Yosi Break

A breathing room for occasional melancholics.

[yosi-break]

Malinaw na malabo ang lahat

Melica Gloria

[yosi-break]

Mga bagay na sinasabi ko tuwing ako’y mag-isa

Napagtanto ko na ang kaligayahan ay

Di lamang maririnig sa masuyo mong tinig sa tawa mong malambing sa banayad mong paghilik tuwing ika'y humihimbing

Di lamang mararamdaman sa kamay mong mahirap bitiwan sa yakap mong mahigpit sa halik mong masuyo, mainit

Ngunit napagtanto ko rin na matagal-tagal pa marahil bago ko masabi ang lahat ng ito ng may magaan na pakiramdam ng pagpapalaya, pag-unawa 

<

Jihad Mambuay

[yosi-break]

Sakitin

Ikaw ang likido

na may lamang lason

na sisira at papatay

sa malakas na katawan.

sa loob ng sistema

na kumakalat

at pupuksa

sa masisiglang pulso.

Ikaw ang mikrobyo

na may dalang impeksyon

na dahang-dahang kikitil

sa tumitibok na puso.

Ikaw ang may dala

ngunit ako ang sumasalo,

Kaya ngayon ay tatakbo

palayo, kahit madapa

kahit may hika

at hindi na babalik

sa nakamamatay na

sakit.

Christine Emano

[yosi-break]

dagitab: kabalintunaan

i. 

ika-anim na pagsikat at paglubog ng araw na siya’y dinatnan 

nanatili paring ilap ang hinuhang hindi man lang dinugtungan  

hilaga’t kanluran, iisang landas ang hinantungan; 

sa lilom ng hinagpis dala ng kanyang pag-iwan.  

ii. 

hinigop ang makapasong sabaw ngunit hindi man lang lumuray, 

lalamunan ay minanhid, pakiramdam ay pinatay. 

ang kislap sa mahabang panahon 

pagdaka’y nagtago sa lilom ng kahapon. 

iii. 

tuluyan siyang namaalam 

sa inakaalang parehong inasam, 

ni pahiwatig hindi binadya 

pagkitil sa bukas walang tigil na kumukutya. 

iv. 

paano nga ba sisimulan, 

kung hindi maaninag ang pinagtapusan? 

kahangalan nga bang umasa sa walang kasiguraduhang paparating, 

o ang tiyak na hindi na darating? 

Carl Windsor Oliver

[yosi-break]

Breaths on Pending

Now both every breaths are on pending only waiting till these fragile bones became dust.

Shariah Pata

[yosi-break]

Isolation

[yosi-break]

Wala Akong Pakialam

[yosi-break]

Mahinang Klase

[yosi-break]

When to let go of the pen?

[yosi-break]

Una

[yosi-break]

HOLES

[yosi-break]

Isang liham para sa'yo

[yosi-break]

NOTES AT AROUND 2AM

[yosi-break]

VICIO

[yosi-break]

Si Susan Ay Nangaliwa

Si Susan—umiinom siya ng kape sa pagitan ng patulog na gabi at pagising sa umaga.

Si Susan—nagyoyosi. Ang yosi ay nasa pagitan ng itaas at ilalim niyang mga labi.

Si Susan—naliligo. Ang paliligo ng babae ay matagal. Ang katagalan ni Susan ay nasa pagitan ng alas-sais at alas-otso ng gabi.

Kapag natuyo na ng tuwalya ang basang katawan ni Susan, iyon na ang umaga.

“Natuyo”, sabi ko, “kaya’t kumikilos na ang araw.”

Pinagalitan ako ni Susan. Parang mahinahon na guro sa kanyang iba, na punong-guro.

Binulong niya sa akin, “Oo mas angat ka ngunit bakit hindi mo napapansin ang kadiliman sa labas ng bintana?” At wala akong nagawa, ni ang sinag ng araw. Nabasa ng kanyang luha ang kanyang magandang mukha. Hindi siya iniipit ngunit siya ang nagagalusan.

Gabi na mamaya pero nasa pagitan pa rin si Susan. Nasa palubog na malamlam na araw at pumuputlang buwan.

Si Susan ay lumulubog kaya’t bago pa siya tuluyang maglaho, sumigaw ako, “Tara, Susan, itatakas kita!” at pinatalon ko siya papuntang kanan, naiwan ako sa kaliwa. Nagkatitigan kami, tinitigan ko ang kanyang ngiti–wala ring kakayahan ang distansya sa aming gitna, hindi nito kami naipaghiwalay.

Si Susan—siya pa rin ang aking sinisinta saan man siya ngayon napunta. Huli Lee

[yosi-break]

Hindi Totoo Yan!

[yosi-break]

nakakasanayan