عرفتُ الله رحمنً رحيما ...

[ziadziad125]

هل أنتَ بخير ؟؟- نعم بخير , لكنني لا أنام - . أبذل نفسي لأكتب شعراً في الليل , وفي الصباح أعطيه لمطعم الحي ليضرم به النار . إنه شكلٌ من السِّحر , أن يتحول صباحاً ما أكتبه ليلاً إلى طيورٍ مشوية ومعجنات

[ziadziad125]

مبارحة وأنا راجع من أزمير طلعت بالاوتبيس وبحكم انه آخر رحلة طالعة من أزمير  فما فيه غير سيرفيس واحد وكان زحمة و الناس طالعة فوق بعض طابقين بتفكر حالك طالع بسفينة نوح وكل أهل الارض فيها.

وكلكن تعرفو بهيك ظروف الي محصل لحالو كرسي كأنو قاعد على كرسي رئاسة الجمهورية صعب يتخلا عنو بسهولة الا بثورة او ضربة عسكرية أو انقلاب ...

المهم كنت انا من المحظوظين وقاعد على كرسي وقدامي شباب قاعدين ع كرسي ف طلعت مرة كبيرة وعملو حالهن مو شايفينا وبلشو الأتراك يحكو عليهن أنهم بلا ناموس وتربية كيف قاعدين والمرا واقفة ومن هالحكي.

قمت قلت لحالي هي فرصتك يامعلم هلق بس طلع حدا كبير بالعمر قوم وقفلو وقعدو مكانك واحكي معو عربي أو تركي مكسر مشان الناس تعرفك سوري .... سوري و ذو اخلاق عالية وتربية ومهذب .

وفعلن طلع ختيار وقف بوجهي قلت تمام باشر بالخطة رقم أ وقوم ... والخطة ب احكي معو عربي وقلو تفضل اقعد مكاني مشان يعرفوك سوري و آه يا نيالي .

قمت والله ونفذت الخطة ( أ ) ونجحت ووقت بلشت انفذ الخطة ب قاطعني الختيار وقلي انت سوري ؟ قمت رفعت راسي لفوق وتخيلت كل أغاني باب الحارة و قلتو نعم سوري مع ابتسامة وأدب .

قام قالي ايمت بدكن ترجعو ونخلص منكن صرتو أكتر من سمك البحر وبلش يحكي علينا شي أفهمو وشي ما أفهمو ... المهم انا نزعجت كتير والخطة ب فشلت قلت رح نفذ الخطة ج واقعد مكاني وقلو : يا ختيار الجن خليك واقف على رجليك لحتى تنشل لان هالمكان دافع اجرتو ولأبوي ماعاد قوم.

وهون كانت الخطة ج عبارة عن أسوء خطة أنفذها بحياتي أسوء من تنفيذي لخطتي وقت جيت على تركيا نفسها لأنه انفلتو علي الناس بهادل وشتايم ليش ما عطيتو مقعدي قمت مديت راسي من بين الجموع الغفيرة وقلتلو للشوفير نزلني , طلع الشوفير ابن حلال ما نزلني بس قعدني ع براد المي جنب الباب حسيت حالي قعدت ع مخزون الكرة الأرضية المائي ما تم واحد بالاوتبيس ما طلب مي  وقومني ..

[ziadziad125]

[ziadziad125]

[ziadziad125]

" اللي يضيع يقبل " عبارة شهيرة لعصام الشوالي نحنا كعرب ضيعنا الفرصة الي عطتنا اياها غزة لنخلص من اسرائيل . باقي علينا نستعد لنقبل الي رح يصير فينا.... بس فيه فرق كتير صغير بيننا وبين اهل غزة : هم ماتوا على يد اسرائيل جهاداً أما نحن فسنموت على يدها عقاباً ...

[ziadziad125]

في جملة ربينا عليها كنا نسمعها من الكبار ونحنا صغار :" لو العرب حاربوا اسرائيل بالبصاق لأغرقوها ...."

الكن الله يا أهل غزة وانسوا العرب , لأنه اللي كان جبان يرمي على اسرائيل بزقة ما رح يكون شجاع ويرميها بطلقة .....

[ziadziad125]

.... الفرق بالتكنولوجيا مو أكثر , على سيرة انو راجع الحكي أنه الواتساب مراقب وفيه انتهاك الخصوصية و هالقصص بصغري كان التلفون الارضي (الثابت يعني ) هو وسيلة الاتصال الوحيدة بالبلد .و طبعا كان فيه الصياح من الشبابيك وقت امك تندهلك و توصيك ع غراض وانت عم تلعب بالحارة انا بدي احكي عن وسائل الاتصال العادية ..

