To the guy who now owns her heart
Hindi ko alam kung paano to sisimulan. Hindi ko nga alam kung bakit ko to sinusulat pero bahala na.
Maswerte ka. Maswerte ka hindi dahil sa nakahanap ka ng “perfect” na tao. Maswerte ka hindi dahil sa nasakanya na ang lahat. Hindi ganun. Maswerte ka kasi iba siya sa ordinaryong mga babaeng makikilala mo. Maswerte ka kasi konti nalang yung katulad niya. Maswerte ka kaya please lang, alagaan mo siya.
Alagaan mo siya higit pa sa binigay kong pagaalaga sakanya noon. Alagaan mo siya higit pa sa pagaalaga na ibibigay niya sayo. Alagaan mo siya na kung pwede, hinding hindi siya iiyak o malulungkot. Siguraduhin mong lagi siyang masaya. Kasi kapag masaya siya, dun siya pinakamaganda.
Yayain mo lumabas pag libre ka. Yayain mong manood ng sine o kumain sa kung saan saan. Sasabihin niya diet daw siya, na ayaw niya tumaba, pero wag ka magpapadala. Matakaw din yan, nahihiya lang.
Yayain mo pumunta sa mga lugar na gusto niyang puntahan. Alam mo, may mga listahan kami dati na gusto naming puntahan pag dating ng panahon. Pero ngayon, siguro ikaw nalang ang sumama sakanya para sakin. She loves adventures. Sobrang dami niyang gustong puntahan pag nagkapera na siya, malalaman mo din yung mga yun, at sana samahan mo rin siya papunta sa mga lugar na yun para may magaalaga sakanya.
Take many pictures with her. She loves taking pictures. Handa siyang punuin yung memory ng phone niya sa mga pictures niyo. Gagawa pa yan ng album niyong dalawa sa Facebook sa sobrang dami. And take many pictures of her coz she’s definitely an art.
Surprise her. She loves surprises. Bigyan mo siya ng favorite niyang pagkain on ordinary days, flowers on special occasions and gifts. Spoil her, she deserves that.
Always make her smile. Good morning and good night messages. Phone call bago matulog. She loves babies. Lahat ng makita mong picture o video ng baby, ipakita mo sakanya, ngingiti na yan. Wag mo lang bibigyan ng baby. Tangina ako makakaharap mo. Siya yung babaeng goal-oriented. Mataas pangarap niya, planado na nga buhay niya eh. Wag na wag mong sisirain, ikaw sisirain ko.
Sobrang cute niya pag inaasar. Kilitiin mo nang kilitiin. Pero syempre di ko sasabihin kung san yung kiliti niya, ikaw na bahala maghanap nun. Asarin mong mataba, kahit hindi naman. Asarin mong wala siyang kilay, kasi wala naman talaga. Pero aminin mo, maganda parin. Asarin mo, pakantahin mo. Sabi niya kasi pangit daw boses niya. Kahit para sakin, parang boses ng anghel galing sa langit. Asarin mo lang nang asarin, pero know when to stop. Hindi mo gugustuhin pag nagalit yan.
Suportahan mo siya sa lahat ng gagawin niya. Manood ka ng hosting events niya. Tulungan mo siyang bitbitin mga gamit niya. Samahan mo siyang hintayin yung sundo niya. Wag mo siya iiwang magisa. Samahan mo siya sa mga party ng friends niya. Ipakita mo sa mga tao na mahal mo siya, di mo iiwan at sasaktan, at aalagaan mo siya. Iparamdam mo rin sakanya yun.
Hawakan mo yung kamay niya pag magkasama kayo. Akbayan mo habang naglalakad kayo. Yakapin mo pag magkatabi kayo matulog. Always give her a kiss before kayo maghiwalay. Make her feel special with those little things. Yakapin mo pag malungkot siya, punasan mo luha niya pag umiiyak siya. Ngayon, ikaw na yung lakas niya. Kaya dapat lagi kang nandyan pag gusto na niyang sumuko. Lagi mong palakasin loob niya.
Madami yang ganap sa buhay mapa-acads at orgs, pero hinding hindi yan mawawalan ng oras sayo. Sana ganun ka din sakanya. Oras at effort lang, masaya na siya. Yun ang wag na wag mong kakalimutang ibigay.
Sa totoo lang, ayoko sayo. Hindi kita gusto para sakanya. Hindi ko rin alam kung bakit. Pero sino ba naman ako para magdikta ng mga gagawin niya. Basta sa lahat ng sinabi ko, isa lang naman ang gusto kong mangyari. Ibigay mo sakanya yung mga bagay na hindi ko naibigay noon. She deserves everything in this world, wag mo ipagdamot, wag kang selfish. Wag mong sasaktan, wag mong paiiyakin. Mahalin mo siya higit pa sa pagmamahal niya sayo. At wag na wag mo siyang iiwan. Patunayan mo sakin at sa lahat ng tao na ikaw na nga yung para sakanya. Basta lagi mo lang tatandaan, maswerte ka. Papakawalan mo pa ba?
Sabihin mo pala sakanya, magiingat siya. Andito lang ako kung kailangan niya ng makakausap. Titingnan ko nalang siya sa malayo, dito lang naman ako kung nasaan ako ngayon. :)
turnnoffyourmind
dededos
theartofmadeline
titsay
2087