[almanfa]

"يا الله،

أنا لا أبحث عن نهايةٍ سعيدة،

ولا عن إجابةٍ كاملة،

أنا فقط أبحث عنك

في كلّ هذا الضجيج.

فإن وجدتُك،

سأجدني"

[opossum-handz]

[almanfa]

في كل مرة تؤكد لي الحياة أنّ النفس تُجرح كما الجسد، وأنّ التغافل عن الجرح وعدم مراعاته يبقي الجرح مفتوحًا بل ملتهبًا، لكن النفس جرحها غير مرئي فيترك انطباعًا بالديمومة؛ كأنه بلا نهاية فنغرق في يأسنا وجهلنا ونخضع لهذا الألم كأنه سيبقى، ولكن جرح النفس كما الجسد يحتاج فترة نقاهة ورعاية ومراعاة ومداواة، فالاستراحة والصمت والانكفاء على النفس وتطييب الجراح لا تعني انكسارًا لا يبرأ بل فترة استراحة لا بدّ منها، وهكذا مع الصبر على النفس يبرأ الجرح ويطيب الخاطر .. نحن بحاجة للصبر وعدم استباق الأمور وأخذ أحكام مستعجلة كأنّ هذا الشعور أو الموقف هو نهايتنا، ولهذا يفشل الكثيرون منّا باستيعاب أنفسهم لأنهم يظنون أنّ هذا الشعور هو النهاية رغم أنه ليس كذلك!

[almanfa]

عندي مشكلة مع المسلسلات السورية والمصرية هي إني ما بفهم بموضوع المصاري، فما بعرف المبلغ اللي بحكوا عنه كثير ولا قليل، فالمهم سألت Chat GPT عن قديش كانت تسوى الخمسين ألف ليرة في ال 2006 بالدينار الأردني وطلعوا على قولته تقريبا 700 دينار وسألته كم بسووا هلا حكالي تقريبا 3 دنانير وصراحة شيء مؤلم!

[almanfa]

عندي خبرين حزينين، الأول الأرض اللي صورت منها ورد الحنون في البوست اللي قبل هاد بنوا فيها بيت والثاني هو إنه شجرة اللوز قاعدة بتذبل وخايفة تموت وصراحة هدول سببين حقيقيين للحزن وما بكذب لو قلت بخلوني بدي أبكي.

[almanfa]

أقرب طريق لله هو الجمال 🤍

[ha99s]

‏"دائمًا بخير .. حتى في حال التلاشي والذبول أو في غمرة الأسى.. أعرف جيدًا كيف أنجو لكثرة ما اعتدت على الوقوف وحيدًا دون يد أو حائط"

[almanfa]

[almanfa]

عندي كثير حكي على موضوع الإنجاب والأمومة، هلا أكيد أنا بوضع ما بسمحلي أبدًا أحكي بهيك موضوع، بس لحدا خارج مؤسسة الزواج ولكن محيطه صار بتضمن أمهات ومتزوجات فكثير بتتكون عندي مفاهيم وآراء ما بعرف لو صح أو غلط، لكن ما بقدر أنكر حقيقة كيف الأمومة بتقلب حياة أي وحدة، ولكن لحدا بشوف من بعيد لبعيد يمكن ما بحس بشعور الأمهات بس بقدر أشوف قديش الأم بتتغير وبتضحّي وبتصير شخص مختلف جدًا بعد الإنجاب، فأيّ حدا بتزوج لازم يحط في باله إنه الشخص اللي تزوجه رح يتغيّر لما يصير في أطفال، فلو ما حسبنا حساب هالشي وما كنا عنا الوعي الكافي لنتعامل معه فبحس تأثيره بكون سلبي، يعني الأمومة حلوة وغريزتنا فيها طبيعية وحتى أجسادنا كأنها تدفعنا لها دفعًا فمثلًا حتى خسارة البويضة شهريًا بنحس معها كأنه أجسادنا بتعاقبنا عليها بالألم وبالمزاج السيء والحزن!

