ഒരു ജനത കടന്നു പോകുന്ന അവസ്ഥാന്തരങ്ങളുടെ ദയനീയത നോക്കൂ.. പറന്നുയരാൻ പോകുന്ന അമേരിക്കൻ എയർ ഫോഴ്സിന്റെ കൂറ്റൻ C-17 വിമാനത്തിലേക്ക് അതിന്റെ ചിറകുകളിലൂടെ വലിഞ്ഞു കയറാൻ നോക്കുന്നു. റൺവേയിലൂടെ മൂവ് ചെയ്ത് കൊണ്ടിരിക്കുന്ന വിമാനത്തെ പൊതിഞ്ഞു കൊണ്ട് അതിനോടൊപ്പം നൂറുകണക്കിന് മനുഷ്യർ ഓടുന്നു. ഏതാനും ചിലർ ടയറിനടുത്തെ ബോക്സിൽ കയറിപ്പറ്റുന്നു. അവിടെ അള്ളിപ്പിടിച്ചിരിക്കുന്നു. വിമാനം ആകാശത്തിലേക്ക് ഉയർന്നു പൊങ്ങിയതോടെ അള്ളിപ്പിടിച്ചിരുന്ന ചിലർ ഭൂമിയിലേക്ക് പതിക്കുന്നതായിട്ടാണ് ടോളോ ന്യൂസ് റിപ്പോർട്ടർ താരിഖ് മജീദി ഷെയർ ചെയ്ത വീഡിയോയിൽ കാണുന്നത്. കെട്ടിടങ്ങളുടെ മുകളിൽ വീണു മൂന്ന് പേർ മരിച്ചു എന്നാണ് അദ്ദേഹത്തിൻറെ ട്വീറ്റ്.. കാബൂളിൽ നിന്നുള്ള ദൃശ്യങ്ങൾ.. വിശ്വാസത്തിന്റെ പേര് പറഞ്ഞു, അതിന്റെ ചിഹ്നങ്ങൾ ഉയർത്തിക്കാട്ടി, ലാ ഇലാഹ ഇല്ലല്ലാഹ് എന്ന പതാകയും വഹിച്ചു കൊണ്ട് മതത്തെ ഹൈജാക്ക് ചെയ്ത് ഭരണം പിടിച്ചെടുത്ത ഒരു പറ്റം ഭീകരരിൽ നിന്ന് ഒരു ജനത എങ്ങിനെ ഓടിയൊളിക്കുന്നു എന്നതിന്റെ നേർചിത്രമാണ് കാണുന്നത്. ആ ചിത്രങ്ങൾ, ആ വീഡിയോകൾ 'സാമ്രാജ്വത്യ മാധ്യമങ്ങൾ' ഉണ്ടാക്കിയ ഫെയ്ക്ക് ന്യൂസുകളല്ല, ഒരു രാജ്യത്ത് നിന്നുള്ള ലൈവ് സംപ്രേഷണങ്ങളാണ്. താലിബാൻ വസന്തം കൊണ്ട് വരുമെന്ന് കരുതുന്നവർ കാണണം ആ ദൃശ്യങ്ങൾ.. ഈ പിശാചുക്കളുടെ ഭരണത്തെ ആ ജനത എത്രമാത്രം ഭയപ്പെടുന്നുണ്ടെന്ന്.. എങ്ങിനെയൊക്കെ അവരിൽ നിന്ന് രക്ഷപ്പെടാൻ ശ്രമിക്കുന്നുണ്ടെന്ന്.. പുറത്തിറങ്ങാനും സഞ്ചരിക്കാനും സ്വാതന്ത്ര്യമുള്ള പുരുഷന്മാരുടെ കാര്യമാണ് നാം കണ്ടത്.. വീടുകൾക്കുള്ളിൽ അടച്ചിട്ടിരിക്കുന്ന സ്ത്രീകളുടേയും കുട്ടികളുടേയും കണ്ണുകളിലെ ഭീതിയും ദൈന്യതയും എത്രയുണ്ടാകുമെന്ന് ഊഹിച്ചു കൊള്ളൂ.. - ബഷീർ വള്ളിക്കുന്ന് https://www.instagram.com/p/CSpCdaSJaq7/?utm_medium=tumblr
baratheonpilled
gracieabrams
kianamaiart
amandla
germansingergirl
yousharknotpass
origamiaround
titsay