Eduardo @eduardt - Tumblr Blog

Esperanto. en la servo. La tutmonda proletaro.

Al mia kamaradoj mortpafita ĉe la fronto forbruligitaj en la hospitalo aŭ ekzekutitaj sur la stratoj de Badajoz in memoriam.

Kun amfervor’ kaj pia plor’ mi vin salulas en la morto, vi kies plei humila sorto kroniĝas nun per lia legenda grandioz', ho fratoj el Badajoz!

Vi falis fro, printempa flor’ de la hispana proletaro, en viv-ofera kontraŭstaro al ĉiuj tiranfortoj de l’ombro kaj ĥaos’, herooj el Badajoz!

Vin, mondokor’, per murda bor’ distruis klingoj, kugloj, splitoj — sed pacripozu sur mortlitoj: venĝontoj plu leviĝos el via sanga ros’, martiroj el Badajoz!

En pura glor’ Ia hommemor’ jam kultos vin per sama beno kun viaj fratoj el Vieno, vi sanktaj plenumintoj de Ia liber-epos’, ho viroj el Badajoz!

G. E. Maŭra el: Sennaciulo 12.444 (25 aŭgusto 1936) 66.

#esperanto #Maŭra #Sennaciulo #1936 #Badajoz #poemo #rimpoemo #esperante #milito #kontraŭfaŝismo

kolektoesperanta

Nia lingvo Esperanto

Senhalte trans baroj, trans montoj kaj maroj

ideo la mondon traflugas plej bela,

disfalas la baroj, forfluas nebuloj,

Espero aperas en nokto senstela.

#Poemo #1912

kolektoesperanta

Se maŝinoj produktos ĉion, kion ni bezonas, la rezulto dependos de la maniero kiel la produkto distribuiĝos. Ĉiuj povus ĝui vivon da luksa libertempo se la bonhavo produktata de la maŝinoj estus kunhavata, aŭ la plejparto da homoj povus iĝi mizere malriĉaj se la posedantoj de la maŝinoj sukcese lobius kontraŭ redistribuo de bonhavo. Ĝis nun, la tendenco ŝajnas esti al la dua opcio, kie teknologio kondukas al ĉiam pliiĝanta malegaleco.

Stephen Hawking, ‘Science AMA Series: Stephen Hawking AMA Answers!’, reddit.com/r/science (8-a de oktobro 2015). Traduko de esperanto-lessons.

#esperanto #esperante #redistribuo #maŝinoj #traduko #hawking #stephen hawking #reddit #scienco

La Maro Plaŭdetas, plaŭdetas, plaŭdetas Vi, maro, ĉe ŝtona deklivo. Kiel fingroj la ondoj eterne Harpadas la fugon de l’ vivo. Ĉiu rok’ estas kordo En via harp’, la marbordo Plaŭdetas, plaŭdetas, plaŭdetas. Plaŭdetas, plaŭdetas, plaŭdetas Vi, maro, en paco kaj ĝojo. Vi harpas ĉielan arion El la libro de Lakta la Vojo. Ĉiu rok’ estas kordo En via harp’, la marbordo Plaŭdetas, plaŭdetas, plaŭdetas. Plaŭdetas, plaŭdetas, plaŭdetas… En viaj okuloj, ho maro, Rebrilas la kanta notaro Dum vi ludas el Lakta la Vojo. Ĉiu rok’ estas kordo En via harp’, la marbordo Plaŭdetas, plaŭdetas, plaŭdetas… Plaŭdetas, plaŭdetas, plaŭdetas! Uragano per fulmo kolera Vipadas la pluvan ventegon; Kun la tondro vi muĝas kantegon, Unu kosman peanon la sorto. Jen muziko timiga, mistera, Pri ŝanĝiĝo, naskiĝo kaj morto… Ĉiu rok’ estas kordo En via harp’, la marbordo Plaŭdetas, plaŭdetas, plaŭdetas…

Tagulo (pseŭdonimo de H. B. Hyams), ‘La Maro’ (verkita originale en malliberejo), Sennacieca Revuo 42-43 (1927), 100.

#Esperanto #Tagulo #Sennacieca Revuo #1927 #Esperante #Rimpoemo #Poemo #Hyams #Maro

“La ekologia principo de unueco en diverseco gradiĝas al riĉe mediaciita socia principo; tial mi uzas la terminon ‘socia ekologio’.”

– Murray Bookchin, ‘Images of First Nature’ (1984), en: Murray Bookchin kaj Janet Biehl (red.), The Murray Bookchin Reader (Montréal 1999) 39-43, tie: 41. (ankaŭ havebla kiel aŭdolibro)

La bildon designis la dordreĥtano Hans Kop Jansen en 1982 kaj montras la ekologiajn problemojn de nia nuna epoko.

#esperanto #Murray Bookchin #ekologio #bildcito #esperante

Februaro Tiran' reganta per nebul' kaj gelo, Nur furiozu! Vana la kruelo. Degelos gard' poltrona: la neĝhomoj, Kaj vin ne savos de l' printemp-ribelo.