中環街市

今日中環人化身鍵盤戰士，替你搜羅財經八卦、環球薈萃兼街坊智慧，隨時隨地搵大錢。

[centralmarket]

《中環街市》搬家了

感謝各位讀者，這22個月來的體諒和支持。我們於2015年中成立至今，務求給讀者帶來輕鬆可讀，而又有趣的文章，為了令大家以後讀得更happy，我們終於要搬家了﹗

《中環街市》以後會在以下地方讀到⋯

1. Yahoo財經「個人理財」

2. 全新大型網站「19＋」

舊文章資料庫將會保留。

由於近日新網站正在不斷改善當中，若這段時間造成不便，希望各位讀者多多包涵。

=======================

財經精選資訊網站「中環街市」臉書粉絲頁／舊文章資料庫

[centralmarket]

慢煮令飲食文化沒落

在清明節小長假前，小病初癒，有老友組團去順德探索飲食文化，問我有沒有興趣一起去，全團十五人都是知名人士，沒有特別要求，全部飲食由酒店安排，我沒有考慮便立刻答應，因為我亦想了解順德飲食文化，過往與現在有什麼不同，而我所認識的順德飲食文化是鮮料細作，基本上順德人上午去街市買料做午飯，下午又去街市買料做晚飯，午晚的餸菜是即製即食，冰箱只是放飲料。

星期日出發，三日兩夜，唔計早餐，沒有宵夜，一共食了五餐，三餐在同一酒店，一餐農家菜，一餐私房菜，在酒店的三餐比外面的好，除了用料有保證之外，在服務方面亦有足夠人手，在外面所食的兩餐只能說普通，而酒店的三餐雖然總共出了四十個餸，但未見突出，當中有一味均安蒸豬，經理話是大熱菜式，幾乎每枱必點，但我跟經理說，這個菜式摧毀順德飲食文化，經理表示同意。

均安蒸豬其實是用香港現時大熱煮法，慢煮，原隻中豬在調味之後蒸上八至十個小時，豬的任何部位都會很軟，很容易食，基本上與傳統的順德飲食文化不同，而我亦發現在順德市面上大熱的小食是炆牛雜，另外一道不需要高超廚藝的慢煮菜式，這兩道慢煮菜式雖然有違順德飲食文化原則，但竟然熱賣，順德大廚又何需鮮料細作，最後，亦會導致順德飲食文化沒落，我亂講亂作，竟然又得到其他人認同，只能用宅心仁厚來形容他們。

在以往物業投資市場，不少投資者喜歡快買快賣，摸出摸入賺快錢，但自從政府出招之後，已經唔見了那些投資者，現在，任何人都會發覺，投資物業，只要借貸比率不高，長揸可以說是必勝，所以，現在即使政府取消辣招，炒賣情況亦不會在物業市場再次出現，長揸亦是慢煮，既然長揸必勝，又何必短炒。

Yahoo地產

=============== 財經精選資訊tumblr網站「中環街市」 / 臉書粉絲頁

[centralmarket]

尋找⋯香港版雄安？

如無意外，今個月市場焦點離不開雄安新區，雄安新區除了帶來更多炒股機會，跳多兩步思考，雄安概念更可能會幫到大家上車。

從牌面睇，內地忽然策動雄安新區大計，目的是搵啲嘢大搞炒熱市場氣氛兼去產能，不過值得留意是雄安的房地產規劃賣點是體現住宅係用來住唔係炒的理念，以類似新加坡組屋、香港居屋及公屋模式興建公共房屋，減低住屋成本吸引年輕人才進駐這個模範城市。

內地官場習慣，領導拋出新方向，各省市勢將積極跟隨，香港當然亦不例外，要引入雄安概念，最現成的方案是加速東北發展計劃。

按現時香港為樓瘋狂的民情，東北發展計劃只要包裝成香港版雄安，加大公營房屋的土地比例，甚至引入林鄭倡議的首置屋，一旦成事民意風向就有望逆轉。

雖然若然「守護土地」同「港版雄安」衝突起來，政府一定有排起，但至少港版雄安，等買樓苦主多了個上車希望。不過振奮之餘，你亦要留意香港已有逾八十萬來自內地的「新香港人」，他們將是你爭奪港版雄安公營房屋的競爭對手，屆時搶樓不敵這批「新香港人」，又只能空歡喜一場兼望樓輕嘆了。

=============== 財經精選資訊tumblr網站「中環街市」 / 臉書粉絲頁

[centralmarket]

的士佬前無去路，後有追兵﹗

政府擬增600架專營的士，遭的士佬冷待；正當以為政府無料到、Uber就玩完之際，點知，據今日《明報》報導，內地「滴滴出行」似乎打算競投本港專營的士，更為此摸底；換言之就係億億聲北水，隨時湧入香港的交通行業⋯

