Eto pinipilit kong makapagblog dahil ano pa silbi ng account ko dito sa tumblr kung hindi ko naman haharasin, kahit sa totoo lang wala naman talaga akong maisip kong anu ang ibablog ko. Kaya alam ko ng magiging korni lang to pag natapos at pag may naawa na magbasa nito.
Hindi ko alam kung paano ko to uumpisahan pero naumpisahan ko na ng walang kwentang dahilan kaya pipilitin ko ng malagyan ng salitang end.
Sabi lumalawak daw ang isip ng mga taong nagsusulat at nagbabasa at naniniwala ako dun. Kaya pakiramdam ko kailangan ko ng umpisahang gawin yun kagaya ngayon na inuumpisahan ko na nga. Feeling ko kasi kelangan ng maupgrade ng isip ko, dahil hindi na ako nakakapag-isip ng tama at bumabagal na ang pang-unawa ko sa mga bagay bagay dahil hindi nako mahilig magbasa o magsulat. Pagbabasa at pagsusulat na requried talaga nating gawin nung mga bata pa tayo. Pero kase 19 nako ;)
Kung nagbabasa man e mga tabloid na dyaryo binibigyang panahon ko na basahin (especially BAGONG TIKTIK) o mga vandal sa upuan at banyo ng lalaki na may nakasulat na “can you be my textmate/sexmate just txt me 092***” na hindi man lang naisip nung nagvandal na yun na lalaki din ang papatol sakanya dahil cr ng lalaki yun, iniisip ko nalang na myembro ng 3rd sex ang mga nagvavandal ng ganun. Huling librong binasa ko na ata e yung isang libro ni Bob Ong. Nanghiram ako ng libro nung nakaraan pero hanggang ngayon hindi ko pa din inuumpisahang basahin, kung bakit??
Nakakapagsulat naman ako kahit papanu basta nasa mood ako o may inspirasyon pero madalas na wala kaya wala akong nasusulat na matino puro kawirduhan lang. Dati may nasulat nako impluwensya ni Bob Ong (nanaman kasi maliban sa dyaryo at mga vandal e parang mga libro lang nya ang kayang iprocess ng utak ko) lakas makaimpluwensya e, Kaso ang labas parang gawa din ni Bob Ong, kaya siguro hindi ko na naisip na dugtungan pa. Yun ding mga panahon na nag-umpisa akong maengganyo na magsulat, salamat Bob Ong kahit alam kong kaylanman ay hindi mo to mababasa. Pero sa totoo lang gusto ko talagang magsulat, gusto kong mahasa sa skills na to.
Pero sa lahat ng yan pinakadahilan ko e tinaTAMAD ako, kalaban ko ang katamaran ko kaya hindi ko nagagawa yung mga gawain na gusto kong gawin. Natatalo ako lagi ng katamaran, kung sa cancer na stage 4 na siguro katamaran ko. Pero ngayon eto nga inuumpisahan ko na magbasa at magsulat, at eto ilalagay ko na ang ending bago pa mag supersayan nanay ko dine.
Salamat nga pala kay Jonard, nainspired ako sayo tsong! :) \m/
jbbartram-illu
vaporwave
prguitarman
ellievsbear
blakekathryn
annaxmalina
germansingergirl
janainaart