Salitang lagi kong sinasambit
Salitang punong-puno ng pait
Pait na nararamdaman pagtapos ng araw
Di namamalayang sa bintana lang lagi nakadungaw
Hinihintay matapos ang kahibangang nasa isip
Iniisip na baka may pag-asang ikaw ay bumalik
Humaplos ang hangin na mainit ang ihip
Halintulad sa pusong sabik na sabik
Matang mapanlinlang umiiyak nanaman
Lalo na pag naaalala ang iyong paglisan,
Umalis ka ng may mababaw na dahilan,
Pero mahal, di sapat yun para ako’y iyong iwan
Alam kong may pag-asa pa ‘tong ayusin, pero paano?
Paano aayusin kung sinisira mo?
At ang tangi mong dahilan ay kailangan mo ng espasyo.
Sinabi mo babalik ka, kaya ang hiningi mong espasyo ay ibinigay ko,
Mahal kita kaya ang tangi kong inisip ay ang sitwasyon mo,
Hindi ko alam kung bakit kailangan mo pang lumayo?
Pero baka nga yan ang makakabuti sayo.
Walang ibang maririnig kundi ang aking paghikbi,
Nanginginig ang mga labi.
Tila ba paulit-ulit kong naririnig ang mga matatamis mong salita,
Salitang matagal-tagal akong pinaniwala at nagdulot ng saya,
Pinanghawakan habang tayo pa,
Naglaon, ako lang pala ang nakakapit, dahil nakabitaw ka na.
Gayunpama’y pinili kong manatili dahil kaya ko pa,
Inisip kong ika’y aking maisasalba,
Hahawakan ang iyong kamay para di ka mahulog sa iba,
Nagbabaka-sakaling ika’y sa akin tumingala, Mahal mo naman ako diba?
Ilang taon na ang lumipas pero ni anino mo’y wala,
Espasyong hiniling, binigay ko sobra-sobra pa,
Mga mat among mapupungay, ninanais kong makita,
Pero bakit parang pinagkakait mo pa?
Manhid, Tanga, Laging Umaasa, Oo na ako na!
Sinasalo ko lahat tulad ng pag-aakala kong masasalo ko siya
Upang wag siyang mapunta sa iba,
Pero sa pagiging tanga ko, wala akong napala.
Nagising isang araw, nabalitaan kong dumating ka,
Nabuhayan ng loob, tuwang-tuwa,
Lahat ng pagod napalitan ng saya,
Sa sobrang saya, pinuntahan na kita.
Nakaka-kaba dahil ngayon lang ulit kita makikita,
Pero mahal, bakit may iba kang kasama?
Sa una’y binalewala ko muna,
Ngunit nagmasid, nakita kong niyakap mo siya, di lang yun, hinalikan mo pa.
Paningin ko’y lumabo natakpan ng namumuong luha,
Damdami’y di makapaniwala,
Puso ko’y nasaktan, parang dinudurog, nagkapira-piraso sobrang lala.
Isip patuloy na tumatakbo,
Luha’y tumigil sa pagpatak,
Hudyat na Sobrang Pagod na ako.
Para makahanap ng kapalit ko,
Sana di mo pagsisihan yang desisyong ginawa mo,
Kasi ako, HINDI, TAMA NA, kung napagod ka, pwes ngayon AKO DIN AY PAGOD NA.
pixelskylines
prguitarman
2087
discoholicmusic