滴滴出行，原本叫滴滴打車，2012年起發跡自北京，後來同快的打車合併，推「快的」App時，早已有毛有翼，其後收購Uber中國，時至今日，已經係連美國Apple都有股份嘅call車界巨人﹗

近月仲盛傳滴滴喺內地會作價4.3億元人仔，全面收購第三方支付機構「一九付」，若然屬實，滴滴喺內地就隨時可以一條龍式運作；待日後滴滴全面殺入香港投取專營權，與旗下日益普及嘅「快的」App產生協同效應後，素來霸氣嘅本土的士業界，即使罷駛多幾次，都難以抗衡。

（圖片：他們同樣因為截唔到車而創業，如果當年截到車，世界就會不一樣。）

更重要嘅係，滴滴殺到，難保Uber唔會翻生。事實上自從消息一出，隨即惹來熱話，皆因滴滴出行創始人兼CEO程維（上圖左），當年點解創辦滴滴？其實，同Uber創辦人Travis Kalanick一樣（上圖右），原來：

都係截唔到車﹗

難怪有網民話，如果班的士大佬肯合作，就唔會「前有Uber，後有滴滴」啦；似乎一眾的士大佬惟今之計，只有合作一條路？

（根據最新的士牌價，行情正在往下沉）

重溫：創辦Uber係因為「等唔到車」

資料來源：taxixchange, 《明報》

回帶︰賤格的士司機惹公憤

=============== 財經精選資訊tumblr網站「中環街市」 / 臉書粉絲頁

[centralmarket]

Bill gates首富地位動搖  將被超越

如果問你，全球首富係邊個，你答Bill gates呢個答案，原來好快會成為歷史，因為即使佢有862億美元身家，到頭來，佢都會輸俾亞馬遜嘅創辦人兼CEO Jeff Bezos⋯

隨住亞馬遜股價水漲船高，突破900美元（現報906.83），令Jeff Bezos嘅身家去到782億水平，開始拋離股神巴菲特之外，與Bill gates嘅相差，原來已經不足10億美元。

（圖表：過去一年Jeff Bezos身家變化／來源：bloomberg）

目前已有分析指出，只要亞馬遜股價去到1000美元，假設Bill gates財富維持現有水平，就大有可能被Jeff Bezos超越，失去全球首富寶座﹗

更重要係，市場上暫時唔少報告都睇好亞馬遜，BMO Capital Markets股票分析師Daniel Salmon甚至睇好佢會升到1200美元；如此一來，首富易位，似乎已經係遲早會發生嘅事。

事實上，亞馬遜於2017全球250大零售業排名，已由第186名躍升至第10名，早已證明佢唔只係網上成功，而係物流同零售一齊成功。

再加上，亞馬遜似乎仲有「大把貨」，據了解其近排推出無人機送貨，反應不俗，同埋於美國境內推行名為Amazon Cash嘅全新支付服務。

雖然，所謂首富說穿了都係堆數字遊戲，但始終Bill gates坐得耐，大家都會有感情；如果Bill gates退位了，其實亦代表以他為首嘅時代，亦正式過去了，相信，未來是網絡混戰的年代吧？

（綜合資料來源）

即search！亞馬遜成功之道

=============== 財經精選資訊tumblr網站「中環街市」 / 臉書粉絲頁

[centralmarket]

雄安「副都心」 五年就起貨

薯粉之前一直疑惑習大大何解唔多理會特首選情，謎底日前終於解開，原來習大大忙打造雄安新區「千年大計」，此國家級建設更以特襲方式公布，消息一出震撼十三億人⋯

雄安毗連北京及天津，官方定位為主力分擔北京「非首都功能」的新區。喜歡到東京及台北旅行的朋友，都會即時明白這個區將成為北京的「副都心」，據說這個「副都心」更會注入高等教育及創新科技兩大功能，並要成為綠色智慧型城市，難怪內地網民會形容為雄安新區將成為習大大治國理念的「示範單位」。

面對雄安「副都心」熱潮，我們要思考三個課題，一是這個「副都心」是堅做定得個講字，從深圳市委書記空降成為河北副書記，雄安新區又火速執行物業買賣冰封令，加上傳聞各大中資巨企領導都要上京了解此「千年大計」，相信今次堅做的成數頗高。

二是由概念到成型，雄安「副都心」究竟要搞幾耐。既然新華社以深圳及浦東類比雄安的戰略意義，我們不妨回顧一下這兩個區的發展速度。深圳於1980年正式啟動發展，但要經歷20年深圳才成為領先全國的超級都會。上海浦東發展在1990年上馬，1991年南浦大橋率先落成，到1999年科學園、金貿大廈及機場等大型基建已陸續啟用。來到2017年，內地要傾全國之力打造一個「副都心」，相信五年起貨已是很保守的估計。

