيك.

"يا ربّ..

ماتخلينيش أستنىٰ اللي مش هتبعته"

أي شيء يا ربّ..

أي شيء ماليش نصيب فيه ومش هيكون ليا، متحطش في قلبي أمل تجاهه ولا انتظار؛ فأفضل طول العمر مستنيّة وكُلي أمل زائف.❤️‍🩹

بحب سورة الضحى اووووووووووى بحسها فيها أمان وراحة كده ان ربنا دايماً معانا مهما تأخرت استجابه دعواتنا او مهما كانت الدنيا مش ألطف حاجة بس دايماً ربنا رحيم بعباده وان حتى التأخير ده يبقى لطف ورحمة من ربنا لينا وأن فى النهايةِ ربنا هيراضينا بطرق لا نتخيلها

وَٱلضُّحَىٰ (1) وَٱلَّيۡلِ إِذَا سَجَىٰ (2) مَا وَدَّعَكَ رَبُّكَ وَمَا قَلَىٰ (3) وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ (4) وَلَسَوۡفَ يُعۡطِيكَ رَبُّكَ فَتَرۡضَىٰٓ (5) أَلَمۡ يَجِدۡكَ يَتِيمٗا فَـَٔاوَىٰ (6) وَوَجَدَكَ ضَآلّٗا فَهَدَىٰ (7) وَوَجَدَكَ عَآئِلٗا فَأَغۡنَىٰ (8) فَأَمَّا ٱلۡيَتِيمَ فَلَا تَقۡهَرۡ (9) وَأَمَّا ٱلسَّآئِلَ فَلَا تَنۡهَرۡ (10) وَأَمَّا بِنِعۡمَةِ رَبِّكَ فَحَدِّثۡ (11)

YasMeena ✨ 🤍 ✨

يارب... بعد كل وجع سكن قلبي، وبعد كل مرة اتكسر فيها خاطري وسكت، وبعد كل حلم كنت مستنياه ومجاش...

أتمنى ييجي اليوم اللي تعوضني فيه عوض يلم قلبي، ويمحي أثر كل اللي فات، ويخليني أنسى كل دمعة نزلت وكل وجع عشته، وأقول من قلبي: الحمد لله... ده العوض اللي جبرني ونسّاني كل اللي فات. 🤍

مازالت أحاول حتى لو لم تكن محاولاتى كفاية بالشكل الصحيح مازالت أحاول حتى عندما لم أكن قادرة على فعل أبسط الأشياء مازالت أحاول حتى عندما كنت أشعر بثقل المحاوله على قلبى كنت أحاول

ولكنها والله أيام ثقال لعلها تمضى وأصبح ذاتى التى لطالما حلمت بيها هادئة مطمئنة آمنه من من مخاوف عقلى وقلبى يهدأ الألم المصاحب لعقلي وقلبى وأشعر بهدوء وسكينة من تفكير عقلى المفرط الذى مهما حاولت وصفه لن أستطيع من شدة الأفكار الموالية فى عقلى والتى لا يعلمها سوى الله رب العالمين

لا تدرى لعل الله يحدث بعد ذلك أمراً وكفى بالله وكيلاً

ضاقت ولما استحكمت حلقاتها فرجت وهذا ظني بربي وظني بربي لا يخيب

فرجك قريب يارب إن شاء الله

YasMeena ✨

على الرغم من أن الوردة دبلت وانا اتضايقت اووووووووووى بصراحة بس لسة ريحتها حلوة زى أول مرة وده خلانى أفكر ان ممكن يكون في ناس ممكن يبان عليهم انهم باهتين من ظروف مرت عليهم ضحكتهم اتغيرت تحسها بقيت هادية مش مفعمة بالحيوية زى قبل كده بس روحهم الحلوة تخليك حاسس انهم فعلاً ناس جميلة تستاهل تتحب تستاهل أنهم يكونوا موجودين في حياتك أعتقد الناس دى لو لقوا فعلاً الحضن اللى يعرف يطبطب عليهم اعتقد كل حياتهم هتبقى مختلفة

YasMeena ✨

يا جماعة هاتولى ورد كل يوم وانا هبقى فى قمة سعادتى والله ❤️ ❤️

فى عشق الورد 🌹 🌹

وانا قلبى فى حب الورد ميال

YasMeena ✨

Say Something Nice 🤍 ✨

ارسل لي رسالة سرية دون أن أعرف من انت , انقر هنا وادخل الصندوق السري الخاص بي , كن صادقاُ معي

السعادة ليست دائمًا حدثًا كبيرًا ننتظره، بل قد تكون لحظة هادئة يطمئن فيها القلب، أو ابتسامة صادقة، أو كلمة طيبة تلامس الروح. أحيانًا تختبئ السعادة في تفاصيل صغيرة نمر بها كل يوم، لكنها تكبر حين ننظر إليها بعين الرضا ونشكر الله على نعمه. 🤍🌷

