မယုံမဘာဘာ __ မင်းပြားမင်းစံ _______________ ဘာဘာစွာ အိမ်ထောင်သျှင်မ သားသမီး ၄ ယောက် ဟိရေ ယောကျာ်း မိုးထစစောချေ အိပ်ရာက ထ ဘုရားရှိခိုး ဈီးပယိုင့်ထမ်းပနာ ဈီးပြုဖို့လားရေ ဘာဘာ လမ်းလျှောက်ကေ အပျိုမချေတိပိုင် ဘာဘာခြီသလုံးတိက အမွှီးတိ မကန် ဘာဘာက နှုတ်ခမ်းမွှီးကို ရက်ပြတ်ရိတ်တေ မိုးလင်းကေ သနပ်ခါး နှိမ်းရေ အိပ်ကေလေ့ သနပ်ခါးနှိမ်းပနာ အိပ်တေ ဘာဘာကို ရပ်ကွက်ထဲက မင်းကျွန်မတိ ကောင်းခြီကတ်တေ အခြင်းနှက်ဖို့ ကောင်းတော်ရေ ဘာဘာ ညဇာဖက် ရောက်ကေ တောအရက်တစ်ပွာကို ပဲစိချေတိနန့်မြည်းရေ မင်းကျွန်တိက သူ့ကို အရာမသွင်းကတ် ဘာဘာစွာ နတ်ကောင်းမ ရွာသျှင်မပွဲ မြို့သျှင်မပွဲ ဘာဘာမပါရေ နတ်ပွဲစွာ မစည် နတ်ပွဲက ပြန်လာကေ ဘာဘာက ပြောရေ နတ်ကနတ် လူကလူ လတ် အရက်နံ့တထောင်းထောင်းနန့် ပါးထက်က သနပ်ခါးတိမာ ချွေးတိ စီးလို့ ဘာဘာလက်ထဲမာ ဖေချာတိမကန် ဘာဘာက သားသမီးတိကို ဒေါသထွက်ကေ ယောကျာ်းပိုင် ဆဲရေ မေမေနန့်ရန်ဖြစ်ကေ မေမေကို သတ်တေ ပုတ်တေ လူတိကပြောရေ မယုံမ ဘာဘာ ဘာဘာက မုန့်လုပ်ရောင်းရေ မြို့ထဲမာ သူ့ခြီရာ မကျဖူးရေ နီရာမဟိ ဘာဘာက ဟိုပိုင်စွာ မ တိနန့်လေ့ပေါင်းရေ မြို့က လရတတ်တိအကြောင်း ခရိုနီကပ်ဖားယပ်ဖားတိအကြောင်း ချကြောင်းကပင် သိရေ ငါရို့ မောင်နှမတိ ဘာဘာကို ကြောက်တေ ချစ်တေ လူတိက ပြောကတ်တေ စကတ်တေ မယုံမသား မယုံမသမီး ယင်းပိုင်အချိန်တိမာ ဘာဘာကို မုန်းရေ သားတိသမီးတိ ယပိုင်အပြောခံရစွာကို ဘာဘာက သိရေ မကြာမကြာ အိပ်ရာထဲ ဘာဘာ ယောင်သံတိ ကြားရရေ ငါ ယောကျာ်းဝေး ငါ ယောကျာ်းဝေး လတ် မိုးလင်းစွာနန့် ဘာဘာ သနပ်ခါး သွီးနီရေ ငါရို့ မောင်နှမတိ နားထဲမာ ညည့်ခါက ဘာဘာ ယောင်သံတိကို ရာ ကြားနီမိယင့် ။ ။မင်းပြားမင်းစံ (via https://www.youtube.com/watch?v=uqaaXIpg4EI)