Neçə vaxtdı “Vətəndaş A” serialı haqqında eşidirdim. Bu gün axır ki, baxmağa vaxtım oldu. Açığı ilk dəfədi bizim seriallardan birinə baxırdım. Yaxşı yaxud pis olduğunu deyə bilmərəm amma o serialda danışılanların çoxu bu gün günümüzdə baş verən hadisələr olmağı danılmaz reallıqdı. “Adət-ənənə”, “Mentalitet” adı altında günümüzdə neçə insanın, istər 16 yaşında zorla evləndirilən gənc qızın, istər də sırf böyüklər istəyir deyə sevmədiyi qızla evlənməli olan oğlanın, sırf pulu olmadığı, kasıb olduğu üçün haqqı yeyilən insanların, din adı altında özünü “seçilmiş insan” elan edən axmaq düşüncəli insana boyun əyməli, etiqat etməli olduğunu düşünən ağılları əllərindən alınmış insanların həyatı məhv olur. Gəlin açıq danışaq biz bunları görməzdən gələn tərəfik. Bəlkə də fikirləşirik ki, “Bir Almaz mı dəyişəcək illərdi insanların beyninə yeridilən “qanunları”?” Ya da bəlkə də düşünürük “Bizə mi qalıb camaatın ailə həyatı? Hamımızın dərdi özümüzdən böyükdü. Onların da həyat tərzi budu biz səsimizi çıxarmaqla nə olacaq ki?” Yəni nə biz Almaz olmaq istəmirik. Nə də bir neçə Almazla o cür düşünən insanlar dəyişəcək. 1931-ci ildən bu yana hələ də bu cür həyat tərzində yaşayan insanların olmağı cəmiyyətimizin bir çox şeyi görməzdən gəlməyindən də asılıdı bəlkə də. İnkişaf sözsüz ki var amma bu yetərli qədərdi mi deyə bilmərəm. Ümumiyyətlə çox nüans var. Nəysə ən azından bu problemləri hamımızın gözündə bir daha canlandırdıqları üçün senaristlərə, rejisora həmçinin aktyorlara təşəkkür etməliyik. Azərbaycan şərtləri altında çəkildiyini də nəzərə aldıqda təqdirə layiq olduğunu inkar etmək olmaz.
romaincrisis
snowghoul
2087