MInsan nakikita kita, nakita kita kung paano ka umasa. Nadinig din kita kung paano mo hinihiling na pag dumating yung tamang tao sa buhay mo ay ibibigay mo sa kanya ang mundo. Naramdaman kita lalo na nung sinasabi mo ang mga plano mo sa buhay na kung dumating man siya gagawin niyo parehas iyon.
Alam ko ang kwento mo, kung paano ka umaasa at nasaktan. Mahirap, kasi ako din kala mo ako yung mga sinasabihan nila na importante ka, ikaw lang, sa mga simpleng bagay na ganun sino nga ba ang hindi kikiligin diba? Kasa-kasama mo akong naglakabay natututwa ako na kahit ganito magkasama pa din tayo.
Ngayon alam ko may nakilala ka.
Sabi mo may itsura siya, ang ganda ng mga ngiti niya, ang sarap hawakan ng kutis niya, pati ang mga mata niya nakita mo ang mundo. Natuwa talaga ako habang kinukuwento mo sa akin itong mga bagay na ito, proud ako sa’yo kasi alam ko hindi na yung dati yung ikukuwento mo bago naman, masaya ako sayo kasi ang swerte nung taong yun, kasi alam ko you are capable of loving swerte talaga siya.
Nakwento mo nga, ang sarap ng mga labi niya, ku ng paano ka niya titigan, kung paano niya sabihin na baka iwanan mo siya, alam ko namang hindi mo kayang gawin yun. Nasabi mo din kung paano kayo nagkaparehas ng hilig sa mga pambatang palabas, natuwa ka sobra kasi alam mo sa loob loob mo kailangan mo ng isang taong makakintindi ng pagka-geek
Napaka saya ko para sayo, totoo ito dahil sa wakas, Baka siya na nga yan.
Pero natatakot din ako. Paano kung mahulog ka. Kilala kita mabilis kang mahulog. Alam ko hindi kita pwedeng saluhin kasi alam naman natin ang mga bagay sa mundo, natatakot lang ako na baka pag nahulog ka, hindi ko na alam kung paano kita aayusin.
At ayun na nga, lumipas ang mga araw, ikaw ang unang nagpaparamdam, alam ko namn hindi mo mapipigilan sarili mo clingy ka kasi, hindi man kayo pero alam ko gusto mo na maging kayo ang tagal mo kasing hinintay din eh. Pero isang beses sa isang araw lang siya mag-reply . Nalulungkot ako kasi ayan na nakikita na kitang nahuhulog sa kanya at hindi ako maka-alis sa kinakatayuan ko. Hindi ko alam ang gagawin.
Alam ko, kahit hindi mo sabihin, nanghihinayang ka. kasi sayang alam mong may hinaharap sa inyo pero wala eh, baka ginamit ka lang niya, baka nagpalipas lang siya ng oras, baka kamuka mo ang ex niya. Madaming pumapasok sa isip mo kahit hindi mo sabihin.
Naawa ako sayo kasi parang isang napakangandang panaginip ang nangyari, ang masakit panaginip nga lang ito. Dumilat ka na napagtanto mo na tapos na ang isang gabi.
Hindi ko alam ang sasabihin o gagawin kasi ang hirap mong ayusin. Ang gagawin ko nalang siguro ay tatabihan kita para may kasama ka habang hinihintay mo siya na bumalik at ayusin ka.
Paano nga kung bumalik siya?
andulkaphoto
snowghoul
izzy806
blakekathryn
gamechangershow