三是有乜股好炒，雄安新區大計公布後，河北房企、基建水泥及已在當地有業務的企業股份火速被炒起。但既然是「千年大計」，當然會充分利用內地超級企業的財力催谷這項國家任務，所以上述股份只是前菜，之後陸續曝光在雄安插旗的企業名單才是主菜。

有贏家當然就有輸家，國家要大力發展雄安「副都心」，創新科技又與深圳的招牌產業重疊，深圳概念股將可能被炒家冷落，至於本地地產股，連抵禦內房來港搶地都如此被動，相信雄安發展大計分到的餅亦很有限，散戶想當然以為港商在內地大型項目還有優勢的話，就未免太一廂情願了。

最熱搜尋︰雄安概念股

=============== 財經精選資訊tumblr網站「中環街市」 / 臉書粉絲頁

[centralmarket]

30歲，勿花太多錢養子女

唔好以為30歲，有啲錢，創下業，好易發達；原來有唔少問題，係要人到中年，先要倍加留神；悄一不慎，隨時發唔到達，仲會令你變返窮L。

話說有外國企業家，分享咗幾項30歲理財陷阱，我哋一齊睇睇⋯

1. 身上太多信用卡

信用卡看似係幫到手嘅工具，其實只係幫信用卡公司，搵你錢嘅工具。

2. 結婚無諗清楚

以為兩公婆合力供樓，就可以亂來。原來，唔傾清楚婚後使錢習慣，隨時增加唔到財富，仲會影響關係，最後離婚分身家，得不償失。

3. 花太多錢在子女身上

唔少父母以為要買最好嘅嘢畀小朋友，結果30歲開始過度消費，卻無注意到，原來自己財政搞唔掂，更唔好講買樓了；到子女長大後，才發現家人「一無所有」，到頭來，大家都唔快樂。

（圖片：到子女大個，先發現原來一無所有。）

4. 中年都無諗退休

10歲時，你無理由諗退休，但30歲都唔細，係時候計劃；唔好再以為，你可以好似李嘉誠咁，搵錢搵到老。最後無錢嘅人，通常都係25-35歲嘅時候，無諗過退休。

5. 打死一世工

收入單一，以為老細係再生父母，但其實，你同僱主只係普通關係，有錢就有錢，無錢就無錢。人到30歲，如果都唔諗工作以外嘅收入來源，去到窮困時，就只能靠前老細打救了。

6. 無預自己有病痛

呢項應該幾有共鳴。外國有研究話，1/4嘅20歲年輕人，到67歲時有機會不良於行；有無諗過，唔郁得嘅時候，啲錢邊度來？套用在香港，MPF似乎唔多夠食，關鍵都要自己儲蓄，倒如每月2-3%收入，唔益專家，自己儲起都好呀。

以上6項，有無邊樣自己中咗？趁掃墓，係時候上山認真思考一下，應該點做；常言道，積穀防饑，幾時都啱嘅。

資料來源：entrepreneur

回帶︰俾個仔怨無樓 ===============

財經精選資訊tumblr網站「中環街市」 / 臉書粉絲頁

[centralmarket]

買賣雙方都睇好樓市

有年輕朋友不明白，政府已經表明在未來三至四年供應量有9萬4千個住宅單位，耶倫亦表明今明兩年會加大約六次息，但耶倫並没有說在加了這六次息之後唔會再加息，點解樓市可以無止境上升，我話如果是官員問我，答案是市民不相信官員，認為政府沒有能力提供足夠的供應量，所說的9萬4千個單位是假大空，即使可以做到，都不會是四年內的事，供應不足，樓價自然上升。

我不知道是什麼原因，不少大行分析師都表示即是美國繼續加息，香港仍然可以唔跟隨，就算美國在今年內加三次息，香港只需要加一次，而事實上，香港已經有三次沒有跟隨美國加息，理由就是熱錢太多，但分析員沒有說當熱錢流走，香港就要比美國最少加多三次息，到明年底，就要加八次息，如果每次加0.25%，即是要加2%利息，如果向銀行貸款500萬的話，每年要多付10萬元利息，不可謂不驚人，但大家一定要知道，加息潮並不是在明年底終結。

