Chan

[christopherrollo]

Padyak hanggang Intramuros Bridge

Noong Mayo 1, 2022, kami ay pumunta sa Intramuros Bridge. Iba't ibang lugar ang aming napuntahan sa aming pag padyak. Ang saglit na oras na paglaklakbay namin ay kulang at hindi sapat.

Ang Intramuros Bridge ay matatagpuan sa Binondo-Intramuros. Kami ay bumyahe gamit lamang ang bisikleta mula alas sais ng gabi hanggang alas onse ng gabi. Ang Intramuros Bridge ang pokus naming paglalakbay ngunit bago namin patunguhan iyon ay may mga ilang lugar pa kaming nadaanan tulad ng Quiapo Church, mga Museum, Luneta Park at marami pang iba. Naging masaya ang aming pag bibisikleta dahil marami kaming napupuntahang lugar at marami kaming mag kakasama. Naging maayos ang aming paglalakbay at nawala ang pagod nung natungo na namin ang aming destinasyon ay ang Intramuros Bridge. Maraming tao roon pagpunta namin, hindi mo maikakaila na naging "Tourist Attractions" ang Binondo-Intramuros bridge dahil sa angking ganda at mga ilaw nito.

[christopherrollo]

Minsan kailangan nating lumayo sa lugar na kinagisnan natin para huminga sa gabundok na trabaho at upang makapagpahinga sa mga problemang ating pinagdaraanan. Minsan mayroon namang naglalakbay upang makalimot sa mga pinagdadaanan sa buhat at ang iba naglalakbay upang makakilala ng bagong kaibigan. Ang iba naman ay nagpapakalayolayo upang hanapin ang sarili o kaya mas makilala ang sarili. Halina't kalimutan muna ang problema at tayo ay maglakbay sa tunay na kagandahan ng mundo.

Ito ang tagaytay na sikat na pasyalan tuwing bakasyon at kilala dahil sa katamtamang kilma nito.

Noong Oktubre 6 2022 pumunta kami ng tagaytay kasama ang pamilya ko upang dumalo sa kasal ng kamag anak namin, una pumunta kami sa Our Lady of Lourdes Parish kung saan ikakasal ang pinsan ko, naging madali ang pag byahe namin dahil gamit namin ang sasakyan ni tita (kapatid ni papa). Sumunod pumunta kami sa Balay Dako kung saan ginanap ang Magarbong Kasiyahan, nag karoon ng mga palaro, sayawan, kantahan. Napaka saya ng araw na yon dahil kinasal ang pinsan ko sa kan'yang asawa na germany at naging dahilan din yun para mag sama sama kaming mag kakamag-anak.

Sumapit na ang gabi mararamdaman mo na ang malamig na simoy ng tagaytay at doon mo makikita kung bakit gustong gusto pasyalan ng mga tao ang tagaytay, hindi lang sa malamig na simoy nito kundi sa likas na yaman at kultura sa tagaytay na kamangha-mangha.

[christopherrollo]

Ako ay nakatulala

Sa lugar kung walang madla;

At ang isipan ko'y binabaha

Ng hindi ko nasabing mga salita

Puting buhangin. Matatanaw ang ganda ng isang karagatan sa bawat pag lubog ng araw. Kulay kahel na kalangitan na masarap pagmasdan. Gusto kong maramdaman ang malamig na simoy ng hangin kasabay sa paghampas ng tubig sa puting buhangin. Tanawin na kay sarap alalahanin. Sa bawat lugar na aking tutunguhin, may Iba't ibang katangian ang salitang "kagandahan", nag-uumpisa ito kung paano mo tignan at kung paano ka pakitunguan ng mga taong tinatawag itong tahanan.

Noong Abril 29 2024, pumunta kami sa Zambales kasama ang pamilya ko upang mag diwang ng reunion ng aming mga kamag-anak. Umalis kami ng alas-dyis ng gabi at nakarating kami ng alas-kwatro ng madaling araw sa Zambales. Nakakapagod at nag pahinga at natulog muna kami saglit at pag gising, dito ko naramdaman kung ano ang kahulugan ng salitang kagandahan, kasama ang aking mga pinsan. Nilibot namin ang natatanging ganda ng Zambales. Isa sa pumukaw sa akin ang ganda ng karagatan sa Zambales. Makikita ang taglay nitong puting buhangin kasabay ng masarap na hangin. Masasabi kong iba ito sa lahat ng aking napuntahan dahil ang Zambales ay ang probinsya oh tahanan na sinimulan ng akin' (Ina) magulang. Mala paraiso kung akin itong ituturing.

Sobrang saya nang kami ay matulog sa gilid ng dalampasigan. Masasabi kong maganda ang pangyayaring ito dahil nakilala ko ang aking mga pinsan at mga kamag-anak. Marami kaming aktibidad na ginawa tulad ng kinasanayang laro na luksong baka, habulan at marami pang iba.

Hindi lang sa magandang tanawin at pagkain ang ipagmamalaki rito. Pati na rin ang pakikitungo ng mga tao. Mararamdaman mo talaga kung paano ka anyayahin sa kanilang bayan (syempre kamag-anak). Pagmamahal sa kapwa Pilipino pati na rin sa mga dayuhan. Talagang ikaw ay bibilib sa mga tao sa Zambales. Babalik balikan nga kung ituturing. Ang natatanging kagandahan.