من فترة شوفت بوست لبنوتة بتقول "يا رب يا جميل، اجعل الأكل جميل"
ربنا ألهمنى اردده كتير اليوم وانا بحضر الغدا كنت مرتاحة وحاسه ان كل شئ ف عينى جميل والأكل طلع جميل اوى فعلا
حد تانى كان منزل انه لما بيدخل على patient بيقول دعاء
"اللهم إن يدك سابقة ولاحقة ومحيطة بأيدينا فاجعل الشفاء يجري عليها
اللهم لا تؤاخذه بذنبي ولا تؤاخذني بذنبه
اللهم أصلح ما بين أيدينا"
بدأت اعمل كده فعلاً وحسيت بفرق رهيب وراحة وتحسن مش طبيعى
قريب كنت مع ماما فى مشوار واحنا راجعين وقفنا كتير ومش لاقيين مواصلات ماما قالتلى هنعمل ايه قولتلها هندعى يا ماما ولسه بقول يا رب لقينا مواصله وروحنا
الدعاء نعمة كبيرة يا شباب:))
نعمه زي نعمة الصحه و زي كل نِعم الله علينا
رزق ربنا بيسوقه على لسانا زي الأكل و الشرب و الدوا كدا بالظبط ..
تخيّل أنت في موقف و تلاقي لسانك نطق بالدعاء المظبوط المناسب للموقف دا، كان ممكن على فكره تفضل تفكر و تزداد همّ و حزن و بؤس و تسرح في عالم تاني خالص، لكن فكرة أن لسانك ينطق و يقول يا رب و مش بس كده، لا ربنا بيدلك بالكلمات الصح و الدعوه الصح .
فلله الحمد كله على نعمة الدعاء و تيسيره على ألسنتنا في الوقت المظبوط و مش تاركنا لاهيين و مسحولين .
حد من الصحابة مش متذكره اسمه كان يقول كنا لا نحمل همّ الإجابة، لأنهم واثقين أن مادام ربنا جعل لسانهم يسترسل في الدعاء لانه رزق من الله يبقى اكيد مُجاب بفضل الله و كرمه علينا و المسألة مسألة وقت متقاس من رب العالمين في الوقت المظبوط بالثانية
جميل ان الواحد يدرب نفسه على رؤية ألطاف ربنا ليه ولا يألف النعم فيُصاب فى نفسه، والدعاء نعمة حتى لو لم ترى اجابة بعد فيكفى انك مسموع متعبد لله بدعوة..
gamechangershow
vaporwave
kianamaiart
dailybridgerton