現在物業市場上有一個怪現象，就是什麼因素最終都會被演繹成利好消息，以最近一次美國加息為例，評論員話耶倫放鴿，我當時很奇怪，耶倫加息，點算是放鴿，原來評論員估計耶倫今年加五次息，耶倫維持加三次，所以是好消息，由於什麼原因都會被演繹成是好消息，而且買賣雙方深信不疑，買家當然是好消息才會買樓，就算出高些少也是正常，但賣家見如此多的好消息仍然賣樓，他要的價錢一定不會便宜，甚至高於市價很多，當買賣雙方都睇好樓市，樓價就會屢創新高，我估計這個現象還會持續一段時間，直到影響樓市的負面因素被確認，買方或者賣方對樓市態度有所改變，樓市才會平穩甚至下跌。

Yahoo地產

=============== 財經精選資訊tumblr網站「中環街市」 / 臉書粉絲頁

[centralmarket]

如果你只是努力工作  你不會富有

唔知大家有無聽過，外國寫過好多投資書嘅Ric Edelman？話說佢本新書剛剛出版，入面就講到，打工仔點都要炒股票嘅原因⋯

本書叫做"The Truth About Your Future: The Money Guide You Need Now, Later, and Much Later.，暫時未有中譯本，大意就係同大家一齊探討金錢世界點樣運作，人類「錢途」到底係點⋯講到底，就係冧巴真相。

例如佢話，「如果你一生中只有努力工作，到底來你點都唔會富有，因為努力不會帶給你財富⋯」又例如佢話，「自從1920年代開始，股市平均每年回報都有10%，所以相對容易透過較高嘅個位數字回報，去享受複利。」相反，歷史告訴我們，放入銀行只得少於1%回報。

就好似玩《大富翁》咁，靠經過起點嗰2000蚊，即使你成日擲出5同6，好努力咁行，最終都係會輸；反而小本經營，就算只係買梅窩，日日喺監獄偷懶，你都有機會富有。

喺本書入面，Edelman又提到好多趨勢，例如Fortune 500，2025年時會有4成將會消失；此外最難得嘅係，平日講將來嘅理財書，只會同你死板計數，但呢本，係同你一齊預測將來發生乜事，例如robotics、nanotechnology、biotechnology等等等等⋯⋯

講番呢點又係，唔通30年後，仲係靠買騰訊發達咩﹗（可能啦）

（圖片：港新版大富翁，梅窩已經無得買。）

本書連結喺呢度：書

=============== 財經精選資訊tumblr網站「中環街市」 / 臉書粉絲頁

[centralmarket]

外國CEO：成功人士如何處理壓力

有人話，你承受到幾多壓力，自然就受得起幾多財富，或者對呢班成功人士來說，可能秘訣真係咁。

有外國職場網站列出幾位成功人士建議嘅減壓心態，睇下自己有無邊樣做得到⋯

1. 亞馬遜CEO Jeff Bezos

Jeff Bezos覺得平日要保持笑容，笑，就有出頭天。剛剛成為全球第二富豪嘅佢認為，壓力係源於你無行動，只要有行動，壓力就得以減低。

2. 股神Warren Buffet

股神巴菲特獨愛玩ukulele減壓，玩到上埋電視，已經唔係秘密，但好多人唔記得，原來玩音樂真係可以減壓。

3. PepsiCo CEO Indra Nooyi

佢媽媽教落，每日諗下自己做元首／總統會點，每日代入唔同人物去諗，自自然然人生就無壓力；套入香港情況即係，只要每日都幻想下自己做特首，代入當中角色，就可以減壓。

4. Facebook COO Sheryl Sandberg

反其道而行，佢認為要減壓，就係唔好上網兼關電話⋯唔通，facebook都係壓力來源？

5. YouTube CEO Susan Wojcicki

佢認為最緊要嘅，就係家庭生活，好多人，就係忘記愛回家休息。

6. Bill Gates

佢認為，只要將事情簡化，人生，就會少好多壓力；加上每日睇一小時鐘書，慢慢，你就會有Bill Gates的心靈財富了。

7. Elon Musk

無視恐懼，當周圍啲嘢無到，唔好怕，就已經係減壓第一次步，佢話：「恐懼有限，而希望無限⋯」

資料來源：businessinsider

=============== 財經精選資訊tumblr網站「中環街市」 / 臉書粉絲頁

[centralmarket]

這一代年輕人   注定要工作到75歲

（文章授權自黃大米粉絲團）

台灣老人化速度之快，在全球名列前茅，可是走一趟各地之後卻發現，台灣人普遍沒有想到自己會「長夀」。更沒有想過，自己必須一直工作到老。

老人化，一般人都以為是在講老人，其實它是在說未來的自己，也就不會深刻去想，它對自己在生涯安排上的影響有多深？明顯的是缺少「歷史觀」，以為此時此刻就是永恆，用現在的觀點看待未來的人生發展，以致失焦，也失準。

