.. بعدين قالولنا البلطجية كسرت السجون و هربت ؛ و مفيش شرطة و لا داخلية! .. تحول الامر الي فيلم اكشن امريكي معتبر .. ذعر و رعب ساد المنطقة ، لحظات الشجاعة الحقيقية بتظهر بالغريزة لما بتلاقي اهلك خايفين ؛ كل شباب المنطقة بقو نبطشيات .. الساعة ٩ بليل للساعة ٧ الصبح كل شباب المناطق تحت نواصي بيوتهم .. خشب كتير و نار متجمعين حواليها .. و حواديت حواديت .. احلي حواديت و حكايات ف العمر كله .. اصحابنا ف التحرير بيتفشخو .. الكل كارهنا انتم خربتو البلد؟! .. كل مربع اخترع كلمة سر .. متعرفهاش انت غريب مش من المنطقة .. فوق سطوح ستي كان فيه صناديق ازايز بيبسي فاضية .. نزلته الحوش كسلاح لحظة هجوم البلطجية المجهول توقيته - الساعة واحدة بليل بالدقيقة يعدي علينا مجند جيش .. انتو تمام احنا تمام . يرفع السلاح و يضرب طلقة ف الهوا .. بعد ٥ ثواني طلقة تانية من مكان مش بعيد تضرب .. عرفنا كده انهم بيدو اشارة لبعض ان المنطقة دي امان - يطلع النهار علينا ف الشارع نروح نشتري فطار ناكل و ننام - ف اوائل فبراير قررت انزل التحرير.. امي عيطت و قالتلي لاء .. يمكن دي المرة الوحيدة اللي شوفت دموع امي و مسمعتش الكلام..ف التحرير كان الميلاد الحقيقي .. ايوة سيادتك يا فندم .. يا دولة ؛ كان فيه ثورة .. اللي محضرش معش ؛ .. المجد لكل روح نزلت متعشمة تغير اوضاع وقتها كان مينفعش يتسكت عليها ؛ المجد للي منسيوش .. المجد لايام يناير العظيمة.✌✌