ما بدي أبيّن أنانية، لكن الأمومة بتعني التضحية بوقتك والكثير من اللي اعتدتيه وحبيتيه وما بعرف كم وحدة فينا قادرة تتعامل مع هالشي، بمعنى إنها تتعامل مع كونها أم وزوجة! وحكيي هاد مش لأنه الموضوع بخصني، عالعكس كثير بعيد عنّي، بس بخطر عبالي وأنا بحضر مسلسل سوري قديم اسمه الانتظار، وكيف إنه التوازن بالزواج كثير صعب، والإنجاب والأمومة فعل كثير كبير وكثير بخوّف، ولو بدكم الصراحة مرّات بحكي يمكن أنا بنعمة اللي ما عندي أولاد بهيك زمن، لأنه متأكدة رح أصرف مخزون نفسي فوق المتصوّر عليهم، بس بصير أفكّر بعدها هل ممكن نوازن بين دور الأم والزوجة، طيب الزوج مين بده يعلمه شو دوره! وليه بس بدنا نركز عالأنثى ونعلمها شو أدوارها بينما الخلل بكون بالزوج! .. وصراحة الزواج قبل ما يكون مبني على أي شي لازم يكون مبني على قديش هاد الشخص فاهم مفهوم العيلة لأنه هون الأغلب بسقطوا!

[almanfa]

It's getting harder to post here, even though I'm trying. Maybe I just need some time before I can fully come back.

[almanfa]

هاي المسج ما بنساها لأنه مع إنه علامتها واطية ومع إنه مرة بهدلتها (عالخفيف) بس مع هيك في تقدير حقيقي 😔

[almanfa]

صابني غثيان من محتوى كرة القدم، ومن قبله نظام الطيبات، يعني بشهر حاسة ختمت خمس سنين من كرة القدم!

[almanfa]

ربيع 2026

[almanfa]

"أن تكون حيًّا فقط، هذا لا يكفي

يجب أن تملك

ضوء شمس

وحريّة

وزهرة صغيرة"

[almanfa]

اليوم (1)

[dafancyuhinspiration]

[almanfa]

اكتشفت إنه ما عندي رغبة أنافس حدا وإني بمشي برتم أنا حددته وحسب معايير خاصة، لدرجة بس أقعد مع حالي ما بفكر بشكل مَرضيّ بحدا ولا بقارن ولا بحاول أصير زي حدا، بس المتعب هو إنه الناس مش راضية تفهم هالشي وبتفكرك بتتنافس معها، وهالشي أذاني وحسسني بالرغبة بالهرب والعزلة من قد ما شفت ناس بتنشغل فيّ أكثر بكثير من ما بنشغل فيها، فوقعت بين شخصيتين مقرفات، وحدة بتفكر حالها فاهميتني أكثر مني وعندها إعاقة بالشخصية عاملة لها مشاكل ما إلها نهاية لكنها بتشوفني أنا اللي بغلط مع إني بحالي يا الله، والتانية وحدة أربعينية عندها عقد نقص بدها تطلعها عليّ، ومش شايفة فرق السن بيننا ولا عاملة اعتبار لعمرها ولا راضية تنضج!

الخلاصة حتى لو كنت بحالك الناس رح تيجي فيك، وأنا سلامي النفسي مقدس لهيك تكركبت لأنه حسيت حالي بدون دفاعات، وللأسف بتكتشف إنه اتزانك الداخلي لا يكفي وبإنه لازم تحط حدود وتجد طريقة لتوقف الناس عند حدها حتى لو هالشي كان ما بشبهك لأنه ببساطة ما بتحب هاي النوعية من الاحتكاكات لأنه قلة عقل بس شو بدنا نعمل!

[almanfa]

حسن أحمديان قبل إضافتي على لينكد إن مع إنه ما بفتحه بس عشانك بصير أفتحه 🙌🏼