台灣老人化速度之快，在全球名列前茅（編按：香港人口老化也很嚴重，長者人口錄得破紀錄的117萬，佔整體人口16%），可是走一趟各地之後卻發現，台灣人普遍沒有想到自己會「長夀」。我受邀演講，在現場問聽眾的結果是，北部人較多認為會活80歲，中部人75歲，南部人70歲，可是實情是—

去年統計，台灣的平均夀命已經來到80歲，被統計的人是往生者，換句話說，目前的活人一定超過80歲！現在出生的嬰兒，半數將活105歲以上；15至34歲的千禧世代則一半是百歲人瑞，聽到這裡，聽眾無不倒抽一口氣，紛紛表示，

「活這麼老，很辛苦，我不要！」

夀命，不是我們能決定的！

這種心情，我也有過！時光倒退20年，朋友曾經推荐某位算命師，一定要拉我去算，算命師一一講著我未來的每個10年運勢，講到95歲時，突然筆一扔，說95歲以後看不到了，意思是我的大限是95歲！當時30出頭，我並沒有高興，第一個反應便是，

「活95歲，太老了，我不要！」

那時候社會上還沒有人在講老人化議題，平均夀命70啷噹，朋友當然是恭賀我長夀，現在才知道像我這個年代的人，活到95歲一點都不稀罕，哪裡算得上是長夀！可是，不管要或不要，夀命有多長不是我們能決定的，這是人類命運必然的走向，由不得我們有意見！

最近，看了一本新書《人類大命運》，全球矚目的新銳歷史學家哈拉瑞（Yuval Noah Harari）繼《人類大歷史》之後再一本暢銷巨著，筆觸幽默犀利，站到未來，往回看現在這個時間點，依照人類歷史發展的走勢，大膽提出一個震撼的命題，「假設可以長生不死，人類會怎麼看待人生，會怎麼安排生涯？」可以想見的，一定和你我大不相同！

長夀，就是缺錢！就是要工作！

不過，不必到長生不死，就算只活95歲，聽眾第一個想到的是什麼？這一題的答案倒是全台灣一致（編按：香港人也一樣要面對臨老過唔到世的問題），不是健康、朋友、家人等，而是—

「缺錢！」

是的！多數人以為只會活75歲，養老金就存到75歲為止，當答案揭曉夀命是95歲，準備的錢一定不夠！可是台灣人卻少有想到，老人沒錢時，要靠工作才會有錢！因為台灣人習慣早早退休，社會上不常看到老人在工作，所以腦海裡不會出現這個選項，而這樣的退休觀念早已落伍，與時代背道而馳。

台灣的平均退休年齡，去年創新高，「高達」58歲，退休後不工作約22年，媒體當作大新聞大肆報導，但是環顧其他國家，會發現我們並不是自己認知的「勤奮水牛」。依照2012年統計，日本平均夀命83歲，近70歲退休；韓國夀命81歲，71歲退休；美國夀命78歲，65歲退休；連熱情浪漫的西班牙都是61歲退休…他們的退休年齡都來得比台灣晚，退休後不工作的歲月短到只有13年，台灣悠閑時光則是多了9年！

老來還要辛苦賺錢

像我的年紀，65歲才可以領全額勞保年金，年輕一代無疑的一定上看75歲，養老金若未存夠，必須工作到75歲！當我在演講現場，提出這個預言，無不倒成一片，臉色慘綠…是的，沒有人想要工作到75歲，因為—

「未免太『老歹命』（老來還要辛苦賺錢，即命苦）！」

勞保年金延後請領是各國走勢，今天澳洲得要70歲才可以領，英國則是67歲，台灣也不例外的會往後延，再加上年輕一代的薪水倒退，夀命延長10歲，不具條件像他們的父母只需要工作到65歲。

還是那一句話，不管你要或不要，工作到這麼老是命定的！反而要想的是，怎麼讓自己到中年以後，還留有價值，企業肯錄用自己繼續工作。競爭力必須從年輕時開始培養，否則老來能跟年輕人搶小7的工作嗎？憑自己的體力與反應力，恐怕連小7的工作都做不來。

然而，一般上班族並未覺醒到長夀對職業生涯的影響，企業也好不到哪裡去！我在人資界負責招募的朋友無不叫苦連天，人愈來愈難找，找到的人素質愈來愈差，一般都以為人才流失，其實那是少數有本事的精英才能外流，真正原因是年輕人口變少，根本是無人可找！不論我到哪家企業，問他們要用幾歲的新人，得到的數字都是相同：

