Cancasete @cancasete - Tumblr Blog

Quen non ten unha cinta de casete na casa? Que din sobre nós esas cintas? Que lembranzas levan aparelladas? Se un casete garda a memoria dunha persoa, os casetes de toda unha aldea conforman a súa memoria colectiva. O proxecto Cancasete, que se estrea este venres no propio Festival de Cans, realizou durante semanas un labor de recollida de casetes nos faiados e caixóns das casas da parroquia de Cans, falando tamén cos seus donos, facendo emerxer as lembranzas asociadas a esas músicas e a esas cintas. O proxecto, no que participan María Lobo, Roi Guitián, María Yáñez, Javi Campo e Alfonso Pato, deu lugar a un documental de 25 minutos, sobre o que falamos con María Yáñez.

#cancasete #festival de cans #music tape

E aquí temos o cartaz de Cancasete, feito por Juáncho Castaño.

#cancasete #festival de cans #festivaldecans

Javier da Graña por Manolo Escobar

#Javier da Graña #Manolo Escobar #Solo te pido #festivaldecans #festival de cans

O proxecto multimedia Cancasete recuperará e retratará a memoria musical da parroquia de Cans (O Porriño) a partir das cintas de casete que gardan os veciños na casa. Trátase dun proxecto documental do que xurdirán unha curta, que se gravou esta fin de semana en Cans e que se estreará no Festival de Cans, unha “pinchada” con cintas dos veciños e varias accións na rede que queren animar a xente a compartir a súa memoria musical. A idea parte do Festival de Cans e está sendo desenvolvida por María Yáñez, de A Navalla Suíza, por María Lobo e Roi Guitián, de Gingko, e polo veciño de Cans Javi Campo.

#cancasete #festivaldecans #music tape