بعد كلام كتير جوه دماغى مكنش بيخلص اكتشفت أنى أنا الأمان والحب اللى بدور عليهم فى عيون كل اللى حواليا انا بعرف أدى كل اللى حواليا اللى هما محتاجينه بس دايماً كنت بدور على اللى يعرف يدينى اللى انا محتاجها بس مكنتش بلاقى عشان يمكن مبعرفش أطلب او يمكن عشان اللى بيدور جوايا لحد دلوقتي محدش يعرفه غير ربنا او يمكن عشان مش بعرف احكى بس فى الآخر استنتجت ان مش لازم يكون حد موجود كفاية أنى عارفة اللى جوايا وفاهمه محتاجة بس أحب نفسى اكتر زى ما انا بحب اللى حواليا محتاجة بس اطمن نفسى زى ما بطمن اللى حواليا

عارفة ممكن تكون مهمة صعبة بس واى المشكله أنا عرفت اعدى حاجات كتير لوحدى ومحدش حس ولا عرف بيها اصلا

اطمنى يا ياسمينا اطمنى أنتى الحب والأمان بذات نفسهم متخافيش تانى

YasMeena ✨

اللهم إجعلني من أهل القرآن

اللهم إجعلني من حافظة القرآن الكريم

اللهم علمنى القرآن

اللهم فهمنى القرآن

اللهم انفعنى بالقرآن

اللهم إجعلني من من تعلم القرآن وعلمه

اللهم أجعل القرآن حجة لى لا حجة علي

اللهم أجعل القرآن شفيعا لى يوم القيامة

YasMeena

ربما لم يكن الإنسان يبحث عن الحب بقدر ما كان يبحث عن شخص يفهمه… شخص يرى الفوضى التي بداخله ولا يخاف منها، يسمع الكلمات التي لا تُقال، ويشعر بالتعب المختبئ خلف الضحكة، ويفهم الصمت قبل الكلام ♥️

أحيانًا لا نحتاج إلى الوعود الكبيرة، ولا إلى العلاقات المثالية… كل ما نحتاجه هو قلب يحتوي، وعقل يتفهم، وشخص نشعر معه أننا لسنا مضطرين للتبرير طوال الوقت.

أن تجد من يفهمك، يعني أن تجد الأمان…

أن تحكي دون خوف من سوء الفهم،

أن تُظهر ضعفك دون أن يُستخدم ضدك،

أن تكون على طبيعتك تمامًا دون تصنع أو مجهود.

فالإنسان قد يتحمل الوحدة، ويتجاوز الخذلان، وينسى الكثير… لكنه لا ينسى أبدًا شعور أن أحدًا فهمه بصدق، واحتوى روحه دون أن يطلب منه أن يتغير.

الحب الحقيقي ليس كثرة الكلام، ولا كثرة اللقاءات… الحب الحقيقي أن تجد شخصًا يشعر بما وراء الكلمات، ويختارك كل يوم رغم كل شيء، ويطمئن قلبك بمجرد وجوده ♥️

"ربما لم يرغب المرء في الحب بقدر رغبته في أن يفهمه أحدهم." ✨

اللى عارفنى بجد عارف انى اكتر حاجة بتفرحنى أنى احس اني خفيفة على قلب الناس اللي حواليا ولو حسيت فى لحظة واحدة أنى تقيلة لأى سبب همشى من غير ما اتكلم او اقول أى حاجة لأن ببساطة الدنيا صعبة على كل الناس ف مش محتاجة نصعبها على بعض اكثر

بس الرسايل دى وغيرهم كتير بيتقلى من الناس اللي حقيقى عارفة شخصيتى كافيين يخلونى احس بتطاير فراشات جوه قلبى بمناسبة الفراشات اكتفشت أنى بحب الفراشات لدرجة لا توصف خصوصاً لما حسيت اني خفيفة وجميلة على قلوب الناس اللي حواليا لدرجة ان كذا حد قالى أنتى فعلاً جميلة ورقيقة على القلب زى الفراشة 🦋🦋

شعار المرحلة الجاية

تَخيل أنّ يُعطيك أحدهم فراشةً ويخبرك وهو يَنظرُ في عينك أنك برقة الفراشةِ علىٰ قلبه،

ثم تُخبرك أفعاله أنك بالفعل برقةِ فراشةٍ علىٰ روحه وقلبه.❤🦋

YasMeena

فخّ الشَّراهة العاطفية..

أصعب نوع جوع ممكن يمر بيه الإنسان، مش جوع الأكل، لكن جوع الروح للأمان.

أحيانًا بنمر بفترات بنحس فيها بـ شراهة للمشاعر؛ احتياج مرعب للحب، للحضن، للكلمة الحلوة، أو لـ كتف نسند عليه من ثقل الأيام.

احتياج بيفضل يزن جوه قلوبنا بصوت عالي ومتعب، لدرجة إننا بنبقى مش عارفين نسكّته ولا نتحمله.

المشكلة إن الجوع لما بيطول، بيقلّل قدرة الإنسان يميّز بين اللي بيشبع، واللي بيؤذي.

فنبدأ نخلط بين الاحتياج والتعلّق، وبين الأمان والوهم، وبين الحب والاعتياد على الألم.