「35歲以下！」

問題是，少子化與老人化交叉影響之下，青年人大量減少，中年人大幅增加，今年2月台灣首度出現老年人口多過幼年人口，老化的速度不斷加快中。光是這10年前後，25至34歲減少64萬人，35至44歲增加26萬人，55至64歲增加100萬人，偏偏企業還在緬懷過去的美好時光，非要鎖住青年人不可，說真的，就鎖死自己吧！

多香蕉，也找不到猴子

有一天，一位人資朋友沮喪的告訴我，他的主管明明知道人口結構改變了，還是堅持只錄取青年人，寧願撒下重金，提高內部推荐的獎金，就是不用中年人。朋友整個頭殼抱著在發燒，不斷的說這是不可能的任務，還指出：

「現在是多給香蕉，也找不到猴子的時代！」

台灣就這樣陷入兩難之中…中年人找不到工作，企業找不到青年人（編按：香港也不是一樣嗎？）；年輕一代必須工作到75歲，卻把頭埋在沙堆裡，幻想著65歲退休養老…原因就在於我們沒有認清楚歷史真相，昧於事實的後果是被歷史甩在洪流之後！因此，不論是上班族或企業，何妨讀讀這本《人類大命運》，知道歷史走向，順天行事，而不是逆天行道，與歷史拔河，浪費時間！

每個人都是一步一步走向未來，也是一步一步走入歷史，歷史與未來不過是瞬間的切換，有了歷史感，才會有未來感，明白下一步何去何從，做出正確的決定。且讓我們每個人都能夠掌握人類大命運，預知未來，做好生涯安排，迎向有品質的長夀人生。

內容授權自黃大米fb粉絲團：https://goo.gl/BbgfBh

=============== 財經精選資訊tumblr網站「中環街市」 / 臉書粉絲頁

[centralmarket]

你會睇樓當拍拖嗎？

原來，「有樓有高潮」已經out，近日有地產從業員專頁發現，有網媒竟然教人慳錢拍拖節目，就係去睇樓；原來睇樓當前戲，一樣唔少得。

此慳錢「節目」一出，當然激嬲咗一班從業員，該專頁admin仲話咁樣教路，同教人玩二手經紀，「去大家樂拎杯水坐一日」根本無分別⋯

可能，你會話係大驚小怪，畢竟星期六日拍拖時間，向來都係情侶睇樓黃金期，唔使佢教，其實來來去去都係呢啲時間去睇；之不過睇返個post，其實最嬲嬲嘅，應該係教人「免費欣賞家居裝修設計」呢句，直接教人混吉，相當明目張膽。

地產從業員近年「做狗」新聞不絕，你仲要教人混吉？當然嬲嬲。

可能，睇樓當拍拖係一舉數得，例如潛移默化另一半要努力工作買樓；又或者睇多啲令自己唔使再信專家；又或者真係浪漫「滿屋」，睇樓真係好過癮。

但為上車會否過於病態了？將愛情建基於樓盤之內，似乎狹隘了一點；希望香港唔會最終有一日：

「無樓無愛情。」

資料來源：我做地產為了搵錢，唔係貼你買樓

=============== 財經精選資訊tumblr網站「中環街市」 / 臉書粉絲頁

[centralmarket]

巴菲特被超越了﹗貝佐斯成了全球第二

想不到事情真的發生，話說日前亞馬遜最大股東、創始人兼CEO貝佐斯（Jeff Bezos）終於超越股神巴菲特，成為全球第二富豪。

根據資料，現時巴菲特身家達到749億美元，之前受惠於trump trump新政嘅升幅陸續回吐，而貝佐斯則受惠於亞馬遜股價創新高，身家達到756億美元，此消彼長之下，兩人終於易位⋯

亞馬遜股價咁凌厲，皆因獲巴克萊分析師Ross Sandler份報告大幅唱好，根據報告話，亞馬遜因為好多瓣都好有潛力，例如電子商貿、雲運算、視頻物聯網等等，有望成為首批市值達到1萬億美元嘅企業之一；Sandler仲話，勁睇好亞馬遜嘅B2B產品，有望為貝佐斯帶來2萬億美元以上收入。

（來源：bloomberg）

Sandler預計今年亞馬遜每股收益12.19美元，比之前市場預期高出接近七成。

其實，對比佢同巴菲特，真係南轅北轍，巴菲特先剛剛放棄實體而改投科投，擁抱蘋果，而貝佐斯則作為雲端上嘅人反其道而行，近年關注實體生意，甚至開埋實體書店，覺得實體有得做。

本網之前都刊登過一兩篇貝佐斯嘅理念同智慧，適逢此時想重溫，不妨睇睇。

1. 巴菲特說：你不可能比他做得更好

2. 一盤逾20年的網購生意   為何Amazon會成功？

資料來源：CNBC

=============== 財經精選資訊tumblr網站「中環街市」 / 臉書粉絲頁

[centralmarket]

