- خليك فاكر دايماً إن الشغل وسيلة ومصدر رزق مش غاية ، الشغل مش أبوك والشركة مش أمك ، الأساس هو انت وأهلك وبيتك ، الناس دى بس هى اللى هتقبلك فـ كل حالاتك ، شغلك هيقبلك وانت ناجح بس
- أى ضغط فـ الشغل هيعدى ، أى وقت صعب هيعدى ، حاول تستمتع لو فى وقت حلو وتتأقلم لو فى ضغط ، وكمان أى شخص مهما كان التايتل بتاعه فهو زايل ، وهيفضل بس دعوات الناس ليه أو عليه
3/ من ارتضى الأجر ، فليتقن العمل
- لو المكان اللى بتشتغل فيه مش مقدرك أو انت شايف إنه بيظلمك ، إوعى تعامله بالمثل أو تقصر فـ شغلك ، ولو قررت تسيب شغلك سيبه وانت فـ عز نشاطك ونجوميتك والناس كلها بتشهد بشطارتك ، وإوعى الشيطان يفتحلك باب "اشتغل على قد فلوسهم" ، انت كده بتنتقم من نفسك فـ الدنيا وفـ الآخرة مش بتنتقم من المكان
- لو لاقيت واحد مطفى ، وكل الناس بتقطع فيه ، خليك انت الشمعة اللى بتنوره ، متعملش زيهم وتتشطر عليه ، ممكن تكون انت طوق النجاة الوحيد لشغله وبيته وصحته النفسية
5/ لا ترد السائل ولو بشق تمرة
- متردش أى حد طلب منك مساعدة ، أو مطلبش ، ساعد باللى تقدر عليه حتى لو كان قليل ، ومتنساش الناس الفريش خد بإيديهم وعلمهم اللى اتمنيت حد يعلمهولك فـ يوم من الأيام ، وخد بالك ولادك النهاردة هيبقوا الناس الفريش بتوع بكرة وهيلاقوا برضو اللى ياخد بإيديهم
6/ إرض بما قسمه الله لك تكن أغنى الناس
- والرضا هنا إنك تعمل كل اللى عليك وتسعى على كل باب وتتعب وفـ الآخر ترضى بالنتيجة ، إوعى الشيطان يخليك تبص لرزق غيرك اللى ربنا قسمهوله فـ الفلوس ، ويقولك انت أحق منه ، دى مش بتاعتك دى بتاعت ربنا "ولا يظلم ربك أحداً" ، رزقك هتاخده فـ الفلوس الحلال والصحة والعيلة وحب الناس وحاجات كتير مهمة
- سيب دايماً ذكرى كويسة عند كل حد اتعاملت معاه ، سواء كان زميل أو عميل ، ومتقللش أبداً من تأثير الكلمة الطيبة ، وخليك مؤدب حتى فـ النهايات ، لأن مفيش نهايات فـ الدنيا ، اللى بتسيبه فـ الشغل النهاردة هتقابله بكرة فـ شغل تانى أو فـ الشارع أو حتى فـ كارفور ، خليك حريص إنك تقابله وراسك مرفوعة وعينك فـ عينه
origamiaround
janainaart
jbbartram-illu
gummygunk
turnnoffyourmind
germansingergirl
jacobvanloon
2087
blakekathryn