وكأن القلب بيقول.. أيًّا كان الثمن، بس ماتسيبنيش فاضي.

لكن الحقيقة اللي بنفهمها متأخر..

إن مش كل اللي يشبعك لحظة، يقدر يطعمك سلام.

وكما قيل: «ما كل ما يُغذّي الجسد يُحيي الروح»

والناس اللي بتدخل العلاقات وهي جعانة أمان، بتكون أكتر ناس معرضة للابتزاز العاطفي، لأن الطرف المؤذي بيلقط الاحتياج ده، وبيعرف يضغط عليه عشان يكسر شروطك وحدودك.

بتكتشف بعد وقت، إن الشخص اللي دخلت معاه عشان تِطمن، هو نفسه اللي سحب منك الباقي من سلامك النفسي.

وعشان كده، الحماية الحقيقية بتبدأ من جوه..

شُكر النعمة في مشاعرك، هو إنك تصونها وماتعرضهاش للبيع في سوق رخيص.

عوّد نفسك تشبع روحك بالأمان الذاتي، بالوصل مع ربنا اللي قال في كتابه:

﴿ أَلَيْسَ اللَّهُ بِكَافٍ عَبْدَهُ ﴾ #سورة_الزمر

ربنا ما خلقش القلب علشان يتسند على بشر ناقصين ومحدودين،

خلق له باب أوسع من كل الاحتياجات دي، باب لو اتقفل، أي بديل هيبقى وجع مش شبع.

﴿أَلَا بِذِكْرِ اللَّهِ تَطْمَئِنُّ الْقُلُوبُ﴾ #سورة_الرعد

مش معنى كده إننا نستغنى عن الحب، لكن المعنى إن الحب مايبقاش محاولة إنقاذ لقلب جعان.

لأن الجوع العاطفي لو ما اتفهمش، ممكن يودّي الإنسان لعلاقات بتشبه الإدمان أكتر من الأمان،

ويخلّيه يقبل أقل من اللي يستحقه، عشان بس مايحسش بالفراغ.

وعبي مخازن قلبك بالرفقة الطيبة النضيفة، وبتقديرك لنفسك، عشان لما يجي شخص يدخل حياتك، يدخلها وهو إضافة لسلامك، مش سد خانة لجوعك.

ما ترخصش احتياجك، وماترميش قلبك النضيف للي ما يعرفش قيمته..

الصبر على الجوع، أرحم بكتير من وجع التسمم بعلاقة تهين كرامتك.

فمَن صَانَ وِدادَهُ حُفِظَتْ كَرَامَتُه،

ومَنِ اسْتَغْنَى بِاللهِ كُفِي، وَمَن صَانَ قَلْبَهُ صُفِي..

معلمتى فى حلقة القرآن قالت لنا حاجة لطيفة اووووووووووووووى أن رحمة ربنا كبيرة لدرجة محدش يتخليها مثلاً على اعتبار أن عدد رحمات ربنا ١٠٠ رحمة مثلاً فى منها رحمة واحدة بس على الأرض وأن ال ٩٩ رحمة المتبقين مدخرين ليوم القيامة ف لك أن تتخيل أن على الرغم من أن الأرض عليها رحمة واحدة بس من رحمة ربنا إلا أن الرحمة الواحدة دى تشمل حاجات كتير جدا جدا جدا جدا ممكن علقنا البشرى ميقدرش يتصورها وقعدت تقول لنا أمثلة كتير اوووووي على أن رحمة ربنا واسعة لدرجة محدش يتخليها حتى اعشموا فى ربنا وفى رحمة ربنا يا جماعة ومهما كانت الظروف صعبة ووحشة حواليكم خلي عندكم يقين أن رحمة ربنا أوسع من أى ظروف صعبة أو وحشة قادر ربنا بطرفة عين أو بأخرى يغير من حال لحال حتى لو كانت كل السكك متقفلة قدامك ومافيش أى حاجة واضحة لأى حاجة انت عايزها ثقوا أن اللى عند ربنا كبير لدرجة لا توصف ومحدش يقدر يتخليها حتى

YasMeena

" أودعتك حياتي يَارب ، هبِّ لي كل جميل ،

أرزقني الراحه والطمأنينه، وكل ما تراه خيراً لي ." 🦋💞

تستحقينَ أن يُسعى لنيلِ رضاكِ وكسبِ قلبكِ،

وتستحقينَ الكثيرَ من الحبِّ والمسرّاتِ

وأن تكوني في حياةِ مَن يعرفُ قيمتكِ دعوةً مُستجابةً حُمِلتْ على كفوفِ الرّجاء، وقراراً سديداً لا يتطرقُ إليهِ الندم، ورأياً صائباً يُهتدى بهِ في عتمةِ الحيرة

تستحقينَ أن تكوني الاختيارَ الأول، واليقينَ الأوحد، والوجهةَ الآمنةَ التي لا يُبدلها المرءُ بملءِ الأرضِ بدائل ..♥️

| ياسمين مخصف |

Trending Blogs

Recently Viewed Blogs

YasMeena