الفار اللي في المتاهه عنده الحرية يروح أي مكان طالما هيفضل في المتاهه اللي احنا رسمنهاله، وهنكافأه في الاخر لو التزم إنه يلاقي مكعب الجبنة جاهز، كيف يجرؤ هذا الفأر بقي بإنه يقول إنه لا يملك حرية الإختيار وإننا لقدر الله لقدر الله بنمارس عليه أي نوع من أنواع السلطة؟
الحرية المشروطة اللي بيمارسها كل من يملك الأحقية دي بالفطرة والسلطة المكتسبة عشان يفشخ بيها كل من لا يملك الأهلية من وجهة نظره إنه يحدد "لنفسه" حدود حريته واختياراته.
من أول الأصولية اللي بتمارسها الدولة بمؤسستها كلها، والسيستم الديني اللي قايم في الأساس علي نظام الوصاية الأبوية والأخلاقية اللي بيمارسها بالتبعية المجتمع كله، اللي هو قايم أصلا علي عواميد الاتنين دول ومتربي، وواكل، شارب، شاخخ علي أيدهم، لحد البيت طبعا اللي بتتخلق وتتجهز وتتبلور فيه الطبخة دي كلها علشان يرجع يفرزها تاني برة في لوب لا تنتهي.
الفكرة كلها مثيرة للسخرية جدا الحقيقية وبتذداد اشمئزازا كل يوم. اللي هو انا هوهمك إني بديك حريتك كاملة وإني بحفظلك حقوقك بس في الحدود اللي برسمهالك "أنا"، حدود الصح من وجهة نظري "أنا" حدود المنطق من وجهة نظري "أنا". طب ازاي لسه اسمها حرية وانت بتناقض مفهوم الحرية في صميمه أصلا؟
و ايه هو مفهوم الحرية أصلا؟ مين هو الآخر ده؟ وليه بترعب أوي كدة لو قرر يمشي عكس اتجاهي، و ليه بشوفه تهديد ليا و لأفكاري وقناعاتي؟ مش دي تبقي مشكلة في الطريقة اللي بتعاطي بيها مع الأفكار دي؟ مين أنا، وايه مدي ثبات الحقائق المطلقة اللي بحكم من خلالها علي كل حاجة حوليا؟
ازاي كل الأسئلة اللي الواحد بيصارع معاها دي مش بيسألوها ولو لمرة واحدة؟ ازاي كل المفاهيم دي قدرت تتشوهه بالمثالية المتقنة دي!
هو مش كفايه بقي؟ ليه بتجبروا الواحد يفضل يكرر في ببديهيات علشان بس عايز يعيش
stormborns
annaxmalina
romaincrisis
blakekathryn
dailybridgerton
kaledo-art
tangentwithtanner