كان في بس التلفونات الارضية , كمان كانت مراقبة و مالها خصوصية , الكل بيقول انو مراقبة من المخابرات. المخابرات فارزة عنصر لكل مواطن يراقب مكالماتو و يتأكد انو هو مو جاسوس لاسرائيل. مجهود كبير من المخابرات كان ، يتطلب كم هائل من العناصر المدربة على التنصت و اختراق الخصوصية. هداك الوقت طبعا اذا ما عجبنا التجسس ، ما كان فينا نقاطع التلفون الارضي متل هلق ما العالم عم تقاطع الواتساب .ما كان النا غيرو ( وطبعا الصياح من الشبابيك لما امك بدا شي ) اساسا ما منسترجي نحكي انو بدنا نقاطعو ! اذا حكينا كان المخابرات سمعونا عمنتفق و دبحونا فورا لأنو هاي عملة جواسيس اسرائيل حصرا فعليا كنت مفكر انو فرع المخابرات هيك اسمو لأنو شغلتو يتجسس عالمخابرات الهاتفية و انصدمت وقت عرفت انو عندن طرق مختلفة كتير للتنصت ، مو بس التلفون , متل انو يتنكرو شحادين او جرسون بقهوة أو بياعين علكة و يجمعو معلومات عن الجواسيس المحتملين !!يعني المخابرات كانو يتجسسو علينا لأنو في احتمال نحن نكون جواسيس ...غريبة الفكرة بس هيك كانت هلق ممكن ينط واحد يقلي هنن مو بس بدهن يلقطو الجواسيس ، هنن هدفن يكمشو اي شخص بيحكي عالرئيس او الحكومة صحيح بس مين ممكن يعمل هالشي غير الجواسيس طبعا ؟؟ " يعني جهاز المخابرات هو جهاز تجسسي يستخدم جواسيس للقضاء على الجواسيس و التجسس " – يعني متل قط مفكر ذيله خيط وقاعد يلف ع نفسه عشان يمسكه - . المهم مرة وقت كنت صغير اتفقنا انا و رفيقي نفاجئو لعنصر المخابرات الحربوق يلي ممكن يكون عم يراقب خطنا و انو ننزل فيو سب بنص المكالمة فجأة بدون مقدمات . وفعلا هيك صار أنا : - الو .. كيفك شو عمتعمل ؟؟ رفيقي : - ولا شي بدي ادرس شوي و بعدا رح احضر المسلسل ، و انت ؟ أنا : - هلق بقلك .. بس هالعمو الحيوان يلي فاتح السماعة يسكر .. لأنو قليل ادب و بلا اخلاق .. سكر يا صرماية ولاقيلك شغلة تانية تعبي وقتك فيا. فجأة منسمع صوت تسكير خط !!! انصدمنا .. طلع فعلا كان الخط مراقب .. نحن كنا عم نمزح !! انبسطنا كتير انو طفشناه للعنصر و اتفقنا بكرا نحكي البطولة لكل رفقاتنا بالمدرسة. طبعا تاني يوم رفيقي اجا عالمدرسة عينو زرقا ، و أبوه منعو يحكي معي لأني قليل ادب و مو مربى. ابوه طلع فاتح سماعة تانية و عم يتنصت على مكالمة ابنو و فاجئتو انا بنباهتي و فطنتي و وذكائي الأنيشتايني وقت فجأة قلتلو ” سكر يا عمو يا حيوان ” و هالقصص انصدم كيف كشفتو .. و انا فعليا فكرت حالي كشفت و حطمت جهاز المخابرات .... طبعا هلق بشكر ربي انو سبيت عمو ابوه لرفيقي و ليس عنصر المخابرات النشيط المخلص الي هدفو يتجسس مشان يحمي الوطن من الجواسيس ...صغير و اهبل كنت و ما كنت بستوعب اهمية التجسس علينا و اختراق خصوصيتنا

[ziadziad125]

" اللي يضيع يقبل " عبارة شهيرة لعصام الشوالي نحنا كعرب ضيعنا الفرصة الي عطتنا اياها غزة لنخلص من اسرائيل . باقي علينا نستعد لنقبل الي رح يصير فينا.... بس فيه فرق كتير صغير بيننا وبين اهل غزة : هم ماتوا على يد اسرائيل جهاداً أما نحن فسنموت على يدها عقاباً ...

[ziadziad125]

.. الحب يجعل من الحياة جميلة فمثلاً ودائماً ... أحب نفسك وسريرك وباب غرفتك، أحب هاتفكَ وشاحن هاتفك ، أحب أدوات المطبخ قبل الجلي وبعده قل لهم : أحبكم.... حتى لو تطلب الأمر منك أن تحب العفن الذي تواجهه في عملك. كهذا مثلاً !!! ..