老實講，香港是否很無聊？

台北市長柯文哲一句「香港一個小島有什麼好看的？」激起中港網民討論。有人話，只係香港島無聊，亦有人解釋，其實香港係一個「群島」。

無論點都好，仲記得「香港無聊論」其實一早有旅遊業界人士講緊，大意係：「香港其實無嘢玩。」咁到底係唔係真？不如從衣食住行四大方面，睇下香港，係咪真係咁無聊⋯

1. 衣

好多人話喺香港買衫唔會悶，多細舖，唔同款，但今時今日嘅香港，似乎已經無咗呢支歌仔唱﹗行入葵涌廣場，已經無乜好衫。平時出國搵開outlet買衫嘅香港人心知肚明，行過廣東道，成條街，來來去去幾個品牌，加上服務員態度真係好好，所以喺香港買衫，其實都唔係咁過癮。自從銅鑼灣Forever 21旗艦店撤出，都多多少少預示咗零售寒冬，會惡性循環。

2.食

唔去「大字頭」已經唔錯，來來去去都係翠華、譚仔、澳牛，全部光速餐，快到根本嚟唔切感受香港，旅客一次食完，好難回頭。最近連巴西肉類都無埋，唯有食日本料理，但日本料理呢方面，台灣從來都唔遜色，又難怪柯P會悶。其實，飲食業近年受到挑戰連連，前有請人難，後有舖租貴，加埋個廢物徵費，仲撐得住，算係咁。

（圖片：或者金色的翠華夠吸引）

3.住

大酒店格局無點變，前景灰灰沉沉，連爪哇控股都要申請擬將皇冠假日酒店重建成商廈。

香港寸金尺土，要來享受家庭式精品民宿，一定No way；雖然都有青年旅舍美荷樓，但數量始終有限，加上近年離島逼過旺角，想好似幾十年前咁去信和book間長州單位遠離人煙係絕無可能。

近年唔少賓館開張，或者柯P來香港旅遊，可以到旺角體驗一下夜生活文化。至於香港居民就更加唔使講，有錢才能任性，屋苑有個會所，已經幾生修到。

4.行

去玩，去癲，去ocean park⋯但咁多年嚟，都係去玩，去癲，去ocean park，或者加個迪士尼。景點有限，啲地標被政府拆來重建起樓；放假，唯有去郊野公園BBQ燒時間。

事實上香港旅遊業景點正在老化，未能吸引「回頭客」。早有立法會議員提出，旅客人次自2015年開始下跌，係因為遲遲都無新景點，其他旅遊價值資源包括郊野公園、地質公園、博物館、歷史建築、非物質文化遺產項目等，政策全無著落。所以就算柯P來港，相信都只係去欣賞一下「幻彩詠香江」，欣賞完，就去尖沙咀誠品逛逛吧，逛完再去現時點看動漫模型，就可以完結一天旅程。

（圖片：柯P會去尖沙咀誠品，看看跟台灣的有什麼不同嗎？）

其實睇完上述活動，都唔算「香港一個小島有什麼好看」啦。

=============== 財經精選資訊tumblr網站「中環街市」 / 臉書粉絲頁

[centralmarket]

【大班椅】 別低估居屋富戶的威力（藍友斑)

呢幾日係業主群組入面，討論得最起勁的，就係將未補地價居屋出租呢件事。眾業主對於呢個措施，幾乎係一面倒地支持。

或者大家會覺得奇怪，如果居屋可以出租，市場租盤供應增多，豈不是會拉低私樓的租值？沒錯，這個影響大家都有所預期，但係業主們的睇法，就係此舉將再次釋放新一批的市場購買力。

一切源於林鄭在政綱中的房屋政策，她主張將未補地價的居屋單位出租，觀乎全港數據，她建議將大約25萬個未補地價的居屋單位，透過政府與社企的合作，將空置居屋出租，增加市場住宅供應。

這裡我們先假設林鄭的計劃成事。

呢一個措施，說穿了會引發另外兩個效果；沒錯，居屋租盤將會多了，但原先要補地價才可以出租的居屋，現在即是不用補地價，亦可以擁有一定的市場租值。換言之，綠表、白表的居屋價錢將會上升，居屋業主身家升值自然理所當然，可預視市場上將出現一大班居屋富戶，此其一。

如果居屋價格升了，居屋業主身家又賺了一筆，原先打算以百萬資金去補地價後，將物業出租的業主們，在林鄭新政策下，可名正言順免地價將手上的居屋單位出租！他們即可省掉這筆地價費用，而這筆本來用於補地價的資本，放到市場上，就等於釋放了一筆市場上全新的購買力，居屋業主們大可以用這筆錢，去私人二手市場中尋寶，此其二。

這兩點將導致如此結果：私樓價格將更進一步爬升。

所以本身擁有私樓的業主們，討論完後怎會不歡喜？

另外，林鄭亦在電台上表明，說過去政府已加了幾次重招，客觀結果只能減少投資性炒賣，因此，長遠黎講，無可能再靠加辣，去遏抑用家需求。

此番話中有話，意即林鄭承認如今入市買樓的人，都是用家市場，任你點出招，用家仍係要買樓，需求強勁，樓價試問點跌？在她治下的樓市，藍友斑目前看不到有跌市的可能。

香港人咁鬼有錢，擁有全球難得可見實力用家市場，無論政府點出招都好，都只能小修小補，無法真正抑壓樓價。香港呢塊彈丸之地，樓價將再一次創下世界奇觀，試問各位淡友們，呢次問你服未？

作者：藍友斑（建築師、合伙人，業餘寫作，夾雜新舊世代之間，寫盡港式生活故事）

Search! 樓市泡沫爆破三個信號

=============== 財經精選資訊tumblr網站「中環街市」 / 臉書粉絲頁

[centralmarket]

騰訊下個目標  可能係呢塊Pizza

股王騰訊以17.78億美元入股Tesla，市場憧憬兩大科技巨企有更多合作機會，刺激騰訊股價突破230元心理關口。如果騰訊再次出擊入股美國企業，究竟下一個目標係乜？

騰訊今次押注Tesla，可以看到業務緊扣生活、擁有創新科技、有本事改變未來的企業才符合騰訊胃口。環顧美股市場，Domino Pizza有兩大條件成為騰訊入股的另類選擇。

首先是科技宅最喜歡叫外賣，而Pizza更是大熱之選。Bitcoin第一單交易，正是一位用家豪花一萬個Bitcoin購買兩個Pizza，所以Pizza可說是最具Cyber色彩的美食。其次是Domino Pizza本業是外送Pizza，但同時獲市場公認是一間創新科技企業。皆因外賣服務要快要準，正提供大量空間讓Domino Pizza引入新科技，Domino Pizza除了接受用戶透過Twitter、Alexa、Google Home或Apple Watch等不同平台及裝置訂餐，用戶只要預先在官網登記帳號，更可以用Twitter輸入emoji訂餐，連打字功夫都省掉。Domino Pizza亦積極研究無人車及無人機外送服務，改變未來的本事實不下於Tesla。

Domino Pizza還有一項吸引之處，就係集團在中國市場發展只算一般，即代表尚有大把增長空間。近年內地大城市外賣市場發展迅速，騰訊亦與美團外賣合作進軍這個市場，如果成功入股Domino Pizza，這條戰線就多了一個強勁盟友，只要有發展想像空間，騰訊股價便有力再上，這塊Pizza似乎食得過。

===============

財經精選資訊tumblr網站「中環街市」 / 臉書粉絲頁

[centralmarket]

倫敦豪宅  掀辦民宿潮

平價民宿你一定住過，但天價民宿，你又住過未？英國今日正式脫歐，而近日市場討論焦點，亦係圍繞英國樓。

原來，有一整棟倫敦豪宅因為兩年都搵唔到買家，最後都轉埋民宿；該民宿住一晚要1500蚊英鎊，非常適合，有錢無地方使嘅中產人士⋯

據了解，該「民宿」位於倫敦海德公園（Parkside, Knightsbridge SW1X），有4間睡房，約2400平方呎，本來賣緊865萬英鎊，但因為同其他英國樓一樣長期無人問津，於是近日轉做民宿。

事實上，至2月為止嘅半年內，倫敦最高檔地區可出租嘅房源，增加咗成20%，一來係因為上年開始成交量屢創新低，啲業主同代理都紛紛賣轉租，增加返少少回報，二來係暫時透過airbnb，都仲係好搵。根據資料，倫敦Airbnb主人每年約可額外賺到26.6萬英鎊，回報似乎好過，近年已漸漸僧多粥少嘅日本同台灣。

當然，亦有一說係話因為脫歐，所以暫時好多投資者都抱觀望態度，等英鎊低水再撈底。

（圖片：呢間屋，真係幾豪。）

（圖片：個景差少少）

（圖片：去旅行，去到盡。）

不過呢篇文始終唔係廣告，隔山買牛記得要有位仙人指路先好買；如果無錢買，會唔會諗下住返晚，扮下有錢人？

資料來源：bloomberg

===============

財經精選資訊tumblr網站「中環街市」 / 臉書粉絲頁