[ziadziad125]

[ziadziad125]

الشاعر جعفر عباس النوبي - السودان

خنافـسُ الأرض تجـري فــي أعِنَّتِـهـا وسـابـحُ الخـيـل مـربـوطٌ إلــى الـوتــدِ

وأكــرمُ الأُسْــدِ محـبـوسٌ ومُضـطـهـدٌ وأحقـرُ الـدودِ يسعـى غيـر مضطهـدِ

وأتفـهُ النـاس يقضـي فـي مصالحهـمْ حكمَ الرويبضةِ المذكورِ في السنَـدِ

فـكـم شـجـاعٍ أضـــاع الـنــاسُ هيـبـتَـهُ وكـــمْ جـبــانٍ مُـهــابٍ هـيـبــةَ الأسَــــدِ

وكـم فصـيـحٍ أمــات الجـهـلُ حُجَّـتَـهُ وكـم صفيـقٍ لــهُ الأسـمـاعُ فــي رَغَــدِ

وكــم كـريـمٍ غــدا فــي غـيـر موضـعـهِ وكـم وضيـعٍ غـدا فــي أرفــعِ الـجُـدَدِ

دار الزمـان علـى الإنسـان وانقلبَـتْ كـــلُّ الـمـوازيـن واخـتـلَّـتْ بمُـسـتـنـدِ

[ziadziad125]

[ziadziad125]

يا تُرى أين أنتِ في هذه الأيّام؟ خجول أنا من هذا الصباح، لا الشمسُ أنتِ، و لا العصافير تُطلِق شيئًا من صوتك. سمعتُ أنكِ تولّين وجهك، شطر الحرب ، و تنتظرين عودة الرجال منها، لكنّك لا تعرفين الحرب جيدًا، إن من يذهب للحرب، لا يعود أبدًا، حتى ولو لم يفارق الحياة. حينما يرجعون بحلقي في أعينهم، ستشاهدين الموت، ستشاهدين آلةً ضخمة مفزعة تجزُ البيوت و الأرواح، سيرجعون بأعينٍ خطرِة، أخشى عليكِ منها. يا تُرى أين أنتِ في هذه الأيام؟ سأظل أسألكِ هذا السؤال، و أنا استظلُ بشجرة ياسمين، و حينما أمرُ بمحاذاة كل امرأة، و كلما خُفت، و كلما اطمأنيت، قبل النّوم و حينما أصحو، عند خلايا النّحل، و إزاء بيوت النّمل، في أضيق أزقّة المدينة، و أرقى جاداتها، لأنني حينما لا أجدك، لا أجد فرقاً جلياً بين كل الأمكنة، كلها سيّان في نظري، يصبح كوكبنا كلّه مكان ينقصك.

[ziadziad125]

شبركا دبركا سيكا ريكا سربيكا أيها المخلوق الفوضوي ترتب فوراً .......

حسناً لقد تمت إعادتي لوضعي الطبيعي بحمد الله و الأن لا أريد تناول البشر........

[ziadziad125]

يجب أن نربي الغضب على أنه فردٌ من العائلة , أن ندعه يترعرع بيننا على أنه أكثر فرد في العائلة مدلل . 

يجب أن نتناوله كجرعات يومية دون توقيت أو موعد , دون وصفة طبيب أو نصيحة مسن أو عجوز .

يجب أن نعلّقه لافتةً على باب البيت , نقدم له التحية عند الدخول وعند الخروج , عند النزول وعند الصعود , وفي القيام والقعود – أما مللنا القعود ؟؟----- يجب أن نجعل من الغضب وجبة يومية صباحاً وظهيرة ومساءً وعشاءً وقبل النوم وبعد الاستيقاظ – هذا إن كان لنا استيقاظٌ أو يقظة - .

يجب أن نجعل من الغضب عقاراً وسيروماً نحقنه في عرقنا , نتجرعه على مضض أو بشراهة , نعطيه كاللبن للأطفال وكوجبات جاهزة لليافعين .

يجب أن نسهر عليه إذا أصابته حمى , ونقرأ له الدعاء المستجاب . يجب أن يكون عظيماً قوياً بحاجبين مقضبين وعيون يملؤها الحقد والإنتقام . يجب أن يكون إنتقامنا وغداً فاجراً بحجم فجور هذا العالم ..........

[ziadziad125]

لما الدنيا ضحكتلي طلعت سنانها مسوسة ...............

[ziadziad125]

مع نهاية كل يوم أختلي بنفسي كل ليلة, أشعل فتيلاً من شراييني لسراج قلبي المنطفئ . فتلسعني الذكريات فجأةً كشمس بغداد , فأنطوي على نفسي كمتسولٍ صغير أنهكه التعب فوضع خده على وسادة ٍ من حجرٍ وغفا ...... في الصباح أستيقظ حالي حال الذئب الذي اتهموه بقتل ابن يعقوب . بريءٌ مظلومٌ وشرس

[ziadziad125]

وَلَن تَجِدَ مِن دُونِهِۦ مُلۡتَحَدٗا  27

هو الملجأ لمن لم يبق له في هذه الدنيا مكان ........

هو الأمان لمن بلغ الفزع عنده مبلغا ...... هو الحبل الثابت لمن أراد التشبث بعد أن فقدَ اتزانه وتاهت بوصلته وأصبح كالهشيم تذروه الرياح ....